السلام عليكم ورحمة الله وبركاته

بدخل بالموضوع على طول أخواني خواتي اكتب لكم وانا دموعي على خدي
مليت متخرجه لي ثلاث سنين ماخليت مكان ماقدمت فيه
ولاتوظفت وحولت أدرس في المعهد المصرفي ولاانقبلت مع ان المقابله كانت حلوه وكنت مبسوطه بس شكوى لله
شسوي نفسيتي في الارض متوكله على الله ومن أصحي لين انام وانا اذكره وادعيه
يااااااااااااااارب ياااااااااااارب ياااااااااااااارب
حياتي ممله جدا مومتزوجه ولاعندي عيال وماتوظفت حتى اهلي احسهم ملو مني ومن قعدتي بدون وظيفه بس مايقولون
مليت يعني ماعادني بصغيره وأبي وظيفه وارتاح والله اني عندي تحمل مسؤليه وحب أجتهد بعملي وابذل جهد بس من بيعطيني وجهه انا قسمي خدمه اجتماعيه ماله مستقبل لاتقولون له لااااا ماله
حتى الضحك ماعاد صرت أضحك ماادري ليه
قلة ثقتي بنفسي
وتعبت والله تعبت
شسوي بحياتي

مليت اخذ من امي وأبوي الله يطول بعمرهم فلوس
الفتره الخيره ماصرت اخذ تفشلت حتى اذا قالو تبين اقول لا مااحتاج وعندي واذا بغيت بقولكم

يارب اتوظف لو ب3000
لو دوام طوووووووووويل مااطلع الا المغرب والا العشااا
بس مااقعد ليش صارت الوظيف شي صعب

وسؤال هل أقدر أقابل الملك عبدالله
لااااتضحكون علي بس نفسي أشوفه وأشكيله أقدر ياليت تساعدوني
الله يعينكم على
وشكرااا لكم انكم قريتي قصتي

أدعوللللللللي

الله مو رايد يوظفك الحين وله خيره و لا اعتراض ع حكمه.........يعني راح تنتحرين

وترى اغلبنا مثلك واردى بعد بس مابيدنا حيله غير الدعاء.....

وانتي ادعي واستغفري وسبحي قد ماتقدرين....وان شاءالله مايكون بعد العسر الا يسر

وبعدين يااختي انتي تخصص خدمه اجتماعيه...حاولي تقدمين في مراكز للمعاقين

وذوي الاحتياجات ودار المسنين..وان شاءالله تحصلي وظيفه بس لاتستعجلين ع رزقك

والله يرزقك ويرزقنا عاجلا غير اجلا.......

الله يفرج همك يارب ياكريم
ويعوضك بدل

بدل السنين الا قضيتيها في البيت عاطله


ويوظفنا كلنااااااا ياااااااااااااااااااااااااااااااااااارب

أنصحك تستغفري كثير لمدة شهر وصدقيني الله ماراح يخيبك
ولازم تثبتي جديتك في الرغبه بوظيفه بانك تحاولي وتبحثي حتى لو حسيتي مافيه امل تخيلي ان فيه امل
الله يسعدك ويفرجها عليك

ليه هالتشائم ياقلبي الرزق من عند الله لاتقولين دعيت
وسويت وسعيت وووو لاياحياتي الحي بالدعاء قيام الليل
وبين الاذان والاقامه وصلاة الضحى
ان شاء الله ربي بيكتبلك النصيب
مشكلتنا مستعجلين اصبري بيجي الفرج
ثلاث سنين اجل وش تقولين ع المتخرجين من ست وعشر
خليك متفائله ومبسوطه طنشي لاتفكرين بالوظيفه بيجك الضغظ والسكر
ياقمر مافيه احسن من الصحه نحمدالله ونشكره
وليه تحرمين نفسك من الضحك عشان الوظيفه يابنت احمدي ربك
دام اهلك مو مقصرين معاك ومافيه شي ان اخذتي من اهلك
انا احس بطعم ان اخذت فلوس من اخواني واخواتي ع ان امي وابوي الله يحفظهم
مو مقصرين معي بشي
بس كذ استلذ يوم اخذ من اخواني وخاصة ان نزلت السوق ويكون معايه
فلوس بس مااصرفه اخليهم هم الي يدفعون
خخخخخخخخخخخخخ

تعالي عندي افك الشفره اخليك تضحكين ليل ونهار

صراحه ضحكتيني يوم تقولين بروح للملك عبد الله ولا ناويه بجلسه
هههههههههههههه

يابنت كبري المخده اضحكي وانقزي وتأقلمي مع الوضع

ان شاء الله ماانساك من الدعاء بدعيلك في صلاتي
ان الله يرزقك بولد الحلال والذريه الصالحه والوظيفه

يلا بشوف سنيناتك اضحكي

اولا حياك الله معنا في المنتدى
ثانيا لاتياسى كلنا نعاني نفس معناتك
شوفي عدد الاعضاء في المنتدى كله يشاركونك هذه المعناة خاصة البنات فرصهم بالتوظيف قليله وانتي تقولي لك ثلاث سنين غيرك اكثررر
لكن مالنا الا الصبر وان شاء الله ربي يفرجها علينا ونتوظف

اما بالنسبة لزواج حتتزوجي بس لسى نصيبك ماجاء
والله يرزقك بالوظيفة والرجل الصالح قريبا بأذن الله
نصيحتي لك الدعاء والصبر وعدم اليأس
أختك
لمى

لا تشكيلي ابكيلك فكرت انو انا اللي كا تبة الموضوع
خلها ع الله

بصراحة اعجبني عنوان الموضوع الاستفهامي والتعجبي

اكيد احد مثلك ياعمري ومو احد الا الاغلبية العظمى تعاني لكن متفائلين صامدين يحاولون بقدر الامكان ان اليأس مايدب بقلوبهم ويسعون ويبحثون ويسألون عن الوسيلة اللي تساعدهم على كسب الرزق الحلال

انا كثر سنوات منك ومن زماااااااااااااااااان متخرجة والحمد لله على كل حال

القاعدة الاساسية في حياتي هي ان الله مع الصابرين

والصبر مفتاح الفرج


دعواتي لك ولكل العاطلين والعاطلات بالرزق الحلال

على فكره اذا قابلتي الملك عبد الله مري علي ابي اروح معك

اسليك مسافة السكة