30-01-2009, 12:00 AM
|
عضو سوبر
|
|
تاريخ التسجيل: Apr 2008
المشاركات: 346
معدل تقييم المستوى: 34
|
|
غربة الدنيا
الآ ياغايبه عن عيني وطيفك معي موجود
يسليني عن غيابك لون القلب يشكيله
ولولا طيفك يجيني ليا صار العباد رقود
يونس وحشتي لاموت من فرقاك في ليله
غيابك حطني في غربة الدنيا وثيق قيود
ولاتعجب غريبٍ في بلاده مامعه حيله
ترا الغربه قضية فكر ماهي في وطن وحدود
ماغير الجسم عندي والفكر يمك مراسيله
هواجيسي تعذبني هذي تصدر وذيك ورود
تشب الشوق في صدري وقلبي منك عزيله
ولا من جيب لي طاريك كن القلب فيه رعود
تراجف قلبي الهايم واحبس الدمع لابكيله
واسج الرجل عن دار العرب خايف من المنقود
ولاجيت الخلا دمعي تغرقني هماليله
دخيلك لايطول الهجر وهمومك علي تزود
ترا لاقادر انسى والمواصل ماسعيتي له
وانا لا قدر الله لوابنسى ما لقيت عضود
حواسيسي تخاصمني تقول البعد ماني له
وانا واشلون ابنسى من خذا مني علي عهود
تذكرني تضاريس الطبيعه في مضاليله
ليا منه بدا نص القمر خلف الجبال السود
يذكرني جبينه لابدالي من وراء الشيله
يعانقني شذا ريحه ليا هبت علي النود
واحس الليل لاقبل من شعاع الشمس ياويله
|
العرض الشجري
