30-01-2009, 03:50 AM
|
 |
عضو ماسي
|
|
تاريخ التسجيل: Jan 2009
الدولة: المدينهـ المنورهـ
المشاركات: 1,679
معدل تقييم المستوى: 437
|
|
وصف الطبيعه والربيع
السلام عليكم ورحمة الله وبركاته
الصحيح انتم عارفين من حوالي خمس او ست سنين جاء على المملكة مطر راهي وربعة الأرض وارتوت اكثر مناطق المملكه والحمد لله..
عاد هاذي قصيدة قالها واحد من الشعراء المعاصرين واجاد الحقيقة وصف الربيع اللي عقب المطر وهو الشاعر/عبدالله بن سالم القريني.
ويــــــــــــــــــــــــــــقـــــــــــــــــــ ــــــــــــــــــــــــول:
للكرب عند الله ثــمانـيـن حــلال...الخلق تحت الله ولا شي فوقـه
الحـمـد للي غاثـنا عقب الامحال...من مـدلـهـم سـامـرات بروقــه
من مدته راع الفضيلة والاجلال...من بين كاف ونون يجري دفوقه
اوحي لما مونه على الغيث مكيال...لأرض النواهي بالإغاثة يسوقه
سح غدق وبله على الارض هطال...سـيـله يـسـابق وابـلـه منحقوقه
غطى الروابي والمفالي والاطلال...وعلى الجزيرة ضـافـيات فـتـوقـه
والارض لبسها من النبات باشكال..كن تـوها عـقـب الجمال مـخلـوقــه
كنه يــنــيــلها بالألـــوان نيــــــال...والعـشـب بالـوانه طـوال سـبـوقــه
لون الزهر عقد على سلك الأحمال...من شاف بعيونه نباته يشوقه
العشب بستان على الروض والجان...متخالط رتع الحباري ونوقه
ترعى بها السرفه بلا قيد وعقال ... وضحا على رعي المحاوي طفوقه
مسيرها في مقدم الشول جهجال...يردها الراعــي وتـــقدم طـــفوقــه
البر ياللي باغي سجه البال...اليوم في كامل خضاره وذوقه
سر بالقدم مادمت في وقت الأمهال..سر بالقدم لاتستهين وتعوقه
في مربع عله من الوبل علال...ريح النفل قلبك يريح معلوقه
قفر خلا ما جاه زول ولا مال...غير القميري فيه يلعب طروقه
يلعب على خضراء بها سدر وظلال...يدور حوله راويات عروقه
لك فيه ياللي ترغب العشق منزال...تــغـانمه قـدام تـابـس عـنـوقـه
تراه مثل العمر يزهى و ينزال... له مـدة واجـل يـحـيـن ويـعـوقـه
تدبير من يعلم خفيات الاعمال..اللي بعث راعي الصفات الصدوقه
شفيعنا يوم المكارب والاهوال...والناس من شوف العذاب محروقه
عليه صلينا عدد وادي سال...وما حـام طـيـر الـجو وارخى خفوقـه
=====================================
اللهم اغثنا...اللهم اغثنا...اللهم اغثنا..غيث هنيا مرئا نافع غير ضار اللهم امين
التعديل الأخير تم بواسطة المرهق ; 30-01-2009 الساعة 03:54 AM
|
العرض العادي
