كيفكم شخباركم....بصراحه حبيت اشارككم بتجربتي مع صندوق المئوية...


انا بدات الفكره براسي من قبل اجازة الحج....ارسلتلهم السيره الذاتيه...وخلال اسبوعين ردولي بالموافقه المبدأيه....المهم تحمست وارسلولي عالجوال انو لازم ارسلهم الدراسه تبع المشروع....وطبعا لازم خلال اسبوعين...طبعا حووووووووووووست بالدراسه بس عملت كل جهدي...اتصلت بمكاتب عقارات وسالت عن الاسعار...واتصلت بمقاولين وسالتهم عن اسعار الاصلاحات العامه للمبنى كم تكلف...واستعنت عن طريق النت بمهندس تخطيطي حاول انو يساعدني وكان ابن حلال الله يوفقه...المهم بذلت اقصى مااستطيع الين كملتها....وارسلتهالهم كان اخر يوم بالدوام وحتبدأاجازة الحج...وطبعا جلست انتظر ردهم وماردوووووووووو
كلمتهم قالولي انتظري بعد الحج قلت تيب نستنى....ايييييييييه صح نسيت اقلكم انو ارسلت الدراسه عالايميل7مراااااااااااات ولمااتصلت اسال قالو ماوصلت وانو لازم امليها لهم عن طريق التلفون....المهم جا بعد الحج وانا متحممممممممسه واسبوع من حرق الاعصاب لين جاتني رساله عالجوال انو لازم اتصل احدد موعد للمقابله...وكاااااااااانت الصدمه انها بالريااااااااااااااااض...طبعاابتئست لانو ماعندي احد يوديني هم يالله موافقيني عالمشروع عاد بيودوني للرياض...المهم...اتصلت بفرع جده قلتلهم ابي المقابله بجده قالوا طيب بس حيكونو رجال...طبعا ماعجبني الوضع قلت محلاني مرتزة قدامهم واتفلسف

المهم قلت خلاص باحدد موعد للرياض وامري لله...والحمدلله الاهل تفهمو الموضوع...وحجزت على اساس نروح...وسبحان الله لماوصلناالمطار قالولنا حجزنا اتلغى...كييييييييييييييييف يتلغي وحنا ماكدينه قالو كان في امير يبي يطلع ولغينااغلب الرحلات<<<ياحبيبي عالشعب الغلبان..المهم قالو خلاص خدو حجز ثاني...وبالفعل حجزناللاسبوع الي بعدهوسبحاااااااان الله برضو خخخخخ تفوتنا الرحله رغم محاولاتنا انو نلحقها قالولناخدو موعد ثالث خخخخ وبالفعل اخدنا لثاني يوم...والحمدلله رحنا طبعا وصلت الصباح من المطار عليهم عدل...دخلت استقبلوني استقبال رائع....كلللللهم بنات قريب من سني بالعشرينات...عطوني اوراق امليها بيانات وطبعاقالولي اجيب معي الهويه وشهادات الخبره لاي شي وشهادة المستوى التعليمي...مليتهم وبعدهادخلوني على وحده راجعت معي الدراسه بالتفصيل وغيرنا بالاسعار وصلحنابعض الامور وتناقشنا كثيييييييييير المهم الين انتهيت قالتلي بالتوفيق وشكلك متحمسه خخخخ قلتلها اااااااااوه جدا جدا جدا بس ربك يسهلها قالتلي اوك روحي للمكتب الثاني...رحت قابلتني وحده كانت تسالني اساله عديه تكلمي عن نفسك....ليش تبي هالمشروع...شو وضعك...اهلك....ومن هالاسئله الين كتبت مقبووووله...وبعدها رحت لوحده تكلمت معي عن التسويق والاعلانات وكيف اشوف مشروعي بع 5سنوات والخ وبرضو كتبت مقبووووووووووووووله....





