أبو نية وأبو نيتين ^......^ ((( من أروع القصص ))) ^......^

الخرج دايت · #1 (**permalink**) 10-02-2009, 09:16 PM

اسمحوا لي يا إخوة ويأخوات أن أكتب الموضوع باللهجة النجدية (الكح )لأنه مايجي إلا كذا.

أماعن الموضوع فهذي ياطويلين العمر والسلامة قصة أبو نية[IMG]http://forum.******.net/images/smilies/biggrin.gif[/IMG] وأبو نيتين [IMG]http://forum.******.net/images/smilies/as7.gif[/IMG] سمعتها من عدة شيبان موثوقين ومن عدة طرق وبعدة روايات

بس قبل لابدا بالقصة تراي باقسمها على قسمين القسم الأول بتقرونه هالحين إذا جاز لكم ارفعوا ايديكم[IMG]http://forum.******.net/images/smilies/an2.gif[/IMG] في الردود وإذا ماجاز لكم الشكوى لله[IMG]http://forum.******.net/images/smilies/aq1.gif[/IMG] نلقط وجيهنا.....

نبدا بالقصة على بركة الله يقول لك كان يامكان في قديم الزمان وسالف العصر والأوان كان في رجال يقال له أبو نيتين [IMG]http://forum.******.net/images/smilies/as7.gif[/IMG] ذيبان طلع من ديرته يدور العيشة وطلع ياطويلين العمر والسلامة على ذيك الذلول ولقى في دربه خوينا أبو نية رجال طيب وعلى نياته[IMG]http://forum.******.net/images/smilies/biggrin.gif[/IMG] ويوم لقاه في الدرب قال خوينا أبونية لخوينا أبو نيتين أبخاويك أنت رجال بخيص بالدروب وأبخاويك قاله أبو نيتين أبشر والله بعزك هذي الساعة المباركة وتخاوو الثنين بالدرب كل واحد على ذلوله .................................

المهم وتخاوو في الدرب واتفق أبو نيتين [IMG]http://forum.******.net/images/smilies/as7.gif[/IMG] مع أبونية [IMG]http://forum.******.net/images/smilies/biggrin.gif[/IMG] على إنهم يجمعون الماء والتمر عند أبو نيتين[IMG]http://forum.******.net/images/smilies/as7.gif[/IMG] تعميقا للصداقة بينهم ((((الله من النصب)))) [IMG]http://forum.******.net/images/smilies/ah2.gif[/IMG] عاد قالك أبونيتين لأبو نية ترانا بنبدا بقسمك أول قال أبو نية لي الشرف والله .

والله يبدون الثنين في الدرب ودبج بها النعمة يالله من فضلك اللي هو قسم أبو نية الله يصلحه ويوم خلص قسم أبو نية من التمر والماء اتضحت نوايا [IMG]http://forum.******.net/images/smilies/as7.gif[/IMG][IMG]http://forum.******.net/images/smilies/as7.gif[/IMG][IMG]http://forum.******.net/images/smilies/as7.gif[/IMG] أبو نيتين الخبيثة ...

قال أبو نية لأبو نيتين يالله هات قسمك خلنا ناكل ياأبو الشباب قال أبو نيتين إييييييييييشششش
أعد لو سمحت بليز أقين ماسمعت[IMG]http://forum.******.net/images/smilies/aw9.gif[/IMG] ................(((

قال أبو نيتين [IMG]http://forum.******.net/images/smilies/as7.gif[/IMG] بليز أقين ماسمعت عاد قاله أبو نية وش اللي ماسمعت ياخوي لاتمزح تكفى ترانا جايعين جب قسمك خلنا ناكل قاله أبو نيتين آه بس[IMG]http://forum.******.net/images/smilies/as4.gif[/IMG] مالك عندي شيء شفتو الجحدة يخوان آخ آخ بس من ذا الخوي[IMG]http://forum.******.net/images/smilies/ad2.gif[/IMG] أقول آسف إن كنت ضيقت صدوركم بس تعرفون لازم نضيف دراما شوي على الجو.

