06-02-2009, 04:58 AM
|
عضو مميز
|
|
تاريخ التسجيل: Jan 2009
المشاركات: 782
معدل تقييم المستوى: 35
|
|
|
تدقيق الاوراق + الكشف الطبي (المخدرات )
[frame="5 98"]
بسم الله الرحمن الرحيم
السلام عليكم ورحمة الله وبركاته
كيف حالكم ان شاء الله الجميع بخير .....
اخواني مثل ماقريتم الموضوع ابكتب لكم رحلتي كامله
من المقابله الشخصيه عند المخدارت حتى نهاية الكشف الطبي
(( وللمعلوميه كثير مواضيع كتبت في هذا الشئ لاكن الاضافه جميله ))
(( مقابلة تدقيق الاوراق ))
تحركت سياره نوع كامري الى مدينة الرياض منطلقة من منطقة القصيم
في تمام الساعه 5 صباحاً من يوم الاثنين 23/1/1430هـ
(( الولد قام يتفلسف )) < ولايهمكم >
ولله الحمد وصلت الرياض الساعه 8.30
وتفاجئت بطريق الملك فهد (( وااااااااااااااااااااااااااقف )) قلت بس رحت فيها
المهم ولله الحمد بعد محاولات بمجاوزت السيارات
وصلت المديرية تقريباً الساعه 9.20 قلت بس تبي تجيك الطرده الحين
ولله الحمد مشونا الشباب ماقالوا شي عن التاخير
ودخلت عند البوابه الرئيسية للمبنى لقيت عسكري قال اسمك قلتله عبدالله
وعنده ورقه فيها الاسماء وحط صح على اسمي قال تفضل يله
وادخل الصاله واحصل واحد ثاني قال نسبتك واقوله النسبه قال يله اجلس ونزل الكنادر الله يعزكم وشماغك
وانتظر ينادون برقمك قلت تمام
وانتظر وقال رقمي النقيب قلت (( حاااااااااااااااااااضر ))
المهم واجي عنده وياخذ الطول ويسجل عنده في الورقه قال يله خذ الملف الاحمر وعب البيانات وحط الصور
واسجل بياناتي وادبس الصور (( ثلاث صور ))
وانتظر ونادى باسمي واجي عنده (( طبعاً عند اللجنه الحين ))
قال هات صورتين قلت امرك طال عمرك واعطيه صورتين
قال اللي جنبه وش معك شهادات واعلمه باللي معي قال وين تبي الادله قلت
(( القصيم ))
قال يله ارجع وانتظر ينادون باسمك ثاني
رحت وجلست ونادوا باسمي بعدها واجي عنده ويختم على الصور وعلى الخطابات
قال يله توكل على الله وخذ موعد الكشف الطبي
واروح للشيخ الثاني قال موعدك في 7/2/1430هـ
المهم طلعت تقريباً من عندهم 11.20 صباحاً
وادق سلف ع القصيم طبعاً بقى ع الموعد حق الكشف تقريباً اسبوعين
قلت فرصه اخلص حق البصمات والاحوال والحمدلله انتهيت من كل الاوراق وسجلت البيانات بالملف
(( الكشف الطبي ))
تحركت سياره نوع كامري من منطقة القصيم متجهه الى عاصمتنا الحبيبه
في تمام الساعه 11 مساءً من يوم الاحد 6/2/1430
ولله الحمد وصلت الرياض الساعه 4 فجراً من يوم الاثنين 7/2/1430هـ
طبعاً لاتحسبون المشوار بعيد الى هالدرجه خمس ساعات ؟؟؟
لا طبعا اخذت فاصل عند محطة العتش
( شوي عشاء ) ( وشوي شيشه ) وبعدها تحركت
المهم الساعه 4 الفجر وانا عند المديرية
واوقف عند باب المديريه قلت ابنام شوي على مابال تجي الساعه 6
واسدح المرتبه مادريت الا العسكري(( يطق الدريشه )) قلت انا لله وانا اليه راجعون
