رايكم يهمني ونصايحكم وسامي..

Shrf Almalki · #1 (**permalink**) 16-02-2009, 08:22 PM

بسم الله الرحمن الرحيم

كيفكم شباب وبرضوو ياصباا شخباركم ^_^

الصراحة انا محتار ومو بس محتار الا مشتت..

انا قاعد اسوي دراسة جدوى لمشروع مطعم مشويات والباقي لي في الدراسة كيف احسب نسبة ربحي في كل وحدة ابيعها لان خبرتي شوية ضعيفة في المطاعم..

وياليت لو احد يقدر يقول لي لا يبخل علي وهذا الشي اللي محيرني..

اما اللي مشتتني اني الان بسوي دراسة جدوى ورشة مكانيكا سيارات ودراسة جدوى مكوجي وابغا افضل دراسة تدر علي ربح راح اقدمها لصندوق المئوية..

وياليت تشورون علي والا تسعفوني بدراسة جدوى للي عنده في اي مشروع مربح..

عارف ان الاغلبية ماراح ترد بس اتمنى من اللي ما عنده اي شي لا يبخل علي باي نصيحة حتى لو خارج الموضوع

تحياتي

^_^

H 2 · #2 (**permalink**) 16-02-2009, 09:11 PM

السلام عليكم ورحمة الله وبركاته
اخي بالنسبة لطريقة حساب الارباح هو كالتالي

تكلفة المتنج بعد البيع النهائي - سعر البيع النهائي = الربح
وهناك طرق لحساب الربح منها من يحسبها على المنتج الواحد اي الوجبة الواحده ومنها من يحسبها اخر الشهر على كم تكلف وكم حصل من مال وينقص المبلغ الذي حصل عليه من مبلغ التكلفة

مثل لنقول انك تريد ان تفتح مطعم بروستد شلون حسابها ؟؟
الطريقة المعروفة هي تنقيص سعر التكلفة من سعر البيع ويظهر لك الربح
لكن لو انا عندي محل بروستد بحسبها بهالشكل

لنفرض ان سعر نصف الدجاجة يكلفك4يال
وسعر البهار والتتبيل 0.5 ريال
واجر العامل على كل وجبه 1.5ال يعني العمال مثلا اربعه كل واحد ياخذ نصف ريال على كل وجبه حتى لو ما عمل بها او اعدها يعني نفرض افتراض ان الذي اعدها الاربعة الى هو رواتب العمال
فاتورة الكهرب 0.10 ريال
الزيت 0.5 ريال
البطاطس نقول 0.75
المايونيز والكاتشب نقول 1.00 ريال
الخبز نقول 0.25 ريال
الايجار0.5
اخرى 0.75
نصل بالاخير الى الحسبة المتوقعة وهي كالتالي
4+0.5+1.5+0.10+0.5+0.75+1.00+0.25+0.5+0.75=9.85
التكلفة المتوقعه للوجبة هو 9.85 قد تزيد وقد تنقص ونت مثلا تبيع الوجبة بـ15ريال
يعني 9.85-15=5.15 ريال ربحك على كل وجبة
لنفرض انك تبيع 150 وجبة باليوم
نقول 5.15 * 150=772.5 ربحك اليومي
يعني ربحك الشهري المتوقع هو 772.5*30=23175ريال