البقيه بالحلقه الثانيه<<<مصدقه حالها خخخخخخخخخخ

لا بس والله اصباعي انكسر وانااكتب:o

حلو

الله يوفقك اختي

و زين انهم عطوك وجه خلال وقت قياسي ( اسبوعين ) والله غريبه ؟
شكل مشروعك مُغري ماشاءالله عليك

عالعموم انا ناوي أقدم عليهم ومتحمس لهم مره
بس الين أقرر على مشروع معين وأحدد جدواه الإقتصاديه

وأنا الحين فيه مشروع بــ راسي بس راس ماله أكثر من 200 الف بكثير ؟
مدري يوافقون عليه أو لا ؟؟

بس سؤالي هل مشروعك متكرر يا بيزنس وومن ؟ يعني فيه زيه كثير على أرض الواقع ولا كيف ؟

وهل يشترطون التفرع يعني عدم الدراسه والعمل ؟


والله يوفقك
ويتمم على خير


تحياتي يالغلا

يالله كملي اصلي انا قدمت ولمن قالو على الجوال لازم اعمل دراسه الجدوى اتكاسلت

عدناااا<<<متأثره بسبيس تون خخخخ


فارس عالمك....مشروعي مركز ضيافة اطفال...وبصراحه مومتكرر كثير...

ولااااااااازم اذاتبغاقرض تكون عاطل عن العملواذاتبي اكثر من200000بنك التسليف يعطي بس بالتعاون مع المئويه برضو


ومايكون عندك دخل ابداااا...


واخيرا لاتتسرع بحكمك على المئويه اصبر وشوف حرق الدم المزبوط ...

ام كيمووو شدي حيلك...العمر مرة وحده والفرص ماتتكرر...بالتوفيق
المهم...

قالولي نكلمك خلال اسبوع اذاقبلنا مشروعك ولالا...وفرحت قلت ماشاء الله اش هالسرعه...


وجلست استنى اسبوع اسبوعين ثلاثه...ومحد دق علي
واتصلت عليهم قالولي ايه لسه المجلس الاعلى ماشافها

قلت طيب جلست اسبوع واتصلت قالوا ايه بعدهم لسه مااجتمعو

جلست كمان اسبوع واتصلت قالو اييييه انقبل مشروعكتيب ليش محد كلمني قالوا معليش انشغلنا

المهم قلتلهم تيب اش الخطوة التاليه قالوا تنتظري اتصالنا

قلت طيب الله يجييييبك ياطولة البال....المهم جلست اسبوع انتظرهم محد دق ورجعت كلمتهم قالوا بصراحه حنا متورطينلازم يكون عندك مشرفه تشرف عليكي لمدة3سنوات وهالاشراف (خدمه تطوعيه)خلووووووووو بااااااااااااااالكم تطوووووووووووووعيه يعني ال30000ريال الي قالولي رسوم خدمه للمشرفات الي يتابعونك ومدري شو طلع كلام بالهوا ....قلت تيب حاستنى لمتى قالولي انتظري لين نلاقيلك الااا اذاعندك احد ترشحيه لنا

قلت اوك بشوف

كلمت وحده اعرفها وقالتلي تيب بتابعك...كلمتهم قالوا حلو تيب عندهااحد ثاني لانو عندنا مشاريع متوقفه بسبب الاشرافقلت للاسف يالله لقيتلي...قلتلهاتيب شو الخطوة الثانيه قالتلي خلاص تنتظري القرض وتوقيع العقد النهائياناتشققت من الفرحه قلت ايييييييه ومتى ان شااااااااااااء الله قالت اصبري الموضوع يطوووووول


قلت كم يعني قالت يمكن شهر

قلت تيب والبيت الي انا حاجزته وجالسه ادفعله فلوس من جيبي وبالسلف لمتى حيستنى قالت مدري بس هالموضوع ياخد وقتالااذاكتبتي خطاب للمدير العام وتقوليله انو انتي مستعجله ممكن يسرعلك الموضوع<<<طبعاقصدهااستجديه انو يعطيني القرض(والله حسسوني كني اشحت )قلتلهايصير خير

وطبعا جالسه للحين موعارفه شسوي بصراحه انصدمت فيهم بنيت آماااااااااااال وجو ببساطه هدوها لي...


