تخطت مسابقة «عكاظ» الشعرية (بيت القصيد) التي بدأت منذ مطلع الشهر الماضي عبر خدمة SMS حاجز العشرين ألف مشاركة. وكانت المسابقة قد شهدت إقبالا من الشعراء والشاعرات من داخل المملكة وخارجها، حضر من خلالها الشعر بشتى مجالاته من خلال مشاركات المتسابقين التي امتازت بالمنافسة للفوز بجوائز المسابقة، التي سوف توزع على الفائزين نهاية كل شهر، حيث سيتم اختيار 10 فائزين عن كل شهر. وقد قامت لجنة المسابقة بفرز الأبيات الفائزة واستبعدت الأبيات التي لم ترتق، أو لم تف بشروط المسابقة. كما نوهت اللجنة للراغبين في المشاركة بعدم استخدام رقم مسابقة (بيت القصيد) في إرسال مشاركاتهم غير الشعرية، كمراسلة أحد كتاب «عكاظ»، أو إرسال همومهم الخدماتيه والوظيفية عبر خط المسابقة. من جهة أخرى حظيت المسابقة بإشادة العديد من الشعراء والمهتمين بالشعر والساحة الشعبية، وبينوا أن المسابقة حافز لدعم الساحة وتبني المواهب الشعرية الصاعدة. وأوضح الشاعر والإعلامي عبدالله الفارسي مشرف صفحات الشعر في صحيفة «المدينة»، أن المسابقة حافز من حوافز الشعر في المملكة وأنها دعم للشعر والشعراء. أما الشاعر والإعلامي هليل المزيني مشرف صفحات الشعر الشعبي في صحيفة «البلاد» فقال، إن كل مسابقة تهتم بالشعر الشعبي، هي في حد ذاتها تعبير صادق من الجهات الإعلامية على مكانة الشعر الشعبي. وهذه المسابقة هي واحدة من المسابقات المميزة التي تخدم الساحة الشعبية.
من جهته قال الشاعر والإعلامي عبدالله عطية الحارثي مشرف موقع «جهات»، إن مسابقة (بيت القصيد) فتحت الباب للإبداع الشعبي، وأتاحت الفرصة للشعراء الشباب للظهور والنجومية.
و«عكاظ» تنشر جزء من الأبيات التي وصلت مستوفية للشروط من حيث الوزن والقافية والمضمون.

خلقت في الدنيا وأنا مامعي شي
وبروح منها مامعي شي منها
***
خلوني استانس بها حدني حي
لامت مدري جثتي من دفنها
***
كم ذبل ورد صوتي في براحة نداي
وكم بدى ليل حزني عن صباح السرور..
***
ظالم أورد شهوده ظلم...
وفلي إنحكم ظلم شيسوي؟
***
العمر مره وايضا الموت مره
لاتهين نفسك لو على نزعة الروح
***
اقفى ربيع العمر واقبل خريفه
وصارت مجاهيم العوارض مغاتير!!
***
ليت همي وداعك كان همي يهون
مير همي متى بلقاك عقب الوداع
***
بعض العرب قلبه مريض ونما ك
مال الخوي عنده معزه وقيمه
***
ياشين درب سايرك فيه منزوع..
.ماله شوير وكل ظنه جهاله.
***
كتبت الشعر من قلبي تحديته وتحداني
كتبته من دمع عيني وجعلته للهموم أكفان
***
ياونتي ونه يتيما بغزه
كل القرايب تحت الانقاض ماتوا
***
عكاظ عندي مثل شربي وزادي
.. لازم صباح أشوفها مع طعامي .
***
ترا النصيحه في السنين الاوله تلقي زبون
...واليوم مجاني اخذها جتك ولا خلها
***
الشعر تصوير ومشاعر وتعبير
.كايد وله وزن وقوانين وفنون
***
أناالذي من بد ها الناس أغليك
وأناالذي عينه تراعي خيالك
***
ماقلت لي تقدر تحدى المقادير
وراك بدلت التحدي بالأعذار.