هذا المتوقع ان شاء الله هو 23175ريال قد يزيد وقد ينقص
هذي الحسبة الى انا اتبعها
وفي ناس لا
تبيع وتشتري منتجات وباخر الشهر يحسبون الارباح
وانا اتوقع انك تبي القرض فقط لاني اشوفك متشتت مو لانك قلت انك متشتت بموضوعك, لكن اشوفك تقول مطعم بنشر الخ
ارس على حاجة وادرسها وقدمها والى كاتبه الله بيجيك ومن كلا الثنتين غص
خلك على مشروع واحد الى تشوف انه مربح وتقدر تضبطه, واما بالنسبة لطلبك لدراسات الجدوى فانا اقول لك دراسة الجدوى تختلف من مشروع لمشروع يعني تعتمد على الطلب على السلعة وعلى موقع المشروع وعلى اشياء اخرى يعني لو قلت لك خذ هالدراسة وارسلتها لك
وهالدراسة مثلا لمشروع ملابس رجالية مقامة مثلاً لمحل جنوب الرياض وتلاقيهم حاسبين الايجار رخيص والعمالة رخيصة وسعر البيع للمنتجات رخيص وحاسبينها على اساس موقع المحل ومن الى بيجية والخ
وانت تاخذ هالدراسة وتروح تفتح محل بشمال الرياض فتتفاجا ان الايجار هناك يختلف
الاذواق تختلف والعمالة تختلف رواتبها لان السكن للعمال هناك مرتفع فيطلبون راتب اعلى يعني الدراسة تختلف من مشروع الى مشروع
عسى اني افدتك
وبالاخير اقول لك ارس على مشروع وسو له انت الدراسة وبالتوفيق

Shrf Almalki · #3 (**permalink**) 16-02-2009, 09:38 PM

H2

كفيت ووفيت ويعطيك العافية على نصيحتك الحلوة..
^_^

وبالنسبة للطريقة اللي قلتها في الحسبة انا عارفها بس انا اللي اقصده كم النسبة التقريبية للربح في الوحدة الواحدة في مطعم المشويات..

يعني مثلا:
لو بعت كل وحدة بمبلغ 20 ريال وتكلفة الانتاج 14 ريال فتقريبا ربحي 30% وهذا مثال للتوضيح..

انا كنت ابغا النسبة الحقيقية للي مجرب او اقل شي يقول لي تكلفة الانتاج وانا راح احسبها..
^_^

ويعطيك الف عافية مرة ثانية.

H 2 · #4 (**permalink**) 16-02-2009, 09:54 PM

اغلب المنتجات ارباحها من 25% وطالع من التكفلة الحقيقة للمنتج

Shrf Almalki · #5 (**permalink**) 16-02-2009, 10:03 PM

اقتباس:

المشاركة الأصلية كتبت بواسطة H 2

اغلب المنتجات ارباحها من 25% وطالع من التكفلة الحقيقة للمنتج

يعطيك الف عافية اخوي وما قصرت

^_^

بس باقي لي شي واحد بحثت عنه في النت وما لقيت له اي طاري..

اللي هو الموقع:
شو الشروط اللي لازم تتوفر في المطعم وكيف بيكون تفصيله يعني طريقة توزيع الشوايات والثلاجات والمطابخ والطاولات واكثر ما بحثت في المنتديات الهندسية ما لقيت شي..

عارف اني وهقتك معاي بس ياليت الكل يشاركني شوي هالهم

اخصائية 2007 · #6 (**permalink**) 16-02-2009, 10:33 PM

انا بقولك الله يوفقك لاني ماافهم لهالسوالف , الله يفتحها عليك

Shrf Almalki · #7 (**permalink**) 17-02-2009, 12:05 AM

اقتباس:

المشاركة الأصلية كتبت بواسطة عسل النحل

انا بقولك الله يوفقك لاني ماافهم لهالسوالف , الله يفتحها عليك

يعطيك العافية..

وشاكر على ردك

^_^

طموحي بحر · #8 (**permalink**) 17-02-2009, 10:05 AM

الله يووووووووووووفقك ويسهل لك امووورك ويفتح لك ابواب رزقة وياليت بيدي شي والله ما كنت تأخرت عليك لكن سامحني توقعت شي سهل اقدر افيدك لكن ماراح انساك من دعائي الصادق بظهر الغيب .

Shrf Almalki · #9 (**permalink**) 17-02-2009, 12:55 PM

اقتباس:

المشاركة الأصلية كتبت بواسطة طموحي بحر

الله يووووووووووووفقك ويسهل لك امووورك ويفتح لك ابواب رزقة وياليت بيدي شي والله ما كنت تأخرت عليك لكن سامحني توقعت شي سهل اقدر افيدك لكن ماراح انساك من دعائي الصادق بظهر الغيب .

