السلام عليكم ورحمة الله وبركاته ..

انا شفت ناس تسأل عن تقديم سلاح المشاة اعلمكم السالفة ..

رحت لهم يوم السبت البارح يعني امة لا اله الا الله والله زحمة تقول حج ..

الاسبوع هذا مكتوب الثانوية السبت ممتاز الاحد جيدجدا الاثنين جيد .. باقي الاسبوع .. المتأخرين ..

مافي تنظيم بالدخول نهائيا والله حوسه .. نادوا اللي تقديره ممتاز دخلوهم شوي اللي جيدجدا ما جاء الساعة 11 حتى جيد دخلوا بعد ما في تنظيم زي ما قلت بالدخول ..

وقالوا المتوسطة الاسبوع الجاي بس .. يعني الاسبوع هذا ثانوي ..

اهم شي انا جيت الساعة 5 ودخلت الساعة 7.30 تقريبا .. اعطونا اوراق بيانات شخصية ومعلومات تاخذها من كرت العائلة .. وهوية الوالد ورقة بسيطة ..
ويعطوك ورقة خضراء تكتب فيها اسمك وبياناتك صغيرة الورقة .. حقت موعد ..
جلسنا على المدرجات اللي جوه وبالدور تمشي بعد ما تخلص كتابة بياناتك .. تروح تسوي الطول والوزن مافي شي معين .. ما حددوا اي طول ووزن .. يكتبها لك عالورقة ..
ثم تروح تسوي تدقيق بيانات .. مهم اصل الثانوية العامة وكرت العائلة .. للمطابقة ما ياخذو الشهادة بس لازم تجيبها عشان يطابقوها ..
مطلوب 6 صور شخصية اخذوا صورة وحدة ورجعوا الباقي لي ..
المهم تسوي تدقيق بيانات وبعدين تروح تسوي مقابلة شخصية محد حولك ..
سالني ويش اسمك وبس تخيلوا وكتب درجات من راسه .. والورقة الخضراء تختمها وتخليها معاك الى ما تطلع النتائج ..

النتائج تطلع بعد 3 اسابيع من امس .. يعني يوم 23 تقريبا ..

الظباط االلي جوه والجنود متفاهمين بالحيل غير اللي برا ..

اتمنى اكون افدتكم اي سؤال انا حاضر ..
اخوكمـ ..

وعليكم السلام ورحمه الله وبركاته

بالتووفيق يالغلا

طيب الي معه شهاده جامعيه ماتدري الرتبه وش تكون ..؟

^^^^^^^^^^^
شهادة جامعيه بكالوريوس ولا دبلوم

الدبلوم وكيل رقيب والبكالوريوس الرتبه اللي فوقها ما ادري وش هي بالظبط

طبعا اذا حطوك على تخصصك تتوظف على طول وينزل لك صنف التخصص

واذا حطوك في قسم غير تخصصك لازم تاخذ دورة ست شهور في الطايف بعد التعيين

تدرس فيها تخصصك اللي انت شغال فيه

مشكوووور أخوي

بارك الله فيك

^^^
الله يعطيك العافيه ياخوي سؤالبس
متى راح يكون اللي تقديره جيد لاني ماني من المنطقه؟؟؟؟

اليوم اللي تقديره جيد شباب ..

وتدقيق البيانات يشوف الشهادة ثانوية والكرت موجود وصورة البطاقة ..

ياشباب اي أستفسار انا جاهز
توني مقدم عليهم