بسم اللة الرحمن الرحيم

القصيده التي سجنت

الشاعر بندر بن سرور

وبعدها خرج وهو مختل عقليا

القصيده:ماني وانا بندر

يالله ياجال الامور المهمــــــــه = تجلا وهـــــج قلب برا حال راعيـــــه

البر دجته والبحر رحت يمـــــــه = يقطعك ياحظ على الله مساعيـــــــه

يوم ان ولد اللاش رزقه على امه = رزقي على اللي ميت القشع يحييـه

يامل قلب كل مامات همـــــــــه =دارت دواليب الدهر لين تحييــــــــــه

فراق شمل الناس عيا يلمـــــــه =وقت يشيب الـراس من شاية فيــــــه

احد ينام وحاط راسه بكمــــــه =واحـــد تخم النوم عيـــنه وتخطيــــه

واحد يحاول بالردى بنت عمـه = واحد يحاول ستر عذرى عوانــــيــه

ماني وانا بندر ببياع دمــــــه = يقطعك يابيــــاع دمــــه ومهفيــــــه

اللي يبيع لابسات الازمــــــــه = ثور يــبابيض الرعــــابيب تغنيـــــــه

يزعل ليا جت ليلة الدور يمــــه =يرضى بسوق المال فخوه وفابيـــه

خطو البخيل اللي يكبر معمــه = يقرا الكتاب وواجب الله يخليـــــــــه

إمر هرج لك في رفيقه بنمــه =والا عطا وامه تضـــيع هقاويــــــــه

أنشدك ياللي كل فرض تتمـه = تقرا الكتاب وكل فـــرض تصليـــــــه

ويش القليب اللي غميق مجمـه = مافاد غرسه ماه وعطشى سوانيــه

تخالف الانظار شرق ويمــــــه = وكل هدف رآيه من الناس مرضيـــــه

سم السبب ياعارف عنه سمــه =سم السبب ياعارفه قبل اسميــــــه
:
:
:
وبعد هذي القصيده يقال له بين ابناء عمومته مرجوج
وذهب في يوم عند شيخ قبيلتهم وطرق الباب وردة ابنت الشيخ وسئلها عن اباها
فذهبت تنادي ابها بصوت عالي وتقول : يبه المرجوج عند الباب يبيك
فقال هذي القصيده فيها

ياسخيف الذرعان مانيب مرجــــوج =رجتــــــني الدنيا بغدر وحيلـــــه

يابنت لولا اللي على تاسع الفــوج = تركت نجــــد وعزوه بالقبيـــــله

لا شك حاديني على نجد هـــيدوج = مسقى الفيافي لين يدرج مسيله

تركي لي من البلاوي غدن عـــوج =حملــه عتيبه كلها ماتشيلــــــــه

يرسى كما مينا البواخر على الموج= ومنين ماصك البحر ترتكيلــــــه

مادام تركي حي مـــــــاودي ادوج =وان غاب غبت من الرجوم الطويله

بعد هذي القصيده يقال ان عقله زاد في اختلاله وبدا ينشد الشعر في اوقات مختلفه وطويله فيما بينها وكانت حكيمه على انها كانت تخرج من فم مجنون
وقد حير الشعراء قوة شعره والحكم اللتي بها خاصة بعد جنونه
((انا اشهد انه شاعر ))

بندر بن سرور . . . شاعر غني عن التعريف

رحل ومازالت قصائدة متداولة بين افراد المجتمع وذلك

لحكمتها وبلاغة معانيها

اسأل الله العلي العظيم ان يرحم امواتنا واموات المسلمين

يعطيك العافية

الله يعطيك ألف عافيه على النقل
والشاعر بندر غني عن التعريف
تقبل مروري مع خالص شكري

ابدعت في الكتابه عن هاذا الشاعر المبدع بندر بن سرور
واتمنى المزيد من الكلمات عن مثل هاذ الشاعر المبدع