السلام عليكم ورحمة الله وبركاتة
صباح الخير
شركة عجلان واخوانة (هذا بتاع شماغ بروجية وسروال دروش) بتعاون مع بنك اتسليف يعطون وكالة ملابس لشباب السعوديين
وطريقتهم هي ان الي عليك هو ايجار المحل والديكور
وههم عليهم البضاعةبالكامل جميع مستلزمات الرجال كاملة
شروطهم بالعقد كثيرة لاكن اهمها
احتكار المحل يعني مايدخل المحل غير بضاعتهم
وانك ماتبيع البضاعة خارج المحل
ويضا ماتبيع باقل من السعر الي هم محددينه او ازود
والي يخالف احد هاشروط يحقلهم سحب الوكالة بدون مايرجعون لك

الضمانات المطلوبه
كفلاء يطلبها منك ابن عجلان بعد مايقابلك

ياخوان انا جيتهم وقابلتة وطلب مني اربع كفلاء حكوميين على بضاعتة وحبيت استشيركم للي عنده خبرة بالمجال او يعرف عن مشروعهم شي هل هو مجدي وناجح
وهل منتجاتهم لها طلب باسوق ولاحظو هنا انه يحتكر المحل لمدة ثلاث سنوات
لو خسر المشروع تكون الخسارة علي كلة الي هي ايجار المحل وديكورة اما هو يجي ويستلم بضاعتة وخليك
ارجو ان لاتبخلو علينا بارائكم

وهذا رقمهم لاالي يريد الاستفسار وتسجيل لديهم 8001247272


وباللة التوفيق

بالتوفيق

من وجهة نظري اشوف مالها داعي هذي تعتبر دعاية لهم عن طريقك وكأن المحل فرع لهم وانت تديره لكن ممكن تفتح محل وهم ينزلولك وغيرهم بضاعة بنص القيمة مثلا ويعبوللك المحل وانت تكمللهم الباقي بعد البيع

وممكن تلقى عروض افضل من كذه لكن يحتكر المحل له فقط وانت عليك الايجار والديكور فهذي ماارى فيها نجاح والله اعلم

مشكور على المرور والله يعطيك العافية على النصيحة

بصراحه اشوف انك تقديم على بنك التسليف .... او صندوق المئويه .... او تقديم على اي موقع تمويل ابرك حتى عبداللطيف جميل

لانه اربع كفالات ما سارت والله يعني عبداللطيف جميل كفيل واحد اما صندوق المئويه لا يوجد كفيل

هذا رقم صنودق المئويه اذا تبغى تستفسر 920020100

وصدقني ان شاء الله بتستفيد كثير

=== مجرب

تحياتي لك

اخوك فؤاد k.s.a

اللي اشوفه ان شروطهم تعجيزية يعني حتى الفرنشايز من برى الغالب مايلزموك
بهالشروط نصيحتي تفكر بمشروع غيره ...