عاد قال أبو نية وش اللي آه بس إن تركتني في ذا البر بدون أكل ياخي باموت اتق الله واكسب فيني أجر

إييه عاد قالك أبو نيتين ابعطيك طيب لكن مالك باليوم إلا تمرة وشربة ماء قال أبو نية الشكوى لله

وش نسوي تمرة وشربة ماء ’تمرة وشربة ماء ولا نموت جوع .

وكملوا الطريق وخوينا أبونية ماله في اليوم إلا تمرة وشربة ماء وماعاد قدر يتحمل تخبرون صحراء وحر وحالتهم حالة قال لأبو نيتين ياخوي عطنا شلقة تمر خلنا ناكل وعطنا قربة المويه خلنا نشرب قال أبونيتين ماعندي مشكلة بس تخليني أفظخ وحدة من عيونك [IMG]http://forum.******.net/images/smilies/aw3.gif[/IMG] قال أبو نية وش الله حادك تفظخ عيوني ياخوي قال أبو نيتين ياخي وش دخلك أنبسط أكيف أستانس [IMG]http://forum.******.net/images/smilies/ac5.gif[/IMG] إذا فظخت لي عين واحد مثلك ........

قال أبو نية [IMG]http://forum.******.net/images/smilies/biggrin.gif[/IMG] لاوالله تفظخ عيني مالم أم امها داعي خل تمرك عندك وخل عيني عندي وكملوا الدرب

على بركة الله وخوينا أبو نيتين [IMG]http://forum.******.net/images/smilies/as7.gif[/IMG] مايعطي أبو نية المسيكين إلا حبة تمر وشربة ماء لين الرجال هلتس

من الظماء والجوع [IMG]http://forum.******.net/images/smilies/big_smiles/dizz_prv.gif[/IMG] وقال لأبو نيتين أشوه عطني شلقة تمر وعطني القربة خني أشرب باموت قال

بس بافظخ عينك قال افظخ اللي تبي بس عطني ويقوم أبو نيتين ويطلع الجنبية ويفظخ وحدة من عيون أبونية

المسيكين ويعطيه ياكل قام أبو نية وخذا شماغه ومش عينه اللي انفظخت وسالت على خده[IMG]http://forum.******.net/images/smilies/cool.gif[/IMG] ........

المهم نكمل السالفة وكملوا دربهم وأبو نية بعين وحدة [IMG]http://forum.******.net/images/smilies/as3.gif[/IMG] وماله في اليوم غير تمرة وجغمة مويه

وأبو نيتين عيا يرق لأبو نية المسكين وأبو نية متحمل ولايبي يطلب أكل عشان ماتروح العين الثانية تخبرون هي غاليه والحين زاد غلاها زود يوم صارت وحدة .

كملوا الدرب وأبو نية خلص ماعاد فيه حيل [IMG]http://forum.******.net/images/smilies/as3.gif[/IMG] هلتس هلتس ((بمعنى الكلمة )).

قال لأبو نيتين ما فكرت تعطيني ها التمر بدون ما تفظخ عيني ((معليش وأنا قاعد اكتب قعدت أبتسي تخبروني رقيق [IMG]http://forum.******.net/images/smilies/ac9.gif[/IMG] )).

قال أبو نيتين لامافكرت بس أنت اللي لاتفكر أعطيك أكل بدون ماأفظخ عينك لأن هذي وناستي هع هع هع

هع هع ((ضحكة إجرامية)).

قال أبو نية الشكوى لله مادام مابها إلا الفظخ فافظخ انعمي ولا أموت وطلع أبو نيتين جنبيته وفظخ العين الثانية والشكوى لله [IMG]http://forum.******.net/images/smilies/aw3.gif[/IMG] إيييييه وصار أبونية منعمي ماعاد يشوف .

وقام أبونيتين يسوق ذلول أبو نية الأعمى المسكين لين قال أبو نيتين اخبر لي مارد ماء هنا (بئر) قريب بنروح لمه قال أبونية توكلنا على الله ..........

