والله محتار بين المخدرات وبين الكليه الامنيه << صابتني حاله نفسيه

سلمان بن حرب · #11 (**permalink**) 07-02-2009, 04:21 PM

واللله حمستوني خلاص انا قررت اتخرج رئيس دوله<<<<امحق

ولد الجنيه · #12 (**permalink**) 07-02-2009, 11:26 PM

اقتباس:

آسف

خطاً مطبعي

اذا تبي رأيي

او اذا انحطيت في مكانك انا صراحة ابفكر شوي ( ابتفلسف شوي ) اوكي

واحسبها مع نفسي يبيلي دراسه اربع سنوات مظبوط

ويبيلي حول سنتين في كلية الملك فهد

هذا اذا جت الامور تساهيل كلها

يعني 6 سنوات مابين دراسه ومابين دوره

6 سنوات اخوي ان شاء الله اذ انقبلت بالمخدرات مظبوط

خل من الراتب اقل شي قل 3000 ريال مظبوط

وقمت تجمعهن طول الست سنوات شف معي كم تبي تحصل عليه

تحصل وانا اخوك 216000 مائتان وستة عشر الف ريال

يعني تبي تتزوج بدون اقساط وتبي تشتري سياره بدون اقساط

بعدييييييييييييين تاخذ قرض عشان البيت وتنتهي امورك ولله الحمد

اتوقع انك عرفت وش قصدي !!!

اتمنالك التوفيق

تحياتي

والله يا حبيبي ما قصرت وعلى الفلسفه الحلوه التي اثلجت صدري بصراحه وانا اخوك انا عندي الشقه وعندي السياره والحمد لله بس ناقصتني الوظيفه بس مثل ما قلت سته سنوات ذي طويله مره وممكن تتغير اشياء واشياء بالامنيه بس تعرف وانا اخوك اذا دخلت الامنيه بكون الواحد من فخذنا ضابط تعرف الفشخره والدلع عشان كذا وانا اخوك افكر فيها

ولد الجنيه · #13 (**permalink**) 07-02-2009, 11:28 PM

اقتباس:

واللله حمستوني خلاص انا قررت اتخرج رئيس دوله<<<<امحق

ولا شي يا غالي هتلر على ما اضن كان عريف مدري جندي وشوف وين وصل خخخخخخخخخخخخ بس انتبه لاحد يسمعك أنك ناوي تسير رئيس دوله خخخخخخخخخخخخ ترى والله العظيم غير يحطونك ورى الشمس

نواف الولدعي · #14 (**permalink**) 08-02-2009, 12:34 AM

أخوي ولد الجنية
أخوك جامعي لغة انجليزية ومتخرج وانا انتظر الامنية بعد خمسة شهور التقديم وانا محتار مثلك الحين لانني قدمت على التدريس وانا مارغب التدريس اطلاقاً وجربت التدريس كا تطبيق في الجامعة واحس اني ماني طايق الطلاب والمدرسة كلها وانا مثلك تقريباً عندما تخرجت من الثانوية فكرت اني ادخل الجامعة علشان الكلية الامنية ولم ارغب التدريس اطلاقاً والان متردد بين ادخل التدريس بعد شهر تقريباً او انتظر الكلية الامنية

وبصراحة زملائي ثلاثة اعرفهم دخلو الامنية وبدون واسطات بس اهم شي يكون طولك ووزنك متناسق ونظرك ممتاز بس والي محيرني انتظر الامنية ولا لا لانني اعاني من جفاف في العين والنظر فية ضعف بسيط من الجفاف ورحت لطبيب وقالي بيطة استخدم العلاج ويرجع نظرك
واللي عنده نصيحة لي يعطينياها

وعندي نصيحة لك اذا انت طولك فوق 168 ووزنك متناسق مع طولك ونظرك مية على مية روح للجامعة والله يوفقك افضل لك والامنية تأخذ من تخصص الشريعة بالهبل ولاتستعجل على رزقك
والله يوفق الجميع

