السلام عليكم ورحمة الله وبركاته
شركة الادلاء شركة كبرى تابعه لوزارة الحج , والعمل فيها يكون موسمي , طبعا هالكلام في المدينة المنورة "مركز استقبال حجاج الهجره"

طبعا في البدايه قبل مايقبلوك في الشركه لازم يسون لك دور تدريبيه وهي بمبلغ = 100 ريال

100 ريال دفعتها ويعلم ربي حتى اني تسلفتها من قوه الطفره, "ركز" لازم تدفعها عزيزي اذا تبغى الوظيفه ,

طيب تدربنا لمده اسبوع على البرنامج الخاص بالشركه , وجانا الرد بعدها بكم يوم على الوظيفه وهي "مدخل بيانات" طبعا انا فرحت مرااا , ورحت الشركه وانصدمت بكلمه لازم تدفع 100 ريال تأمين عشان اذا انفصلت ماراح نعطيك هيا واذا كملت الموسم نرجعها لك ,قلت له طيب وليش قال هذه تامين للمقعد إلي انت عليه لو فصلت نجيب غيرك قلت ااهاا طيب ودبرت 100 وعطيته ,يعني كم صارت اللحين 200 ريال رسوم الوظيفه ,ورحت ابشر اهلي واقولهم اني توظفت في عمل موسمي , واهلي انهبلوو وانبسطوووو مراا, كاني اول واحد يتوظف في البيت , خخخخخخخ

طبعا في اول يوم دوام لي ,رحت عندهم ومتكشخ , وباااخ من هالعطورات >لدرجه اني صرت معرس , طبعا المشرف علينا ورانا الاجهزه وكل واحد له يوزر نيم محد يعرفه,
واخبرنا الراتب , وكمااان بعدين سرد لنا قائمة كبيرة وقال,

1/ ادخال في الشفت حقك اقل من 800 جواز = انذار , واذا اخذت انذار ثاني فصل
2/ الخروج مسموح لاكن بس 10 دقائق
3/ اذا اشتغلت اسبوع وفصلت مالك راتب .
4/ الراتب راح يكون 3300 ريال , انتم انبسطتم 3300 حلوه, لاكن هذه الطامه ال3300 راتب الموسم كله يعني , راتب الشهرين
5/اذا اضعت جواز لحاج فهناك غرامه 10000 ريال
6/ اذا ضاع جواز وبحثت عنه ولقيته فهناك انذار عليك
7/ عدم الكلام وتذبير الوقت يعني هذه مادري ليش قالوها لي , بس قلت عالله "عماال" حنا
8/ ادخال اكثر من 1000 جواز هناك مكافأه 50 ريال للموظف تعطى له في نهايه الشفت,

اوك هذه القائمة إلي قالها لنا المشرف , كل واحد من المدخلين تغير لون وجهه, انا قلت راح استمر مو عشاني انا عشان اهلي ,ابيهم يفرحو وينبسطو اني شغال اللحين ,

والله يا اخوان اني كنت ادخل في الشفت الواحد اكثرر من 1600 جواز كنت اكرف كرف , وغيري من المدخلين جالسين يشتغلو بشويش إلي يدخل 400 جواز وإلي 500 , ومحد كلمهم ,طيب مابي احد يكلمهم, ابي الـ50 اخر الدوام لاني ادخل 1600 جواز قالو المدير مو فيه ,وقالي المشرف خلاص بتجيك مع الشيك اخر الموسم , احنا نسجلها لك,طبعا المشرفين رواتب اكثر مننا بكثير وغير كذا دوامهم بس ضحك وكركركر وشاهي , واحنا نكرف

طبعا يجيك المشرف يلف على راسك ويقول اشتغل بسرعه ولا بعطيك انذار> يهدد للاسف
طبعا وربي ماهو حاس في شي بس يقول اشتغلو وهو يناظر ,

طبعا اخوياي هناك كلهم تركو العمل في اسبوع , وهذه خطهم الكلاب ,يكرفونك في اسبوع كامل , ويقولون لك اذا استقلت ماراح تاثر فينا راح نجيب غيرك ونشغله اسبوع, يعني وربي لما سمعت هالكلمه انصدمت , للدرجه هذه مافي رقابه,يعني ولا عشان محتاجين الوظيفه يكرفونا زي كذ1 وربي الحمير الله يعزكم ماتكرف كرفنا , طبعا انا جلست 16 يوم > اخر واحد من اخوياي صبرت وكرفت , ويوم راجعت الشركه بطالب براتبي للايام إلي اشتغلتها قالولي مالك شي , انصدمت قلت له شلون مالي شي وانا اشتغلت عندكم 16 يوم ووقعت حضور وانصراف وموقع عقد عمل , قال لا ياخوي انت ماكملت شهر , قلت انتم حاطين لازم اكمل اسبوع, قال لا هذه قرار جديد إذا ماكملت الموسم كله مالك شي ,, قلت له تدري انا مابي منكم شي ,لاكن عند ربي مايضيع شي وعطيته ظهري ومشيت , طبعا اهلي ليش وليش تركت الدوام وانت تلعب وانت تلف وتدور, طبعا مهما قلت لهم مايحسو بمعاناتي , ومابي اقول لاحد يشتغل في شركة الادلاء وخصوصا مكتب استقبال الهجره , لا يمكن يكون حظك احسن من حظي , ويشهد ربي اني صادق في كل ماقلت.

وفي الختام ,

هذه صوره توضيحيه انا صورتها في العمل لطريقه ادخال الجوازات ,يعني تخيلو لو ضاع جواز عليك غرام 10000 ريال

الله يكون في العون
مافيه احد مرتاح

ياحبيبي خذ حقك وانصحك انك تروح مكتب العمل والعمال تشتكي عليهم نصيحة اخويه

أعانك الله
يعطيك العافيه...دمتم بخير,,,

اصلا هذه الموسسة للاذلاء

كان الله في عونك ،،

انا من سكان الهجره وقريب من هاذا المكتب

والله يا اخي لعزيز مافكرت اشتغل عندهم

لأني عارفهم

الله يكون بعونك اخوي

بس نصيحه مني لك

لاتسكت عن حقك خذهــــــــ

الله يعوضك خير منها وإن شاء الله نسمع عنك وعن الأخوان العاطلين أخبار سعيدة والله يكون بعون كل العاطلين

لا حول وقوة الا بالله