المهم وراحوا لم مارد الماء ويوم وصلوا للقليب قال أبو نيتين [IMG]http://forum.******.net/images/smilies/as7.gif[/IMG] لأبو نية أنا بربطك بها الحبل ثم بنزلك وسط

البير ثم برمي عليك القربة وتعبيها ثم برفعها وطلعك بعدين (إيه هين[IMG]http://forum.******.net/images/smilies/as2.gif[/IMG] ).............

قال أبو نية مافيه مشكلة [IMG]http://forum.******.net/images/smilies/biggrin.gif[/IMG] قو هيد يبو الشباب المهم ونزل أبو نية للبير وعبا القربة مويه ثمن قال لأبو نيتين طلعني يالله قال أبو نيتين آي دونت أندر ستاند يحبيب قلبي .

قال أبونية لالا عاد تمزح يارجال مهوب وقته الحين قال أبونيتين أقول في أمان الله يالله مع السلامة

قال أبونية يالحول وش ذا البلشة ........

إممممممممممممممم وقعد أبو نية لحاله في البير ودور له ملفز ينلفز فيه وينوم والحمد لله لقا له هاك الملفز الطيب ونام أو بالأصح غط في سبات عميق وماصحا إلا على صوت خرفشة عصافير تبي تشرب من البير ......

شوي وسمعها تتكلم انهبل الرجال [IMG]http://forum.******.net/images/smilies/confused.gif[/IMG] قال العصفور الأول للعصفور الثاني الله لو يدري الناس وش في ورق ها الشجرة اللي فوق البير قال العصفور الثاني وش فيها قال هذي اللي ياخذ ورقها ويحطه في مويه مغليه ويمسح بها عين الأعمى صار بصير .............

انبسط أبو نية من ها الكلام [IMG]http://forum.******.net/images/smilies/biggrin.gif[/IMG] ويحتري بس أحد يجي يارد من هذا البير عشان يطلعه.

المهم وقعد يحتري يحتري يحتري إلين رمى واحد هاك الدلو وسط البير ويتعلق فيه أبونية انهبل راعي

الدلو وقال بسم الله الرحمن الرحيم وشذا إنسي ولا جني قال إلا إنسي ومن خيار الإنس بس إنت طلعني وتعرف بعدين السالفة ................

المهم وقام الرجال الطيب هذا وطلع أبو نية من البير وهو في حالة يرثى لها أعمى وجايع ومريض

الله لايوريكم بس [IMG]http://forum.******.net/images/smilies/as3.gif[/IMG] ويوم شافه قاله وش فيك عسا ماشر من اللي مسويبك كذا قال أبو نية يارجال أنا

جيت بآرد من ها البير لكن تكرفست ورمتني ذلولي وسط البير وراحت أنت الله يجزاك خير سو خير وعطني

أكل وماء وحطني تحت ها الشجرة اللي فوق البير وتوكل على الله رح لحال سبيلك .

قال طيب ماتبغى مني شي ولاش أوصلك لأهلك قال لا إنت بس سو اللي قلتلك ورح المهم ويوم راح الرجال قام أبو نية وخذا أوراق ها الشجرة وحطها في الماء وفرك بها عينه وطلع يشوف [IMG]http://forum.******.net/images/smilies/eek.gif[/IMG] .

المهم وقام وجمع من أوراق ها الشجرة قد مايقدر ثمن مشى يبغى أي ديرة قريبه يريح فيها ........

نكمل بإذن الله في الحلقة القادمة

عليكم بالصلاة · #2 (**permalink**) 10-02-2009, 09:21 PM

ياخوي كان كملتها والله اني تحمست للحلقة الاخيرة

ويعطيك العافية

الخرج دايت · #3 (**permalink**) 03-03-2009, 12:52 AM

اقتباس:

المشاركة الأصلية كتبت بواسطة العاطلات الثلاث

ياخوي كان كملتها والله اني تحمست للحلقة الاخيرة

ويعطيك العافية

مشكورة يا أختي على المرور

وأنا قلت في البداية أن جازت القصة وشفت الردود بأكملها وإذا مافيه ردود نقضب الباب [IMG]http://forum.******.net/images/smilies/az5.gif[/IMG]

لكن قبل ما أقضب الباب [IMG]http://forum.******.net/images/smilies/ac3.gif[/IMG] قلت يمكن الموضوع ما أحد شافه غير العاطلات الثلاث

يمكن سقط سهواً

يمكن الأعضاء كانوا دايخين

يمكن .. ..