حريملا · #15 (**permalink**) 08-02-2009, 01:11 AM

السلام عليكم ورحمة الله وبركاته

اقول ياولد العم صلي صلاة الاستخاره وادعي ربك وكمل اجراءت المكافحه

وبعدين اذا تبي ظابط كمل الجامعه انتساب او ماشابه وانشا الله ربك يوفق

وعلى قولك ماتدري وش يصير بعد 6 سنوات

والعمر قدامك لاحق

[glow=FFFF00]وفالك النجوم [/glow]

ولد الجنيه · #16 (**permalink**) 08-02-2009, 01:21 AM

المشكله انا اخذ الجامعه انتساب لكن اعلى شي اوصله رئيس رقباء اذا اخذت جامعه

بس والله سته سنوات طويله مدري وين اذلف طيب ادخل العين المخدرات وبعدين اذا خلصت الجامعه انتسااااب ادخل الكليه الامنيه ما يجي كذا يا اخواني

سلفرر · #17 (**permalink**) 08-02-2009, 03:47 AM

اقتباس:

المشاركة الأصلية كتبت بواسطة ولد الجنيه

المشكله انا اخذ الجامعه انتساب لكن اعلى شي اوصله رئيس رقباء اذا اخذت جامعه

بس والله سته سنوات طويله مدري وين اذلف طيب ادخل العين المخدرات وبعدين اذا خلصت الجامعه انتسااااب ادخل الكليه الامنيه ما يجي كذا يا اخواني

ولد الجنيه ,,
قسم بالله انه اعجبني طموحك لان الذيب يطالع في البعيد مايطالع في القريب
ولد عمي تخرج شهر 6 الي راح من الامنيه خذا 3 سنوات وانت لا تحسب الا
مده الدراسه يعني 4 سنوات احسبها ومعك ناس تدرس معهم يعني منت
بلحالك السنين تمشي والدوره حقت الامنيه اقسم بالله فلللللللللللللة احجاج
خيل ومسبح وكوره طايره وسله وكوره يد وقدم والله ثم والله منه يعلمني اني اقول هذي رحله
ماهب دوره بس يقول في شي معقدنا المشاه على ما اظن يوم الاثنين يمشون فيها وحصص الى الساعه 10 طع شوري وتوكل على الله اذا كان في راسك دراسه
بعدين يخيرونك 3 قطاعات تختار فيها ..
والله الموفق ,,,

القاموس · #18 (**permalink**) 08-02-2009, 03:51 AM

اقتباس:

المشاركة الأصلية كتبت بواسطة ولد الجنيه

المشكله انا اخذ الجامعه انتساب لكن اعلى شي اوصله رئيس رقباء اذا اخذت جامعه

بس والله سته سنوات طويله مدري وين اذلف طيب ادخل العين المخدرات وبعدين اذا خلصت الجامعه انتسااااب ادخل الكليه الامنيه ما يجي كذا يا اخواني

السلام عليكم ورحمة الله وبركاتة
اخوي انا ابرد على هذي النقطة فقط في واحد سكان عندنا في الحي في الامن العام وصل الى رتبة رقيب اول مدري ريئس رقباء المهم الرجل ماوصل هذي الرتبة وهو مخلص الجامعة انتساب وهو مطوف على الرتبة ورفع اورقة على ان يترقا الى ملازم اول وترقا وبدون واسطه والكلام هذا قريب يمكن قبل 4 سنوات او5 وهو الان نقيب

حريملا · #19 (**permalink**) 08-02-2009, 09:25 PM

اقتباس:

المشاركة الأصلية كتبت بواسطة ولد الجنيه

المشكله انا اخذ الجامعه انتساب لكن اعلى شي اوصله رئيس رقباء اذا اخذت جامعه

بس والله سته سنوات طويله مدري وين اذلف طيب ادخل العين المخدرات وبعدين اذا خلصت الجامعه انتسااااب ادخل الكليه الامنيه ما يجي كذا يا اخواني

من قالك اخر شي بتوصل وكيل رقيب الترقيه عالنقاط والشهاده بنقطه يعني
المقصود من كلامي انك تخلص الجامعه وانت على وجه العمل لما تخلص قدم عالكليه الامنيه وسنتين وتجينا معلق النجوم واعرف ضباط كثير على هذا الوضع
وانا وياك بعون الله