وافتحله قلت سم ابوي قال وش عندك قلت والله عندي موعد الكشف الطبي وتعبان ودي انام شوي
قال سلامات بدري الموعد 6 قلت والله ياخوي جاي من القصيم دوبي واصل وتعبان
اذا عندكم مانع اروح لمكان ثاني قال لا وش دعوه (( وطلع الرجال حبيب ))
قال اذا انت تعبان تعال داخل المبنى ونم هناك قلت لا ياطويل العمر ماتقصر بس ابريح بالسياره
والمهم جت الساعه 6 وادخل المديريه الا والشباب موجودين ومحلقين وطاقين هالكنادر البيض
ومامثلهم تقول انهم داخلين الدوره (( الله يوفق الجميع ))
المهم وننتظر داخل المبنى الى حد الساعه 7.10 جانا حضرة النقيب قال يله اركبوا الباص
المهم يوم ركبنا الباص واروح قدام عند السواق الا وهو مشغل محمد عبده طربان على هالصبح
قال اذا فيه احد منكم يبي يروح بالسياره يروح ماعندكم مشكله لاني ابنزلكم وامشي !!!!
قلت لاياخوي فاضين تكاسي
واركب سيارتي والحق ابو الشباب للمستشفى
وصلنا المستشفى حول الساعه 7.30 وقاموا ينادون بالاسماء اللي يسمع اسمه يروح
عند باب المستشفى
المهم تجمعنا عند البوابه الى حد الساعه 8 بالظبط
ونادوا باسمائنا ودخلنا داخل المستشفى
وجلسونا بسيب صغير عند باب الاشعه وجانا واحد بعدها
قال انا رئيس اللجنه الطبيه بالمخدرات اذا عندكم أي استفسار تفضلوا ...
وبعدها مشى وجا الممرض قال يله على 15 واحد 15 واحد تفضلوا
المهم دخلنا الاشعه وحشرونا بغرفه (( صغيره )) الله يوسع علينا قبورنا ان شاء الله
واخذ على واحد واحد يسويلهم اشعه
(( خذ نفس عميق )) (( خلاص تنفس طبيعي ))
انا بغيت اموت يوم قال خذ نفس عميق بس الحمدلله هانت
بعدها قالوا يله توكلوا على الله وتعالوا بكره الساعه 7.30
المهم طلعنا من المستشفى تقريباً حول الساعه 8.30 (( حلوين اليوم الاول ))
ورحت ادور بالرياض واروح اخلص لي كم شغله بالرياض
المهم رحت للبطحاء العزيزه حول الساعه 2
ادور على شقه ولقيت شقه حليله 75 ريال باليوم
غرفتين وصاله ومطبخ ودورة مياه (( الله يعزكم ))
واضربها نومه ومااقوم الا الساعه 10 مساءً واطلع وادور بالرياض
(( اليوم الثاني للكشف الطبي ))
المهم الساعه 8 بالظبط من يوم الثلاثاء وانا عند المستشفى
وننتظر عند البوابه ينادون بالاسماء ودخلنا
ورتبونا بالصاله عشان ناخذ الطول والوزن والتحليل
المهم وصلنا الدور ودخلنا عند حق الطول وقاس الطول والوزن
قال ادخل عند الممرضه حقت التحليل اخذنا منها علبه عشان (( البول )) الله يعزكم
وجبنالهم العلبه
وبعدها قعدنا ننتظر باقي ياخذون عينات من الدم وياخذون الظغط
بعدها دخلونا على اربعه اربعه وصلنا عند الممرضه
وقاست الظغط بعدها عند الممرضه الثانيه ( العجوز ) ( ياابني ) واخذت الدم
قالوا يله توكلوا على الله وننتظركم بكره الساعه 7.30 قلنا حاضرين
المهم طلعت من عندهم حول الساعه 10.40
(( فاصل ونواصل ))
واروح واتذكر ان اليوم الثلاثاء وفيه مباراة الهلال والشباب قلت فرصه
