السلام عليكم ورحمة الله وبركاته

انا ماجيت كتبت هنا الا وربي لان قلبي يعورني عليه لما اشوفه كذا
عندنا جار لنا وربي وربي يكسر الخاطر عليه ديون والله ماتشيلها الارض وفوق ذا ماعنده وظيفه معتمد على محل ملابس رجاليه عنده وقسم بالله يقول لاابوي انه مايكسب باليوم يمكن الا 50 ريال خمسين وش تسوي لعيله مكونه من 6 وشايب وولده تزوج وهو صغير وهو الي دفع له المهر واثث له بيته وتدين عشان ولده وزادت ديونه وله ديون على واحد من جيرانا وصل دينه على الرجال ذا 80 الف وقام جارنا الثاني حجز على صرافته لين يسدد ديونه الي عليه ومريض وحالته حاله واخرها الاسبوع الي راح جته ازمه قلبيه بالليل وتنوم بالطوارئ وانا وقسسسسم بالله اني منقهره عليه ودي اني بيدي شي اساعده واقدم له لكن انا عاطله والله ولاعندي شي اساعده فيه غير اني ادعي له ربي يفرج همه وربي ماكذبت كلمه وحده انه بجد يحتاج المساعده المشكله ان امي تقول حتى لو فكرنا نساعده ماراح يقبل ابي تعلموني وش ممكن اسوي له وش ممكن اساعده فيه تكفون علموني وساعدوني والي بيده شي لايبخل علينا الله يسعدكم ويرزقكم الجنه

انسانه عالهامش


على مشاعرك تجاه ذلك الإنسان المحتاج ..وحلو تفاعلك .. لكن اين الجمعيات الخيريه؟

اهلين اخوي والله مدري وينهم عنه قسسسسسسم بالله يحزني الحين من كتبت هالموضوع وانا احوس بالنت وادور اذا فيه شي بقدر اساعده فيه مدري وش ازين

قال تعالى


{ وَلَنَبْلُوَنَّكُمْ بِشَيْءٍ مِّنَ ٱلْخَوْفِ وَٱلْجُوعِ وَنَقْصٍ مِّنَ ٱلأَمَوَالِ وَٱلأَنفُسِ وَٱلثَّمَرَاتِ وَبَشِّرِ ٱلصَّابِرِينَ }155 البقرة

تقولين بآخر موضوعك حتى لو بتساعدينه ماراح يقبل

اجل كيف وش السواة

------------

حاليا ادعوا له و الله يأجركم ان شاء الله

و جزاك الله خير اختي الكريمه على حرصك و مشاعرك تجاه هذا المسكين

*** الله يرزق ويستر على كل من ضاقة الدنيا به
يااارب ***

على الهامش

اسئل الله ان يكتب اجرك على كل ماتقدميه

في جمعية زمزم وعبداللطيف جميل تساعد المرضى ..

وربك يفك اسره ودينه يارب العالمين

تحياااتي

جمعي من اقاربك فلوس بسيطه لو عشرات ومئات وقولي لهم لواحد محتاج
-----------------
بعدين ارسليها بظرف مع احد لايدري انها منكم واكتبي من فاعل خير
---------------
هذا راح يفرج عليه مؤقت ---اما التفريج عليه طول العمر هذا شي لاباستطاعتي ولا باستطاعتك ولو قعدنا كلنا نصرف عليه كل شهر بعد ماراح يغتني 000لازم هو يساعد نفسه
-------------
وغير كذا ادعي له

الدعاء ثم الدعاء

الله يعينه ويغير حاله للأحسن يااارب
وجزاك ربي الخير ان شاءالله على مشاعرك تجاهه