بسم الله الرحمن الرحيم
تــحــيــــــــــــة طــيــبـــــــــــه من قلبي الى كل القلوب ,,,

أحببت ان اتكلم عن شغله معينه انتشرت بشكل مخيف ومريع في مجتمعنا ...


دايم نوقف عند الإشارات ونجلس نتلفت وش داخل السيارات خاصه اذا جمس والا جيب وان التفتت وحده بالغلط والا بعفويه قلنا صايعه وتعبانه يالله وراها وهاتك يا مطاردات من شارع لشارع والدلاله اكثر سيارات الشباب فيها صدمات جانبيه من دقات الجموس والجيوب !!
ما نمر من عند بيت الا وحنا مشغلين الرادارات نناظر للشبابيك والبلكونات وان صادفت وحده تمسح ستاير والا تنشر غسيل قلنا شفت والله انها بالعاني وودها تغازل !!


ما توقف سياره والا حنا رازين عيوننا ننتظر متى تطلع وتبان السيقان وان بانت وطلع منها شيء , الله يخلف صارت عاهره ومنحرفه !!


اذا شفنا ليموزين او تكسي قلنا ما يركب معاهم الا عائله تعبانه وصايعه ومش متربيه وخذلك وراهم مناقزه من سوق لا سوق ومن حاره لحاره !!!


اذا شفنا وحده ماسكه الجوال قلنا اكيد قاعدة تكلم واحد والا شكلها تبغى الرقم !!

اذا شفنا وحده لابس برقع والا نقاب قلنا اوووووف قسم انها منتهيه وودها تلفت الناس وراها واللي معاها مو رجال اصلاً !!

اذا دقينا على بيت وردت وحده قلنا افا يالعلم , العائلة ماش وين الرجاجيل !!

واصبحنا ننتهك اعراض الناس ونتلحقهم ونقذف المحصنات بكل بساطه ,, فقط لمجرد حركه عفويه او نظره عابره بريئة صدرت من هذه البنت او تلك الأسره .. وسبحان الله اسرع الأخبار في الإنتشار هي ما تتعلق بأعراض الناس فتلقى الناس تسمع الخبر وتزيد عليه وتنشر .. وتسأل في الأخير وتقول انت متأكد من هالكلام ؟؟؟ يقول لا والله بس سمعت ويقولون ........!!!!


يا ناس والله مصيبه متى نتغير ؟ متى نتحضر ؟ متى نعرف نُستر ؟ متى نعرف نبطّـل نحكم على الناس من الظاهر ؟ متى نتعلم من سنة نبينا الطاهر ؟؟


الله سبحانه وتعالى ورسوله الكريم حرموا وجرموا هذا الفعل في كثير من الآيات والأحاديث وجعلوه من الكبائر ونحن لا زلنا في جهلنا نكابر .. اليوم وحتى باكر ..

اللهم استرنا جميعاً في الدنيا والآخرة

اتمنى ان اسمع وجهت نظركم في الموضوع ..


فتكم بعافيه ...


تحياتي تسبق أشواقي

الله يسعدك وربي كلامك كله صح بس المشكله النفسيات مانقدر نغيرها
تقبل مروري

كلام جميــــــــيل

عن نفسي وعائلتي والبيئة اللي عايشة فيها ماعندنا التخلف دا
اول مرة اعرف من الموضوع انه في ناس كدا
الله يسترمنهم بس