السلام عليكم ورحمة الله وبركاته

انا الحمدلله ماعدت بعاطل لي سنه ونصف في الوظيفة وانا مرتاح فيها

والحمد لله في نفس تخصصي وفي بريدة مدينتي العزيزة على قلبي ..

واتمنى لجميع العاطلين التوفيق بالحصول على وظائف مناسبة لهم وبنفس طموحهم ومؤهلاتهم .

الموضوع باين من العنوان ..

طلب مني المدير المباشر لي تقرير عن العمل الذي انا اديره

انا سويته بظرف خمس دقائق لأني كنت مجهز برنامج احدثه بإستمرار لإجل عمل التقارير بأسرع وقت عند طلبها ..

بعدها طبعته وسلمته اياه سليم ونسبة الدقه فيه 100%

التنسيق لم يعجب المدير .. لصغر حجم الخط وما شابه ..

قال لي : عطني الملف انا انسقه وسويه بطريقتي

أثناء التنسيق حذف إعمدة وصفوف ولخبط التقرير بدون علمي بدون قصد منه لأن المدير العام ينتظره ومستعجل عليه ..

سلمه المدير العام الي هو مدير مديري وقام خلاه مسوده من الأخطاء الي فيه

والمدير العام يعرف ان الي مسوي التقرير انا مو هو

لما صار بعد ساعة بعد إجتماعه مع المدير جاء لمي يهاوش

يقولي فشلتنا مع المدير معطيني تقرير خطأ وماهو صحيح شوف المدير شلون معدل عليه

أنا مسكته ورحت فيه للملف على جهازه وخليته يشوف الملف الي انا عطيته أياه وقتنع أن الخطأ منه مو مني

وإعتذر لي ..

لاكن أنا عند المدير العام شغلي مو نظيف والمشكلة أني موظف جديد ومايعرفني

من ينصفني عنده خصوصا ان المدير حقي صعب يروح لمديره يقول الخطأ مني

والموظف عندي اعطاني تقرير صحيح وانا اخطيت

موقف صار لي أمس ولم أتخذ أي أجراء ..

للمعلومية : ان القطاع الي انا اشتغل فيه حكومي يعني ماراح يقدرون يضروني بشي

لاكن سمعتي عند المدير العام بعد هالتقرير الي بنظره انا الي مسويه راح تتشوه

أنتظر أرائكم .. أيش اسوي بالضبط .؟

حط نفسك مكاني

لما كنت مكانك , لما اسوي اي تقرير اقفله برقم سري محد يقدر يعدل عليه
واذا المدير يبغى يعدل عليه يوقع على التعديل
اخيرا
لاتفكر في شي راح , فكر انك تتجاوز هذا الخطأ مستقبلاً

بالتوفيق

دائما لما نكون في بداية العمل تحصل نوعية هالمشاكل ... طبيعي جدا
كون حريص في المرات الجايه ومع الوقت تنحل الأمور وكل شي يبان

الله يوفقك اخووي

الصراحة انا بزعل من حركتة واتمنى انك كنت رحت وياة الى المدير العام او انت تروح لحالك وتقول ترى انا سويت التقرير وعدل علية فلان ؟..

انا اخاف ان الادارة اللي انت فيها مسوين فيها وزراء يعني المدير حقكم ممنوع احد يدخل علية وشايف نفسة ......

اذا كان كذاا

الله يعينك بس

خلها تعدي وعملك راح يجي يوم يشوفه المدير العام

لاتحاول تتصادم مع مديرك المباشر واعتبر سكوتك عن الموضوع حركه حلوه منك لمديرك المباشر ( استر عليه)

يعطيك العافيه...دمتم بخير,,,

هونها وتهون

خلي الامور طبيعية

الله فوق كل الخلق

والله مايحب الظلم

وبالتوفيق يالغالي

الحذر ثم الحذر في المرات القادمة واي خطاب او اي تقرير يصدر من عندك اترك نسخته على جهازك الخاص وحاول ان تضع له رقم سري بحيث مااحد يقدر يلعب فيه
يصير اذا صار خطأ مثل هذا ومديرك المباشر حط براس مديره انك انت اللي مسوي الخطا يكون عندك اثبات تبري نفسك
نحن يالشباب القادم لابد ان ننتبه من نوعين من المجتمع
1- الاجانب لانهم يحاولون ان يطفشوا الشباب السعودي من اعمالهم اذا كان لهم لطة الرئاسة
2- المدير السعودي اللي مايخاف الله فهذا لابد ان تحاول ان تتنبه منه

تحياتي اخوك : مستر روقان

انا من وجهة نظري ......
تقول لمديرك المباشر انه يعترف لرئيس الاعلى انه هو اللي لخبط فيه على شانه استعجل والوقت ماساعده ويوضح انك سلمته له سليم .
أو انه يطبعه مره ثانية ويقول معليش انا لخبطت فيه لاني ابي تنسيق معين وهذا التقرير الصحيح اللي سلمه لي الموظف اللي هو انت ..
وبكذا انحلت القضيه وهذا افضل حل من الاول لانه زي ماقلت مستحيل يعترف رئيسك المباشر عند رئيسه