صباح الخير
الحين انا بما اني عاطله من سنتين وصرت بموت من الطفش والملل والروتين قمممممممممممممممت احوس بالنت وادور وافكر واخطط قلت بفتح مشغل واخوي عنده عماره ماجرها قلت باخذ وحده من هالشقق وافتحها مشغل قالو اهلي ماراح يرضى يطلع مستاجر عشان تفتحين مشغل قلت بقنعه قالو شلون تجيبين رخصه انك تفتحينه قلت اول شي ببداه بمشغل بيتوتي يعني مو مشغل كبير وكذا ع قدي قالو سعوديه محد بيجيك الموهم من ناحية هالفكره قفلوها بوجهي
قلت لهم تيب ابسوي عصاير وخرابيط للبزارين واخلي واحد من عيالنا يبيع على بزارين الحي قالو لا وش ذا عيالنا يبيعون ولا بعد عصير الموهم انثبرت وسكت
سمعت عن الغرفه التجاريه وقلت بقدم عليهم وبشوف وش سالفتهم ومنيب خسرانه شي قالو اهلي يابنتي انتي صغيره نخاف ينلعب عليك والا شي قلت ماراح يصير شي قالو مالها داعي قلت لها داعي عندي خلوني اجرب كل شي واسوي الي ابيه لين افلح بشي قالو ماراح ينفعك غير دراستك انا مابي ادرس مابي ادرس ابي اشتغل ابي افتح شي لي ابي يصير لي دخل خاص لي انا كل ماقلت لهم شي قالو منتي بحاجه ادري انا مو بحاجه الحمدالله بس ابي اغير حياتي ابي يصير لي شي اسويه مهم مااصير زي الحين عاله على نفسي وعلى اهلي وعالمجتمع
عاد مالقيت غيركم افضفض له وكذا ابي احد يساعدني يعلمني شسوي عطوني افكار واشياء حلوة اسويها وتكون على قدي الله يسعدكم ان شاءالله ويحقق لكم الي تبونه