29-01-2009, 11:33 PM
|
 |
عضو متواصل
|
|
تاريخ التسجيل: Jan 2009
الدولة: مكة المكرمة KSA
المشاركات: 41
معدل تقييم المستوى: 33
|
|
|
المطار
أجي مِسْرع إلى ذاك المطار , ويرتبـك نصفـي ..
ونصفي الثاني يتسائل عَن اللِّي صار و.. أخطائـي
تروح شلون عَنْ عيني .. وتبدِّل قوِّتي ب ضعفي !!
ولا به شي يستاهل عشانـه .. تبـدي إيذائـي ..
( مسافر ) دُونْ ما أدري وحِزني داخِلـي مخفـي
أبيك الحيـن مـو باكـر تِحلِّـقْ فـوق أجوائـي
مطار القلب يتحـرى رجوعِـك , غيبتِـك تكفـي
أبكتب لِكْ ولا أقـدر علـى .. التعبيـر وإملائـي
غيابك ما رحَم حالـي وحرفـي آآآه يـا حرفـي
تلعثمت , وعجزت آخذ في وقـت البُعـد إجرائـي
أنا كلِّي عَطَـشْ ضامـي أعيـش بغيبتِـك حتفـي
لأنك ساعة الضيقـه هـواي , وبالعَطَـش مائـي
أحبك يا [ وَطَنْ ] غالي عَليْ وحَضْرتِي " منفي " ..!
كفايـه لا تِشتِّتْنِـي تعـال .. وجَمِّـعْ أشيائـي !!
وَطَنْ شنهو وَِطَنْ .. إلاَّ عُيونِكْ في لُغة وصفـي ..؟
غريبه شلونْ تتركْني .. وإنت بداخلْ ( أحشائي ) !
( ثلاثْ أيَّـامْ ) تهجرنـي ولا بيَّنـتْ لِـكْ نزفـي
ودُواي اللِّي تِكاثرْتَـه عَلـيْ وصِـرتْ لِـي دائـي
( ثلاثْ أيَّامْ ) ما نامَت عيوني وما قِدَرتْ أغفـي !!
لي الله كِلْ ما حُولـي غريـبْ وعَالَمِـي .. نائـي
( ثلاثْ أيَّامْ )وأنـوار المدينـه يـا الغـلا تطفـي
وتِعِمْ الظَّلمَه في قلب الشـوارع وأفقِـدْ أضوائـي
تِصَدِّق حتَّى بسماتـي .. أهَلِّـي فِيهـا وتِقفِّـي !
تعال ولَمْلِـمْ جُروحـي ورَتِّـبْ فُوضَـة أجزائـي
يجيني الجَرَحْ مِنْ إيدكْ .. وأصْفِـقْ كَفِّـي بكفِّـي
أعَزْ أحبابي يطعَنِّي ويـداوي الطَّعْنَـه أعدائـي !!
( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..
كأنْهَا طَعنِتِكْ " ضِيفٍ " وقلبي ..... حَاتِمْ الطائي !!
وســـــــلامـــــــتــــكــــم
ولــد الـشــــوقـــيــــة / عـــــلاءعـــــســــيــــري
|
العرض المتطور
