31-01-2009, 09:34 PM
|
 |
|
|
تاريخ التسجيل: Aug 2007
الدولة: عند من يريدني
المشاركات: 3,812
معدل تقييم المستوى: 2834
|
|
|
ياراكبا من فوق بنت العماني
ِقصيدة رائعة للشاعر عايد بن رغيان الشراري وهذه من اروع القصايد الجميله لكن هي طويله جدا وانا اختصرتها لكم
والي ذكر فيها وصف لابل الشرارات .
قلبي يزوم وزود طيشه بلاني =وطير النيا يمكن رجع عقب ماغاب
توه قضيب وزاد بالأكفخاني = سبقه قصير وماقعه دون مقضاب
قلت الفرج بالقافيه واكتباني= دام القلم مطواع والحبر سكاب
ياراكبا من فوق بنت العماني =حول الرباع وتو ماشقّت الناب
فيها من العيرات وقم الثماني=محفوضة التاريخ ميلاد واضراب
بنت القعود اللي يفك القراني=مرباه شط النيل مرتع ومشراب
ضريبته بالعيش صعب المجاني=تدفع لنا غصبا على قوم غصاب
يشهد لنا راعي نفي بالاغاني=وحمود ناصر وبن ملحم وحطاب
عيونها جمر الغضا الشلهباني=في جورتاً مابين كيراً وشباب
فقس العلابي ثم عكف الاذاني=راس الخبير اذا وقف واصلح الكاب
مبرومة الفخذين والزور باني =بينه وبين اكواعها قفلة الباب
شيب الشواغر مع مميل الثفاني=عراضا مرادفها كما قار ديراب
الصيعريه للعصا ماتداني= ولاهي من اللي يشعبونه بمشعاب
تلمح مذانب عينها الخيزراني=هاجت وماجت ثم ساجت بضبضاب
عقب الربخ ساج الحقب للبطاني=شابت مرافغ بطنها والحقب شاب
ان درهمت بك مع سماح المتاني= وحان المسا والدرب عثعث ودبداب
يزيدها شوف الظلام جفلاني=كن السعارة ينهشنه بالانياب
تزلف على اللي سيرها بروجاني=فريد من سرب القطا شافها عقاب
وكل ما قربها زادها بالجناني=تزيد مع لفح الهواء والهواء هاب
حدا نظر خشما عفر مشفقاني=حصا وبر كن النحر باب خشاب
تقدم على السرحان بالهوذلاني=ينزّى الحصا من خفها تقل مشهاب
صفق الهواء بجنوبها بصفحاني= صفقات معصيراً على صوب مزراب
دقات قلبه بالضلوع الحواني = ضرب الدفوف بعرس تلعات الارقاب
مزبان مدمياً بعيد الطناني = لحم ودم وروح وتثير الأعجاب
بالشد لاترغي ولا مضبحاني = مثل الهنوف اذا استحت عند خطّاب
وأن مس حبل شدادها بالمثاني = تبدي الرضا بسكات بعيون عتّاب
وان كنت تطعن في نسبنا تراني = اعطيك علمٍ بالمراجع والأنساب
حنا عرب وساسنا بقحطاني = مكتوب في صافي الذهب بأوسط الطاب
في شجرة الأمه بهاك المكاني = مكتوب بالبردي ومنحوت بهضاب
كلب ابن وبرة جدنا وشهواني = مركز قضاعه ماسكينه بالأطناب
وفي دومة الجندل لنا رمز ثاني = اسم صنمنا ودّ في راس مرقاب
تركع له ارقاب العبيد اركعاني = وكيدر الكندي بنا فيه محراب
وان كان ربك مصطفيك اصطفاني = الفرق بالتقوى والأعمال بكتاب
آدم ابوك وهيكلك مودماني = وحوّا احملت بك عن طريقه بالأخصاب
وانا شريكك في نسبهم ولاني = من كوكبٍ ثاني على الارض طبّاب
وأراك يالممدوح كما تراني = سنا بسن ونشلع الناب بالناب
....
.
0.
.
والي يبي مترجم وانا لقيتلكم واحد الساعة بخمسين دولار 
وسلامتكم
راعي الجــــــــــــــــــــــــــوفـــــــــــــــــــ ــــــ
التعديل الأخير تم بواسطة راعي الجوف ; 31-01-2009 الساعة 09:38 PM
|
العرض العادي
