بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين


ــ أحد الأخوة يفكر يشتري أحد المستودعات

على طريق الرياض الخرج ..


لكن متردد حول نوع السلع المناسبة

للتخزين بها المستودع .... ويفكر يكون

لتخزين الفحم ؟؟؟؟؟؟؟


وش رأيكم ؟؟؟؟؟؟؟

السلام عليكم يأخي أحمد محسن
انظر يأخي هل هو يستورد الفحم او يشتري من السوق وماهو هدف التخزين
هل عنده مؤسسة او مبتدئ لكي ندلي برأينا
وتقبل تحياتي
اخوك السلاطين

دعواتي الصادقه له
وللاسف ماعندي خلفيه
لكن دخلت لاارفع الموضوع

اذا سؤالك هل يسمح لي بتخزين الفحم في مستودع على طريق الرياض

اذا كان المستودع خارج النطاق العمراني يكون مسموح لتخزين اي سلعه غير المواد الغذائيه ..

وبخصوص السلع المناسبه محد يفيدك فيها الا البلديه

واذا سؤالك تبغى راينا في تخزين الفحم ....

رأيي الشغل في الحطب او الفحم زين بس بطيئ.. وبعدين وش الهدف من تخزينه !!

صرفه على المحلات افضل لك ..

وبالتوفيق .

[align=justify]
السلام عليكم ورحمة الله وبركاته
اخوي اذا خويك يبي يبني مخزن او يشتري مخزن نصيحة ترى طريق الخرج والسلي يمكن 15% من المخازن ماهي مستاجرة معروضة للايجار ولا احد خذاها, خصوصاً الى على الاطراف من جهة اسكان الحرس الوطني وكذلك الى بعد اسكان الجيش, ولكن نصيحة خله يبني في الشمال(حي حطين/الصحافة) اخر الحيين شمالاً بعيداً عن البنيان وصدقني بيستأجر او انه يبنيه في شمال شرق الرياض يعني عند الفحص الدوري وانا مستعد اني استاجره منه بسعر 45000 سنوياً والاسعار تتفاوت حسب المساحة والموقع فيه بالشمال والشرق من 30000الى 50000 واذا هو ناوي يبني بالشمال او شرق عند الفحص راسلني ع الخاص عشان نتفق ونحجزه من الان
[/align]

بالتوفيق

الله يوفقكم

بالتوفيق للجميع ان شاء اللهـ،