[align=center]
على الاطلال لا تبكي كفى تبكي على الاطلال ""تناسـى الهـم ياقلبـي كفانـا غربلـه وهموم

تعال احسب معي الايام وكم ليله بليـا وصـال""خلاص الماضي ما يرجع ترى حنا عيال اليوم

هذاك اول نعيش بحـب ونتهنـى براحـة بـال""هذاك اول قبل نكبر وتصبح ف العلـوم علوم

ياقلبي هـذي الدنيـا ودايـم تنقلـب الاحوال""ترى ماني الوحيد اللي بصدري ضيقه ومكتـوم

انا ادري ان الزمن ظالم ولا يحسب عنا الرجال ""واعرف الحظ ليمن طاح يبيله وقت ليـن يقوم

وذي قسمتنا ياقلبي تصبر عالحـزن لـو طـال""امر مكتوب ومقـدر وكيـف نغيـر المقسوم

مهو ذنبـي ولاذنبـك نعـاف الحلـم والامـال""مدام ان السهر فارض علينا مـا نـذوق النوم

ياقلبي تعبت عيوني وهـي تنظريميـن شمـال ""ادور للامـل لكـن لقيـت ان الامـل معدوم

ياقلبي لا المطر جانـا ولا حتـى بعـد همـال""ما غير تحوفنا الغيمـه تمنينـا المطر وتحوم

انا احب البحر واعرف هدير المـوج واليامـال""ولكني مع هـذا احـس انـي مااطيـق العوم

اعيش بفقري وراضـي ولا ودي يجينـي مـال""لاني لولقيت المال وجيت اشري عجزت آسوم

ياقلبي مر في سمعي كثير مُن الحكـم وامثـال""ولكن ما لقيت اصدق من اللي قال بكـره يوم

تعال نعيـش دنيانـا ونتعـود علـى ذا الحـال""ويمكن شمسنا تشرق وتصبح ف العلـوم علوم

قصيده اعجبتني للرائع / فيصل اليااامي

واتمنى ان اكون وفقت في الاختيار :o

دمتم بخير ،، حنين الرووح
[/align]