وادق على واحد من الشباب قال المباراة في ملعب الملز قلت تمام
وانا من زمان عن ملعب الملز يعني تقريباً عشر سنوات يعني ناسي وين مكانه
ومن الساعه 12 الله يجيركم الى الساعه 3 عصراً وانا ادور هالملعب لين حصلته
واجي عند حراس الامن قلت وين اللي يبيعون تذاكر قال أي تذاكر الله يرحم والديك
قلت تذاكر المباراة مباراة الشباب والهلال قال اقول توكل على الله مافيه مباراة اليوم
(( وشلوووووون )) مافيه مباراة انا متاكد قال اقول روح الله يستر عليك
واروح لبقاله جنب الملعب
واقرا الجريده
وتفاااااااااااااااااااااااااااااااااااجئت
(( المباراة على ملعب استاد الملك فهد )) هههههههههههههههههههههههههههه
وانا تقفل الاخلاق واروح للملعب على طول وادخل الملعب
واهستر مع الرابطه ونشجع يوم وصلت المباراة الى الاشواط الاضافيه
قلت يوووووووووووووه والله قهر ياخوي عندي كشف بكره ودي اروح انام
المهم انهزم الهلال وتوكلت على الله
(( عدنا لكم ))
(( اليوم الثالث للكشف الطبي ))
وصلت الساعه 8 تقريباً من صباح الاربعاء (( الله لايعيد ذاك اليوم ))
دخلنا عندهم وخلونا ننتظر بالصاله الى حد الساعه 9 تقريبا
بعدها جانا الممرض قال يله على خمسه خمسه تدخلون وتنزلون ملابسكم السروال الطويل والفانيله
المهم دخلنا عند الدكتور يناظر اذا فيك بعج او ماشابه ذلك
بعدها رحنا للدكتور الثاني عنده بنفس الغرفه يحط السماعه على الصدر والظهر
ورجعونا بعدها للكراسي ننتظر طبعاً دكتور الانف والاذن الحنجره
(( الله يسامحه ))
جانا دكتور الانف وبدينا ندخل عنده
ودخلت قال الممرض وش اسمك قلت عبدالله قال وش اسمك مااسمع
(( سويت ميانه )) قلت هذا دكتور الاذن عندك خله يشوف وش فيك (( قال تستهبل انت ))
وجيت عند الدكتور قال كمل الكشف حق دكتور العيون والاسنان
وبعدها نظف اذانيك وتعال يوم السبت
قلت يادكتور ياخوي صعبه انامن القصيم صعبه قال اقول روح وتعال يوم السبت
قلت السبت السبت وش ورانا (( بس والله كدر خاطري ))
رجعت للقصيم وانا طفشان عشاني ابرجع يوم السبت بس الله يعين (( ادعولي ))
ورجعنا على الكراسي ننتظر دكتور العيون
جانا دكتور العيون ودخلت عنده
قعدت على الكرسي وقدامي مرايه ويسكر عين وحده ويقول وين فتحة هذي ووين فتحة هذي
وبعدها عطاني دفتر حق عمى الالوان يسالني عن الارقام اللي داخل اللون
وبعدها طلعت من دكتور العيون
باقي حق الاسنان تاخر شوي بعدها حضر دكتور الاسنان
شاب سعودي حليل والله
جينا عنده يقول بس سكر سنونك وبعدها يقولك خلاص توكل على الله
وقالوا يله توكلوا على الله وتابعوا موقع المديرية
طلعت من عندهم حول الساعه 12 كان يوم زفت الله يسهل الامور ان شاء الله
وهذا اللي صار معي بالظبط
أي استفسار أي خدمه اقدر عليها انا حاظر وكلي لكم
اتمنى قدرت افيدكم بشئ
اتمنى للجميع التوفيق
لكم خالص التحياتـــ........... [/frame]
|
العرض العادي
