قصائد مغناه اعجبتني كلماتها وانقلها لكم متمنيا ان تنال اعجابكم

تمنيــــت والمخلوق
تمنيــت والمخلـــوق في دنيتــه طمــاع ===يقضي حياته ماانتهى من مطاليبه
نسيت الهوا واليوم اشوفـه دعانــي داع ===دريت ان مكنون المشاعر تهليبه
يزخرف صورماضي عليها من الابداع ===رسوم الحبيب اللي علي طول الغيبه
ولاعاد لي باللي قضى وانتهى مرجاع ===ودار الزمان اللي صفتلي مشاريبه
يابو خدوداً كن فيـــها الذهــب لامـــاع ===وشعرن يوريك الذهب في قواليبه
تقبل خضوع العاشــق الهايــم الملتاع === يخبي وهي مكشوفتن كل اساليبه
=======================
صـــــــرخة نــــــــدم
صرخة ندم في تالي ايامي السود === مني واهات القهر منتهاها
دمعة بري محكوم بالظلم مضهود === حاله من اللوعات جاها ماكفاها
حالت سجين وبين جلاد واجنود === يجلد سبب بجنايتن ما جناها
بيده احبال وبالكلابشات مشدود === وجميع هقواتن براسه رماها
بين عذابه والامل صارمحدود === خضع لواقع عيشتن مارضاها
من ماجرالي صرت يائس وملهود === وحالي بعد عزي تكدر صفاها
وش حيلتي لعاد في حالتي زود === روحي يهددها الزمان وجفاها
ماهي رخيصه لكن العمر محدود === يؤمن ماعندي سواه وخذاها
=========================
لاتـــــرحلي
لاترحلـــي وانتــي بقلبـــي مقيمــه ===كوني بقربي وأحكمي واظلميني
لاترحلــي كونــي بقلبــي رحيمـــه ===بس اخذي وأعطي معي وأفهميني
كونـي لي الدافــع وروح العزيمــه === قبل الفراق المنتظر علميني
مالي بدونـك في الحيــاة أي قيمــه ===ان مت من حر الفراق اعذريني
أنتي عظيمـه فعـلا انتــي عظيمــه ===وأنا عظيم اللي تطولك ايديني
أنتـي تركتينــي بصـــورة سليمــة ===أنا أهجر الدنيا ولا تهجريني
ذلي وضعفي وانكســاري هزيمــه ===ماهي صفاتي لاحشى تعرفيني
جيتي كريمـه واهجرينــي كريمــه ===يمكن تردك مقبلات السنيني
أنـا أدري الأيــام ما هــي مديمــه === دوراتها تقبل وتقفي بحيني
وأبكي على اطلال ألليالي القديمه ===وإلى طرالك جوها فاذ كريني