مشكورة اختي ومرورك يكفيني

دمتي بود

أبداعات · #10 (**permalink**) 17-02-2009, 03:50 PM

السلام عليكم ورحمة الله وبركاته
//
الله..يوفق..
لاكن..المفروض.يكون...مشرووعك..بشي..تفهم..فيه..اكثر ...

بمعنى..هل..انت,هاوي.طبخ..
لان..المؤيه يقارنون..مؤهلاتك.ومشروعك

::
اما..بالنسبه.لدراسه,الجدوى..البدايه..صعب..لاكن..لو ..فتحتها يوميا,واطلعت..وحسبت..راح..تتوضح..الامور.لك..اكثر.. واكثر
//
خذلك
جوله..ميدانيه..للمطاعم..الي..مثل..نوع..مشروعك..واش تري.لك..طلب..والقي..نظره..على..الديكورات..
وخذ..واعطي..بالكلام.
كيف..دخلكم..ماشاء الله موقعكم..ممتاز..كم..رواتبكم.؟
واسئل..الي..تبغاه..
عشان..تفهم..اكثر..
///
وهذا..من.تجربه
بالبدايه..قلقت.كيف.وماكيف.واحسبي..ولاتحسبين
والجووله..الميدانيه..نفعتني.كثيـــــر
وتوضحت..الصور..بشكل...اكثر...
///
فرضا...انت..باليوم..كم.دجاج..راح..تبيع..30..دجاجه. .سعر..الوحده..كم..بجملتها>>مثلا..5.ريال وبهارات يوم واحد 10 ريال
بتبيعها..بكم..مبطوخه..10..ريال..
30*5 =150 ريال سعره الدجاج العادي+ بهار 10 ريال =160 ريال
30*10=300ريال
::

المكسب × 100 ÷ راس المال = النسبة المئوية

300 × 100 ÷ 160 = 18,7%

////

حتى..لو.ماحسبت..البهارات..برضوا..كسبان
////
طيب..تعال..نفصلهاا..اكثر..عشان..توضح..الصورة
/////
الاسبوع..الاول.راس..المال.للدجاج..والبهارات..مثال. .1000 ريال
حلو..يعني ذا راس المال تبع اسبوع واحد
وانت..ربحت..اخر..الاسبوع..1200

المكسب × 100 ÷ راس المال = النسبة المئوية
يعني
1200 × 100 ÷ 1000= 12% ربح خلال الاسبوع
والفرق..كم..200 ريال مكسب

ولو معاك اله حاسبه تسهل لك الامور
///

أما..بالنسبه..للموقع..تروح..تشوف.لك..موقع.وتسعر.اج اره..اومال..كيف.سارت دراسه جدوى...وانت,,ماحددت..موقع

وماسويت دراسه ميدانيه..ما.ينفعك..النت.بكل.شي..يعني
بدور موقع للاجار..؟؟من النت
ابشرك..انك.خسران.من..الان
اولاَ لانه مطعم..فاتشوف لك محل على شارع مساحته كبيره.وسعر اجاره كم.؟لانه..كله.تكتبه
وسبب اختيارك للموقع..ليش.؟
لانه مثلا حي نابض وشارع عام ومنطقه سكانيه..عشان
تبين
انه الربح متوقع فيه..
ولو اخذت جوله مدانيه على المطاعم مراح تلاقي مطعم جوه شارع..راح..تلاقيهم..على...شارع..عـــأم
وايش هي مداخله شارعين شارع..فهمت..يعني..
مومحل مثلا عند اشاره ومافيها مواقف..مثل كذاا

والاجهزه.وتوزيعاتها.ايش..الي..تحتاجها..من..الى..وب سعارها..تروح..محلات.تجهيزات..المطاعم..تشوف..اجهزت وادوات..واسعارها,,ويفضل..يكتبون.لك..فاتورة..بالتسع يراات
واذا دخلت..مطعم..اي..مطعم.تلاقي مقسوم نص مطبخ او ربع والجزء الثاني استقبال..