تجربتي مع صندوق المئويه

نجوان · #**591** (**permalink**) 10-04-2009, 06:01 PM

اقتباس:

المشاركة الأصلية كتبت بواسطة عاطله و عانس

نجوان ..
في تحديد المقابله الشخصيه هم ينتظرون اتصالك ..
اتصلي بكرا و ربي يوفقك

ياقلبي الله يغير هالنك ويصير مليارديره وام فلان وفلان
بكره انشب لهم وربي يفرجها

نجوان · #**592** (**permalink**) 10-04-2009, 06:17 PM

اقتباس:

المشاركة الأصلية كتبت بواسطة ريما الفايز

عشر دقايق مو بعيد يا حلوه هههههه

المهم انا في فكره عجبتني لو ما قدمت على استديو كان سويتها لندرتها ,,
وراح اهديها لك

الفكره اللي عجبتني واحس البنات محتاجيها وقليله الوجود ..
هي ( مركز خدمات للطالبه والمعلمه)

يعني اجهزة تصوير وطباعه بحوث وتكبير خرائط وعمل لوحات للمدارس ويكون موجود فيه كوفي شوب ونت طبعا ..
اعتقد الفكره حلوه ولو تكون قريبه من احد كليات البنات مثل جامعة الاميره نوره بمخرج 9 او كليات البنات الاهليه ما عندهم مشكله يدفعون

مثل كلية اليمامه او جامعة الامير سلطان ,,

وبالتوفيق غلاي ,,

ريما عادي الطش فكرتك واعطيتها اخت محتاجه تقدم بس تبغى فكره جديده؟

منيتي رضى ربي · #**593** (**permalink**) 10-04-2009, 07:12 PM

بسم الله الرحمن الرحيم
ريما الفايز مشكوره ياقلبي بس خدمات الطالب مستحيل لأني في حياتي مادخلت لخدمات الطالب ولاأدري أصلا وش خدماتهم
وشاكره لك ردك

مشروع المستقبل · #**594** (**permalink**) 10-04-2009, 10:27 PM

عندي استفسار
لو فشل مشروع هل من حقي ابدلت مشروع بدون علم الصندوق كي لاتعرض خساره

يعني مثل مشروع خياطه الى مشروع محل ملابس

Forever · #**595** (**permalink**) 10-04-2009, 10:34 PM

كلمتهم يوم الاربعاء على اساس طولوو علياا بموعد المقابله .. رد عليا الموظف ان المقابلات الشخصيه متوقفه حاليا وراح نتصل عليك بأقرب فرصه .. قوولتلوو طيب ليه شهر واسبوعين مستني وتقولي موقفه حاليا ؟! ..

قهرني وربي .. بس يالله الحمدلله على كل حال ..

جوجانة · #**596** (**permalink**) 10-04-2009, 10:53 PM

اقتباس:

المشاركة الأصلية كتبت بواسطة مشروع المستقبل

عندي استفسار
لو فشل مشروع هل من حقي ابدلت مشروع بدون علم الصندوق كي لاتعرض خساره
يعني مثل مشروع خياطه الى مشروع محل ملابس

لا أكيد لان راح يكون معك مرشد يتابع مشروع
كل شهر لمدة ثلاث سنوات من عمر المشروع
والي هي خمس سنوات
ويجيك إلى موقع المشروع ويشوف الوضع بنفسه
بس اذا ناويه تفتحي مشغل حطي آلي أنتي تبينه
من ماكياج وإكسسوار وغيرة والله يوفقك

جوجانة · #**597** (**permalink**) 10-04-2009, 11:02 PM

اقتباس:

المشاركة الأصلية كتبت بواسطة طموح سعودي

كلمتهم يوم الاربعاء على اساس طولوو علياا بموعد المقابله .. رد عليا الموظف ان المقابلات الشخصيه متوقفه حاليا وراح نتصل عليك بأقرب فرصه .. قوولتلوو طيب ليه شهر واسبوعين مستني وتقولي موقفه حاليا ؟! ..

قهرني وربي .. بس يالله الحمدلله على كل حال ..

الله يعينك بس الصبر زين و هذا طبيعي لأنهم عليهم ضغط مو طبيعي
وكلانا مرينا بهشي والله يسهل أمورك

جوجانة · #**598** (**permalink**) 10-04-2009, 11:12 PM

اقتباس:

المشاركة الأصلية كتبت بواسطة وين ماأطقها عوجا

الحمدلله والصلاة والسلام على رسول الله وعلى آله وصحبه أجمعين
السلام عليكم جميعآ أخواني وأخواتي البطالين كيفكم إن شاءالله تمام حبايبي أنا عاطله جديده بس شدني موضوع صندوق المئويه
أسمعوني زين ؛؛؛؛؛؛؛؛؛؛؛سمعتوا شي هههههه لالاجد
عندي سالفه أبي آخذ رايكم فيها كل واحد يقوم يجيب له بياله ماعندي إلا بريق وبياله شاهي منعنع وخادر تحبه قلبوبكم (ياشين السالفه لي طالت تمصخ)
أنا متزوجه وعندي أطفال وحدي طفرانه وراتب زوجي ألفين وسبع ميه وأبي أفتح مشغل أقدم على الصندوق وإلا أكبر مخدتي وأنوم ردوا لوسمحتوا

أختي أنصحك نصيحة جربي فكرتك بشكل بسيط مثل انك تستأجرين ركن
من مركز نسائي أو كفي وتشتغل وتشوفي أذا مشاء وسعي الشغل
او افتحي بيتك أنا فكرت بهشي لأنك في الرياض ومشاغل منتشرة
والله يوفقك

ريما الفايز · #**599** (**permalink**) 10-04-2009, 11:37 PM

اقتباس:

المشاركة الأصلية كتبت بواسطة نجوان

ريما عادي الطش فكرتك واعطيتها اخت محتاجه تقدم بس تبغى فكره جديده؟

عاااااااادي حلالك

والله يوفقك انتي واختك ,,

لان اختنا ( وين مااطقها عوجا ) تقول ما عندها فكره عن خدمات الطالبه ..

نجوان · #**600** (**permalink**) 11-04-2009, 01:11 AM

اقتباس:

المشاركة الأصلية كتبت بواسطة طموح سعودي

كلمتهم يوم الاربعاء على اساس طولوو علياا بموعد المقابله .. رد عليا الموظف ان المقابلات الشخصيه متوقفه حاليا وراح نتصل عليك بأقرب فرصه .. قوولتلوو طيب ليه شهر واسبوعين مستني وتقولي موقفه حاليا ؟! ..

قهرني وربي .. بس يالله الحمدلله على كل حال ..

متوقفه عند النساء والرجال؟

يعني بالله ليه يوقفونها؟
من جد روتين لو يخلصون شغلهم اول باول ماصار كل هالزحمه