***
من مدرسة صكات بقعاء تعلمت
ان الحياة اصغر من اللي نراها
***
كان بيتي تشرف بالنشرفي عكاظ
اشتهر شهرة إبن افطيس والشبرمي
***
لاتقطعين اللي يحبك وشاريك
أبيع كل الكون وأشري عيونك
***
كل القبايل تحت حكم الشريعة
الدين واحد والوطن واللساني
***
رفيق الرفيق ورفقته فوق راسي تاج
ياجعله فداه اللي يخيب رجا الراجي
***
كتبت في حب الوطن عدة أبيات
ولا الوطن يستاهل الشعر كله
***
ليت الغلا اللي بداخل القلب ينشاف
حتى تشوف اللي تشك بغلاها
***
سلام ياصقر العروبه والأسلام
_ياراعي النخوه وراعي الحميه
***
أشهد أن قلبي لياحب يبطي ماكره
واشهد ان قلبي ليامن كره ماعاد حب
***
ليت الأمل في دفتري حبر وحروف..
واكتب على سطره " لقاكم ثواني " .
***
القدس نادى عليكم ياعرب ياعرب
والصخرةتصيح باعلا الصوت من فمها
***
البارحه خابرك تضحك يامزيون
واليوم حزنك بان لي يا غناتي
***
بعدك ماعاد اعاتب اللي يغيبون
لو طولت غيباتهم ماحسبها
***
لاتحسب إن يوم شفتك تروعت
مثل الذباب يجي لعندي واهشة
***
وش حيلة اللي لاضحك تبكي شفاه..
وتقول ما للضحك ياصاح داعي
***
طعم الفراق اقسى علينا من الموت.
بس الزمن كاتب علينا نذوقه
***
العيد عيد اللي ملا جيبه افلوس
ماهوب عيد اللي كسر ظهره الدين
***
عذرآ ملفك يافلسطين بعدين
:ولابد ماشمس الحقيقه تجلا
***
لايابعد عذب الشعر والمواويل
عذب الشعرماروى فيافي سنينك
***
تعيش اعكاظ ويعيش المحرر
محررها من اقيود الصحافه
***
يامل قلب يفزلغالي السلعه
لوكان غال ثمنهاودي أشريها
***
المدح ماينفع ردي (ن) مخليه
والسب ما يقصر يدين(ن) طويله
***
النفس طابت لكن الجرح ماطاب
لو ماذكرتك يكفي الجرح يذكرك
***
لاوهني من خلص الدين يافهيد
لاوهني من خلص الدين وارتاح
***
كل ماقلت الله اعلم بأنها بكره تدبر
صار لامس ابسط واخف
من الليال المقبلاتي
زاد حزني زاد حزني لين في قلبي تزبر
والحزن لو ماعتصم بالله دمرلي حياتي
***
هذي بلاد القدس سارت خرابات
ستين عام وشمسها مالهاشروق
***
ليش انت دايم ترفض انك تكون انت .
مع انك اجمل من تصنعك واجد
***
الحظ عجه والرفاقه قراطيس
من يجمع القرطاس وقت العجاجي
***
كلن يقول فلان وفلان بطال
يبدي عيوب الناس ماشاف حاله
***
وآن بعت قلبي لاتخليه للناس
خله بقلبك وأعتبرها وديعه
***
الطيب يبقي عند من يفعل الطيب .
والطيب يبقي بعد راعيه لو راح
***
نعنبو قل الدراهم لياجالك لزوم.
لابداء لازمك وأنته يدينك قادره.
***
عاشت بلاد دوم هي قمة الشرق
ترقى ويرقى شرقها في أثرها
***
ياللي غلاك اغلا من السمع والشوف
مشتاق لك بس الظروف احرمتني.
***
لاباس يا غزة لو الصمت مطبق
انتي لك الله دوننا مابنا فود
***
دفا برد الشمال وحر نجد ومعتدل في الشام
طقوس الجو ترى متقلبه ماهي على كيفك
***
ضيعني القلب ضيعني وضيعني
ما ضيع الطيب الا قلبه الطيب
***
ربيع قلبي لاتواجهت وياك
وإن غبت عني فارقتي السعاده
***
حاول مع حظك ثمانين مره
يمكن تعيش بحظ غيرك وترتاح
***
كنك بنظراتك لقلبي تحلوى
رديت قلبي للهوى بعد ماكان
***
راعيتني نظرة وبراعيك نظرات
من لي بغيرك يانظر كل شوفي