لكني مايأست الحمدلله مازلت على أمل انو الله بيسرها لي



بس من داخلي ندمت اني قدمت عندهم....بصراحه محبطييييييين يعني جد بهالبلد ماتلاقي شي عدل كااااااااامل الاماتلاقيهم مسوينلك بلا باي شي يعطوه...

صح نسييييييييت اقلكم انو مااخد200000كاااااااااامله اخذ منها187000والباقي رسوم خدمه لهم30000.....وطبعااقسطهم200000
وسلامتكم....

أنا مشرفه لأحد الفتيات هناك بالورق
يعني هي صاحبه المشروع وعندها اللي يسوي لها دراسه الجدوى والقواءم الماليه كل شهر والمتابعات الإدارية ، وأنا بس وقعت أول شيء
بس موجود عندهم اسمي للحين وما اقدر أمسك أي وحده ثانيه للأسف لأن النظام ما يسمح بالإشراف على أكثر من وحده

بالتوفيق في مشروعك
بس ما فهمت شيء واحد ...هم يمولوا صاحب المشروع بكل الأموال صح ؟
طيب وإذا صاحب المشروع لا قدر الله خسر ، كيف يرجع لهم ؟ ولا ما يرجع لهم فلوسه؟
هذي النقطة ما قدرت افهمها أبدا

اخ فؤاد انا ماعيبت فيهم وخدمة العملاء صح رائعين ماقصروا معي بس اناباتكلم عن الاسلوب العام للمركز السياسه العليا وبعدين تقول انو لازم مااستعجل اوك لازم هم يلتزمو بكلام معي اما يقولولي خلال اسبوع ويتركوني شهر وعليه هذامو اسلوب تعامل...وحكاية المرشده بصراحه احس عندهم لخبطه دام هماماعندهم لايقبلوا شي لين يوفروا هالاشخاص الي مابياخدوا ريال من عمولتهم وهما على حسب ماقالولي انو يعطو منهاللمرشدين....



وعادي مازعلت ولاشي بالعكس اتقبل الرأي الآخر بصدررحب



اخت ناديني هلابك والله بصراحه ماعندي اجابه على تساؤلاتك ان شاء الله الاخ فؤاد بيساعدنا اذاله معرفه

اختي الكريمه 0 ناديني تلاقيني

ما في شي اسمه ما يرجعون المبلغ لا لانه يكون في توقيعات وغلات هم بصراحه على الشخص

وهما اذا شافوك مجتهده وتسددين اول بالو كل شهر بشهره ومجتهدهـ

يحددون نقطه ضعفك ويسون لك تجديد ويعطونك كمان مبلغ اضافي

الين ما توقفي على رجل من جديد ويبداء التفائل والاصرار على النجاح وتفادي العقبات

هذا اللى اعرفه

تحياتي وتمنياتي لكم بالتوفيق


اخوك

فؤاد k.s.a

انا أقولك اخت بيزنس
كلامك عين الصواب بس لو نفكر فيها شويه يعني

لو كل موعد يقولون لك خلال شهر بالله ما يصيبك خموول وتحبيط واهمال

لكن لو قالوا لك اسبوع فيه تحفيز ويحمسك على انك تتابعين الموضوع

هذه وجهه نظري

وتسلمين انك تقبلتيها بصدر رحب

فديتك

تحياتي لك

اخوك

فؤاد k.s.a

مشكور اخوي بس انا اعارض كلامك لانو هما قالولي نردلك خلال اسبوع وحجزت مبنى ودفعت عربونه حق شهر بس قربت المده تنتهي وهما ولاحس ولاخبر بالله من وين ادبر مبلغ شهر ثاني....كذا بيحملونا فوق طاقتنا...