مديري يماطل بشهادة الخبرة برأيكم ايش السبب؟

روح الحياه · #11 (**permalink**) 03-02-2009, 11:13 PM

اقتباس:

واحتمال له نوايا أخرى غير طيبه ..

ويريد المساومه ..

تحياتتي

اقتباس:

هذا المدير مو مزبوط الله يعينك عليه
اوافقك ياطواري

لا مو لهالدرجة
أساسا هو ماعمره شافني بحياته ولا يعرف طولي
صح انه اكبر كذاب قابلته بحياتي
بس هالنوايا مايتجرأ يتكلم فيه ولا يجب طاريها

دوروا سبب ثاني غير كذا؟

روح الحياه · #12 (**permalink**) 03-02-2009, 11:16 PM

اقتباس:

المشاركة الأصلية كتبت بواسطة الجرح الاليم

لا اتوقع يدور بديل
او يمكن ناوي خير يمكن يعطيها مميزات ومتطلبات لتستمر في العمل معه

اقتباس:

المشاركة الأصلية كتبت بواسطة نسيت آلناس

يمكن ينتضر البديـل

لو عندك بديل قولي لـه عششان يفكك

لا هذا سبب مو وارد ابدا لاني تاركه الشغل من فترة طويلة
فكروا معي .. ايش سبب التأخير؟

روح الحياه · #13 (**permalink**) 03-02-2009, 11:23 PM

اقتباس:

المشاركة الأصلية كتبت بواسطة عسل النحل

يمكن من الشروط الخبرة انتهاء العقد مو استقالة يعني

مكتب العمل يلزمه يعطيني شهادة خبرة سواء
استقلت أو انتهى عقدي
المشكلة انه ما يقول لا منيب معطيك الشهادة
لا .. يقول ان شاء الله اليوم ارسلك اياها .. او يتهرب مايرد علي
يصرفني .. زي كذا
لو يقول لي مافي شهادة كان عرفت اتصرف معاه .. بشكل ثاني

انا حاسه انو قاعد يعمل شي
وهالشي لازم ينتهي منه قبل مايعطيني الشهادة
بس وش هو هالشي؟

الله العالم

على قولتهم الذيب ما يهرول عبث

روح الحياه · #14 (**permalink**) 03-02-2009, 11:28 PM

اقتباس:

المشاركة الأصلية كتبت بواسطة العاطل الموظف

الله يعينك

آمييييين
والقايل يارب
هي على الله .. الله يفرجها من عنده

روح الحياه · #15 (**permalink**) 03-02-2009, 11:30 PM

اقتباس:

المشاركة الأصلية كتبت بواسطة الفكر التجاري

أتوقع أنة مو قادر يستغني أو مو لاقي من يشغل مكانك

ههههههههههه
ايييوه كثر لي منها ذي

اساسا انا تاركته من فتره طويلة
بس ابي شهادة الخبرة وافتك منه

محاسبه عاطله · #16 (**permalink**) 03-02-2009, 11:43 PM

الله أعلم مافي النفوس
كل ما احب اقوله لك ... اذا كنتي ما أخذتي اخلاء طرف من العمل فيجب عليكي المطالبه به بأسرع وقت
لأن اخلاء الطرف من وجهة نظري اهم بكثير من شهادة الخبره
انتبهي وحاولي انك تصرين على انهاء خدماتك بصفه رسميه بأسرع وقت ممكن
وياليت اذا انتي طالعه من العمل باستقاله يكون عندك نسخه ... تحسبا لأي أمر غير متوقع

الله يعينك

روح الحياه · #17 (**permalink**) 04-02-2009, 02:14 AM

اقتباس:

المشاركة الأصلية كتبت بواسطة محاسبه عاطله

الله أعلم مافي النفوس
كل ما احب اقوله لك ... اذا كنتي ما أخذتي اخلاء طرف من العمل فيجب عليكي المطالبه به بأسرع وقت
لأن اخلاء الطرف من وجهة نظري اهم بكثير من شهادة الخبره
انتبهي وحاولي انك تصرين على انهاء خدماتك بصفه رسميه بأسرع وقت ممكن
وياليت اذا انتي طالعه من العمل باستقاله يكون عندك نسخه ... تحسبا لأي أمر غير متوقع

الله يعينك

اهلين محاسبة عاطلة
ياليت تذكرين لي ايش اهمية اخلاءالطرف؟ وانهاء الخدمات بصفة رسمية؟
ايش يترتب على هالشي اذا ماعملته؟

انا كان في بالي هالشي
بس تعرفين وين المشكلة .. هو في بداية العقد قالي انو بيتسجل بمكتب العمل وكل شي تمام
بس الحين لما سألته اذا كان اسمي مسجل بمكتب العمل ..ارتبك.. بعدين قالي لا
عشان كذا صرفت نظر عن اخلاء الطرف وصرت افكر بشهادة الخبرة
طبعا انا ما اثق بكلامه ابدا .. لانه اكبر كذاب شفته بحياتي
واتوقع منه اي شي
وانا ابغى اتأكد من هالشي بنفسي
بس ما اعرف رقم مكتب العمل

..
مكتب العمل النسائي بالتحديد
ياليت اذا تعرفين تساعديني

مشكورة حبيتي والله يعين الجميع يارب

محاسبه عاطله · #18 (**permalink**) 04-02-2009, 06:51 AM

عزيزتي ...
بالنسبه لي كون أغلب العمل الذي أستلمه خاص بالحسابات ... من الطبيعي أن أطالب باخلاء الطرف من جهة العمل حتى وان صادفت الرفض بتسليمي شهادة الخبره
نوع من حمايه لي بعد تركي للعمل واثبات بتسليم العهده كامله
بالنسبه لك ... ما أدري وش العمل الي كنتي مستلمته وبالتالي انتي الي تقدري تحددي اذا كانت هناك مسؤوليات تترتب عليك بعد ترك العمل بدون اخذ اخلاء الطرف

كمان في أغلب جهات العمل تعتمد شهادة الخبره كنوع من اخلاء الطرف الضمني للموظف المستقيل

بالنسبه لمكتب العمل ... اتصلي واستفسري عن أي شيء يهمك واحرصي على ان تعرفي وضعك في سجلاتهم .. وهم متعاونين جدا سواء بنات أو شباب
وهذا الرقم الي عندي 4024444
وممكن تتصلي على الاستعلامات وتاخذي الرقم

لا تتوتري واتصرفي بحكمه وحاولي انك تحلي الموضوع بهدوء بصرف النظر عن ما حصل

في الآخر ... لابد تكوني أكثر حرص عند العمل في القطاع الخاص ويكون عملك مثبت بعقد واضح يبين الي لك والي عليك .....سواء اذا كنتي متدربه في فترة التجريب أو موظفه رسميه
وفي حال الاستقاله لازم يكون معك نسخه من الاستقاله بعد ما تعتمد من مديرك المباشر
ولابد أن تكوني استلمتي كامل مستحقاتك في حال انهاء خدماتك
ياعزيزتي .... جهات العمل حريصين جدا على أن لا يلحق بهم الضرر من أي موظف ... كوني حريصه أنتي ايضا

أتمنى أكون أفدتك