راس المال مومشكلة
المنتج لاب تب او جوال مدري اش الاحسن
المستهدفين المدرسين او المدرسات فقط
ليش المدرسين لانه اذا ماسدد جيت المدرسة وحسته قدام التلاميذ وزملاءه
المدرسات فكرة حلوة والحريم يشترون اكثر ويتابعون الجديد بس كيف اضمن السداد الفكرة مطروحة للنقاش واللي جرب التقسيط يعطيني ملاحظاته لاتروح قروشي
طبعا نسبة المخاطرة قليله لان راس المال مو مستاهل اللي بيشاركني يتفضل ترى جاد

ما ادري بس ما اتوقع فيه مدرس أو مدرسة يقاسط على جوال أو لاب توب أقل شي يستلمون بالشهر 5000 ريال يعني من راتب شهر يقدر يشتري احسن لابتوب أو جوال ..
عموما هذي وجهة نظري وممكن تكون غلط ...

أقساط الجوالات والكمبيوترات منتشر الآن ولكن لا تنظر لطبقة واحدة فقط

اذا لم يكن لديك راس مال محرز نوعاً ما

فاعتقد ان الاقدام بمثل هذه المشاريع غير مجديه اطلاقاً


سؤالي هل راس المال الذي لديك اكثر من 100 الف ام اقل

كما قال الإخوان

بالتوفيق

التقسيط فكرته حلوة..

بس انا اسمع ان فيه مخاطرة كبيرة في عدم الوفاء بسداد الاقساط..

عشان كذالازم تحسبها صح اخوي والله يوفقك..

^_^

من رأيي ... فكرة حلووووه واتكل على الله , وممكن تبدأ برأس مال 10000 الاف أو 15000 ريال بس ومردودها ممتاز جداً وممكن توصل 40% كل ستة شهور وممكن تزيد بعد .

كيف تضمن حقك ؟؟ انا اقولك كيف .. قسط أي رجل أو امرأه ولا تهتم وين يشتغل بس اهم شي يكون راتبه ينزل في الراجحي , لأن مصرف الراجحي الأن يقدم خدمة الاستقطاع من الراتب بناءً على اتفاق بينك وبين المشتري يوقع في البنك بخمس دقايق , مع ملاحظة ان هذا الاستقطاع ما يقدر يوقفه المشتري مهما حصل لين تستوفي حقك كاملاً ... طبعاً حسب علمي مافيه بنك غير الراجحي حالياً يقدم هالخدمه .

طبعاً بنك الراجحي ياخذ منك مبلغ حوالي ( 15 ريال ) شهرياً مع كل قسط مقابل رسوم للخدمه هذي .

اتكل على الله وابدأ مشروعك وانت متطمن , بس الله يعينك على المنافسه لأن بعد هالخدمه من الراجحي كثيررررررررررررر الي بدأو بهالفكره وتلقاهم بكل مكان لكن انت لازم تبذل جهد وتتحرك , وعموماً هذي التجاره ماتجي بالساهل .

وموفق بإذن الله ,,,,

انا انصحك باالاجهزة المنزلية فيها ربح ممتاز
نقدا او قسط

شكرا فتى نجد على المعلومة وشكرا للجميع على الردود والتفاعل اما راس المال لامشكلة بصراحة انا اعمل بالتجارة استيراد ولكن وضع التجارة هلايام مزري بعد دخول الوافدين فيها بشكل كبير وكل من ايدوه اله مثل مايقولون وعدم وجود الرقيب والغش ةالتستر الله يعين بس