مالي على .. كتمانها عنك .. حيله
الصبر عن بوح الاحاسيـس قتًـال
والبوح في بعض المواقف ، فشيلـه
لو كل مايطري على البـال ينقـال
ماكان شفت ان الثقيلـه .. ثقيلـه
ابطيت اكافح ضيقـة البـال بالبـال
وادفع بلا . هاجوسهـا كـل. ليلـه
لين اقبلت مثل .. السحابه بهمـال
تشفي غليل اللي .. تزايـد غليلـه
طاحت ، ولاْوفق من حناياك منـزال
وابطلبك .. يابدر( تكمى ) المخيلـه
ان قيل ترعد .. قلهم : صوت زلزال
وان قيل تبرق شف لها ادناة حيلـه
مابي .. تناقلها هل القيـل والقـال
وتصير من بعد القصيـره طويلـه
يابدر .. ماني عال .. لوصحتي عال
شفني من الصدمات نفسـي عليلـه
اشيل حملٍ .. لو يشيلنه .. جبـال
الله وامانه .. غيـر تصبـح نثيلـه
أرمي من هموم الزمن واسحب أدبال
وانزل عن الجوكر وغيـري يشيلـه
من كثر ماشفت بحياتي مـن انـذال
بديت اشك ان النذالـه. فضيلـه..!!
ماطاح من عيني رجل.؟طاحوا رجال
ورجال ( يابن حنيف ) ماهي قليلـه
اقرب من اللي قالهم ضمـن ماقـال
راكان بن حثلين .. راعي الجزيلـه
( هذا ولد عـمٍ وهـذا ولـد خـال
وهذا .. رفيقٍ مالقينـا .. بديلـه )
سبحان منهو يابـدر غيّـر الحـال
وحط الجفا بين الخليل .. وخليلـه
هذا الزمـن يبغالـه .. لسـان دلاّل
من يستحي هالوقت واعزتـي لـه
وقتٍ به ( الراعي ) غدى راعي دلال
كلٍ على طاريه .. ينفض شليله ..!!
ومن كان ساسه للردى مضرب امثال
اليوم .. يحسب من كبار القبيله..!!
المال يابن حنيف ملعون ابو المـال
ذل العزيز .. وعز .. نـاسٍ ذليلـه
خلف المشعان
اتمنى تعجبكم:o....
10-02-2009, 02:13 AM
من كثر ما شفت بحياتي!!!!!!!!
العرض المتطور