يعني بالعربي محسن الظن فيكم

أدري إن الموضوع قديم ماهو كثير ولكن

كيف الحال [IMG]http://forum.******.net/images/smilies/an1.gif[/IMG]

مره فاضيه · #4 (**permalink**) 03-03-2009, 01:44 AM

قصه رهيبه وتحمست أنا يلا خيوو كمل الباقي
شكل أبو نيه بيصير غني هههههههههههه من الحين تستبق الأحداث
وحتى سردك للقصه فله مره ههههههههههه
نفسي يروح أبو نيه ويرضخ عيون أبو نيتين ياني حقت عليه هههههههههههههههههههه داخله جو
ألا أقلك أيش معناة أبو نيه
نيه يعني مقصد ولا لها معنى تاني

الاياوقت · #5 (**permalink**) 03-03-2009, 02:04 AM

هههههههههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههه
والله ثم والله عليك اسلووووووب خطنطر
ولي سلمك كمل القصه
لا تخليني اتهووووووووووووور <<<< وش بتسووين يعني؟؟؟؟؟؟
هههههههههههههههههههههه

حبي للوطن · #6 (**permalink**) 03-03-2009, 02:43 AM

يا خي كان كملتها عشان اقراها وارقد هههههههههههههههههههههههه

والله اسلبوك حلو بالحييييل تسلم يالدايت ينفع احكيها لولد اخوي

انا انتظرك عالعموم ولا تتاخر لأني ابي ارقد

فؤادمعافا · #7 (**permalink**) 03-03-2009, 02:56 AM

القصه حلوه وانت احلى بس كملها

الملكه الصغيره · #8 (**permalink**) 03-03-2009, 04:19 AM

[IMG]http://abeermahmoud07.******.com/663-WAITING-AbeerMahmoud.gif[/IMG]

كمل الدرامه ايوه وبعد انا معاك انتظر

مؤمل خير · #9 (**permalink**) 03-03-2009, 07:38 AM

ياخي بسرعه لا تقعد تحمسنا ولا ترى ما بقرى الجزء الثاني < يتغلى

لا تنسى تعجل علينا

J и ๏̯͡๏ η · #10 (**permalink**) 03-03-2009, 11:17 AM

جـــــــــــــــــــ ـ ـ ـ ـــــــــدّو الخــــــــــــــــــــ ـ ـ ـ ـــــــرج

وين طس موضوعك؟؟ وربي تو شايفه ومن جد فلللللللللله وروعه..
منت سهل في الكتابة..
والله اني احب قصص الأولين وقصص الشياب لها طعم ومغازي خطييييييييييرة..
طلبتك تكملها

وعندي اقتراح دام عندك أسلوب خرافي في نقل وسرد قصص أجدادنا وآبائنا الأولين

ليش ماتحط موضوع وتسميه سوالف شياب..أو علوم زمان أو ...الخ شي فيه قصص قديمة سمعتها من أبوك أو جدك أو أحد الكبار وتجي تقولها لنا؟؟
بحيث انك تجدد موضوعك وترفعه بسالفه جديدة بعد تشبع ردود؟؟
مجرد اقتراح لأنك تستاهل يكون لك موضوع باسمك يالغلا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تسجيل الدخول

أبو نية وأبو نيتين ^......^ ((( من أروع القصص ))) ^......^

إستراحة الأعضـاء

اسمحوا لي يا إخوة ويأخوات أن أكتب الموضوع باللهجة النجدية (الكح )لأنه مايجي إلا كذا. أماعن الموضوع فهذي ياطويلين العمر والسلامة قصة أبو نية

أبو نية وأبو نيتين ^......^ ((( من أروع القصص ))) ^......^