تجربتي مع صندوق المئويه

جامعيه · #**5831** (**permalink**) 18-07-2010, 03:43 PM

امس رادين على ملاحظه رسلتها من سنة جدي قصدي من قبل شهرين تقريبا من لما رفضو التسليف يصرفو لي الشيكات
وياليت ردهم على نفس المشكله لا
كاتبين شي ثاني
يقولون انه راح يتم صرف شيك الألات بعد الإنتهاء من أعمال الديكور

رجعت رسلت لهم انه انا مارسلت ملاحظه بخصوص الموضوع هذا
وملاحظتي كانت بسبب توقيف الصرف
لكن انا في مرحلة تجهيز المشروع وخلصت فلوس الديكور ومو قادره اكمل وابغى اخذ الفائض من القرض عشان اكمل الديكورات وبعدها اطلب الألات مع انه الطابعه اللي ابغاها راح تاخذ 3 شهور عشان توصلني <<يعني لازم اطلبها الحين

نشوف ايش ردهم عاد والله يعين

مجد العلا · #**5832** (**permalink**) 18-07-2010, 04:08 PM

عزيزتي جامعية ما هي آلية صرف الشيكات وكيف ترتبينها بالخطة الزمنية الي برتبوها معك وليه تتوقف الشيكات المبلغ مو صار عندهم (المئوية )

بعد معاناه رد علي احد وقلتلهم ابي اكلم رئيسكم وطبعا ننتظر لين يتفرغ ويكلمنا

الله المستعان وحسبي الله ونعم الوكيل

جامعيه · #**5833** (**permalink**) 18-07-2010, 04:20 PM

اول شي التسليف رفضو صرف الشيكات لأن موقع المشروع ماعجبهم
لكن رحت اشتكيت عليهم وصرفو لي الشيكات (رسوم المئوية+التراخيص+الايجار+الديكور)
الشيكات استلمها من التسليف واروح اصور الشيكات واوقع على الصور واوديها للمئويه..

الخطه الزمنيه كلللها نكتبها ونقدم كل العروض مع بعض وينزل القرض كامل بإسمك
لكن تستلمه على دفعات ..

انا الى الأن مااخذت غير هاذي الشيكات...يستنو اخلص من الديكورات وانا مفلسه الحين وابغى فائض القرض

متسبب عاطل · #**5834** (**permalink**) 18-07-2010, 07:38 PM

السلام عليكم جميعا

اللى اخذوا الدوره وقعوا عقود والا لسى

هل صار فيه تصفيه ؟

نورالدجى · #**5835** (**permalink**) 18-07-2010, 10:37 PM

الي وقعو فقط 5 من النساء و 15 من الرجال والبقيه قالو خلال هذا الشهر
الان صار النا اسبوع وشوي قلت باتصل عليهم على الربوع
وانشاء الله افراج

ليلى الاخيلية · #**5836** (**permalink**) 19-07-2010, 02:42 AM

اهلين يا جماعة المئوية اخباركم علومكم...

جامعيه ليش انتي مشاووووير ، تستلمين الشيكات من التسليف وبعدين تصورينهم وتودينهم بنفسك للمئويه؟؟
انا ماسوي شي هم كل شي يسوونه انا بس اوقع

والحمدلله الحين كل شي صار من المئويه يعني بنك التسليف خلاص انتهينا منه

المشكله الحين في انه المنسقه قالت لي انه موضوع الموارد البشريه وصرف الدعم ماصار مثل اول ،، يعني لهم شروط كثيره وصرف الدعم يتاخر وصاروا يتلككون عشان مايصرفون الدعم بحجة اي شي لانه صار عليهم ضغط في الصرف

وانا والله مستحمله وصابره تاخيرهم وغثاهم كله عشان الدعم واخر شي مايشملني الدعم والله قهر
لو دريت من اول كان اقرب بنك واخذ قرض يعطوني اياه في يوم واحد وكاش احسن من منة المئوية وذلهم

نورالدجى · #**5837** (**permalink**) 19-07-2010, 08:38 PM

الله يعين تعبنا ن المئوية
ماباقي شيء على رمضان وهم كل اوعود على الفاضي

غموض انثى · #**5838** (**permalink**) 20-07-2010, 04:49 PM

مساء الخير للجميع
لكم وحشه والله يوفقنا وياكم
جديدي

وقعت مع المئويه وباقي البنك
والمنسق كل يوم يقول بكره وصاحب البيت كل شوي يتصل يبي الايجااااااااار
والحماااس تبخر والخوف مسيطر علي اخاف تبدء الدراسه وانا ما استلمت شي وتروح علي السنه

ابدعات الله يرزقك من حيث لا تحتسبي يا الغلا دئما البدايه صعبه تتيسر ان شاء الله
رمش العيون طمنا عليك اخو شنو صار معك
وحده وبس & مشاعر انثى بشرو وقعتوا ..؟
متسبب عاطل & ابو قاسم ما بديتوا بشي ايجار ديكور تراخيص
جامعيه ربك كريم لا تستكتي كلمي كل يوم اتصلي واشرحي وضعك
فعلا ناس باااارده ولاتحس فينا ابد احنا كل يوم نخسر وهم يماطلوا
شلحوطه شنو جديدك
ليلى الخيليه شنو شروطهم والامور الجديده
ترى هذا اللي معتمدين على الله ثم عليه

متسبب عاطل توقيعك معبر جدا وقفت عنده كثيرا لان هذي هي الحقيقه لكن الانسان يغفل عنها للاسف اسأل العفو والعافيه و الله حسن الخاتمه

مجد العلا · #**5839** (**permalink**) 20-07-2010, 08:05 PM

يعطيكم العافية يا جماعة كلكم جامعية ومتسبب وعاطل غموض أنثى وهورس وبو قاسم نور الدجى كلكم ترفعون معنوياتي الله يوفقكم كلكم في مشاريعكم

عزيزتي جامعية وكل واحد وصل للمرحلة

كيف ارتب وضعي مع الشكات والخطة الزمنية بحيث ما اتوهق واعني بذلك اوكي بطلب شيك الايجار والديكور وحق المئوية

وبس والا يحق لي اطلب شيك التاشيرات من الحين لان تعرفون تاخذ وقت ويمكن من اقدم لين ما يوصولن بفتح ولسه لاحظت من بعض الأخوان انهم تعطلو بسبب العماله وتاخر صدور الشيك وش تقولون يا جماعة الخير

والي بدوا كم اخذ وفت معاهم من اخذوا الشيكات لين فتحو معلهم جعل ربي يوفقهم