صباح الخير أخواني و أخواتي

أنا أول مره أكتب بهذا القسم موقف مر علي

وشكلي ماعندي سالفه وأنا أكتب بقسم الواحه

أحس أني من جنبها

أقولكم الموقف بس أضحكوا بشويش

أخاف جيرانكم يتضايقون من صراخكم

مره حبيت أغير نوعيه عطوري و أجيب عطر جديد لأني من عرفت نفسي و أنا ما أغير

أحس أني قدييييييييم

وبغبر بعد

ما كنت أستعمل إلا (( لينك )) أو (( ميلكيت )) أو (( جنجر)) أو (( دكني ))

يالبا قلبه هالدكني ياني دايخ معه

و أنا اللي أروح للسوق عاد أنا عندي قناعه أحسن وقت تروح للسوق هو الخميس ( الصباح )

تروق و تفتر وما عندك أحد

تاخذ راحتك وتشتري على مزاجك

و أنا اللي أدش محل عطورات و الاقي ذاك الهندي قلت بمزمز عليه

قلت له عطني عطور غير اللي أستعملها ذيك اللي بالاول

وقام أبو هنود يعرض لي عطوراته

لين تسكر خشمي ولا عرفت أميز هذا من ذاك وجتني حساسيه من ريحه العطور

قلت ما بدهاش حطلي كل عطر بورقه علشان أروق عليها بالبيت و أقعد أشمشم على كيفي

ما قصر الهندي حطلي عشر أنواع و أنا اللي اجمعهن و أحطهن بجيبي

وطلعت من المحل وكل شوي مطلع ورقه أشمها و أنا بالسياره

وصلت البيت ونسيت الورق

بس كان فيه ريحه عطر فايحه عندي قلت أصبر لي يومين و أتأكد من قوته

وبعد يومين شميت الأوراق ولقيت كل العطور راحت ريحتها إلا واحد دوخني حلووووووووووو

و أنا اللي أخذ الورقه وطيرااااان على المحل؟؟؟؟

وعطيته الورقه ودور العطر لأنه كاتب أسم العطر عليه؟؟؟

وما لقاه؟؟؟

قالي هذا بالمستودع تعال العصر و أنا أجيبه لك

قلت لا مو العصر خله بكرا الصباح أخف زحمه

قال ماشي؟؟

قلت حطه هنا بالدرج يمكن أوصي أحد يمرك و ياخذه

قال أوكي ؟؟

عاد أنا سفهته أسبوع وبعد هالأسبوع رحت الصباح لقيت مصري

سألته عن الهندي قال سافر قلت فيه عطر عندك لي موصيه يجيبه لي

قال شسمه؟؟

و أنا اللي الخم ما أعرف أسمه و أنا اللي أفكر و أفكر و أفكر

لين تذكرت الدرج قلت تلقاه هنا بالدرج

وفتح الدرج ولقااااااااااااااه

و أنا اللي أشتريه قلت بكم قالي 280 ريال قلت كويس سعره معقول على ريحته

وخذته وطلعت و أنا بالسياره أبخبخ منه

لين وصلت للبيت؟؟؟

صارلي أسبوع أتعطر منه وريحته متغيره مو نفس العطر اللي أخترته ودخت معه

رجعت للمحل قلت العطر مو نفس اللي أبيه بعد ماراحت نص العلبه؟؟؟؟

قلت بغير مره ثانيه وحطلي كم عطر بورق وقام ابو مصعد يبخلي بالورق

وجيت أنا وجمعت الاوراق و احطهن بجيبي

قالي لا

كذا تختلط العطور مع بعض؟؟؟؟؟؟؟؟؟؟؟؟؟؟؟؟؟؟؟

يعني ايش؟؟

يعني عطري اللي دخت معه كان مخلط بعشره عطور



مايستفاد من القصه؟؟؟

1 / إذا بغيت تشتري عطر بورقه لا تجمعه مع عطور آخرا

2 / خلك على عطورك القديمه لأنك متعود عليها و تأخذها بدون ورق

3 / قديمك نديمك لو الجديد أغرااااك و أعجبك ودخت عليه


تقبلوني هنا بصدر رحب

وعتدي موقف ثاني بس بشوف كيف مستواي عندكم

أسدحه أو أكتفي بهذي القصه

و أخليه حبيس بذاكرتي؟؟