08-02-2009, 02:34 AM
|
عضو متواصل
|
|
تاريخ التسجيل: Feb 2007
الدولة: QQ
المشاركات: 83
معدل تقييم المستوى: 37
|
|
سالفه قصيرة وشي ٍ بخاطري
السلام عليكم // صباح ومساء الفل على جميع العاطلين
فل تمت البطالة إلى يوم الدين
هذا واحد من الشباب معانا هنا في المنتدى
يقولي وينك يابوفلان ماعاد نشوفك بالمنتدى ، شكلك لقيت وظيفة ونسيت شي اسمه منتديات البطالة في السعودية
رديت عليه وقلت يابو فلان
العزيمة والإرادة والهمه مهب مثل أول
الامل موجود واملي بالله كبير بأن مشكلتي اللي هي مشكلة الجميع (البطاله) إنها تنحل إن شاء الله
لكن قولة ارسل السيرة الذاتية على الايميل الشركة الفلانية او البنك الفلاني
والا قدم في وزارة الخدمة المدنية ، هذي مسحتها من قاموسي نهائياً
اللي جالس يصير في هالديرة ، قمة الاستهتار وقمة المهزلة
سبب انحراف للشباب اما ارهاب والا تفحيط ومخدرات وياربي انك تعافيهم ولاتبلانا
ودائماً العتب يجي على الشباب
وأنا أقول لاتعتبون على الشباب وأنتم مقصرين معهم حق التقصير
لكن بعد اللي شفته من شح بطرح الوظائف والمبالغه في شروط شغل بعض الوظائف بشكل غير طبيعي العزيمة من تحت لتحت
يعني يا جماعة ما ادري وش اقول بصراحة
انا معاي دبلومين وبالش بروحي
يعني يوم ان الدبلوم ماله خانه بالسعودية ليش التعليم عندنا يعطيك دبلوم ؟
الحمد لله والشكر لله أنا عايش والحاله مستورة وياربي لك الحمد
لكن فيه شباب عندهم مسؤولية اللي وراه أهله وعياله وهو وحيد اهله وفقير ومسيكين هذا وش يسوي ؟!
والله ان العين تدمع على حالهم !
مابيده حيله وش يسوي يا ناس ؟!
الشريحة هذي حالهم يرثى لها بصراحة
وهم اللي آكلينه
لكن ما أقول الا حسبي الله ونعم الوكيل في هالناس اللي ماتخاف من الله بالناس المساكين
أنا والله متنازل عن وظيفة في سبيل ان غيري احق مني فيها
ومن ترك شي لله يعوضه الله بأحسن منه
آسف على الاطاله
ولكن هذا اللي بخاطري وتوضيح لأحد الزملاء اللي معنا في هالمنتدى
واعذروني لأني لم أكشف عن هويتي أو عضويتي الأخرى في هذا المنتدى الجميل
ولصاحب المنتدى والقائمين عليه أقولهم جزاكم الله كل خير
اطيب تحيه للجميع
السلام خير ختام
|
العرض الشجري
