السلام عليكم ورحمة اللة وبركاتة
انا كان موعدي يوم 15\2\1430 رحت لهم الساعة 6 والتوقيت مهم علشان اذا تبي تخلص بدري لازم تجي بدري الاوراق المطلوبة زي اللي في موقع الجوية فقط لاغير اول شي سويتة التحضير يحضرونكم عن طريق الكمبويتر ثم تنتظر الباصات لين تجي بعدين على المستشفى فحص اول شي يجلسونكم حسب الترتيب اللي في الورقة اللي مع العسكري اللي بيطلع معاكم في الباص ويعطونكم ورقو استبيان عن الامراض اللي عندك حط كلها لا ثم اذا جاء اسمك تروح عند الاستقبال وتعطية البطاقة الشخصية والصور ويفك لك ملف عندهم ثم تروح تبدل ملابسك كلها ما يبق الا السرال القصير ثم يعلق لك العسكري سوار على يديك وفية رقم هذالرقم هو رقم الملف الطبي حافظ على السوار ليه بعدين اقولك ثم تسوي تحليل بول وبعدين فحص نظر عمى الوان سهل وقياس الضغط ثم تروح غرفة ثانية وكمان فحص نظر بس غير الاول هذا زي اللي في القاعدة تجلس على بعد 6 متر وتشوف فتحة حرف السي وينها بعدين الطول والوزن وبعدين عند الدكتورتعرفون ليش في اربع دكاترة ثلات برطانين واحد سعودي ملازم اول و اذا قدرت وعندك واسطة لا تجي عنده لانه متشدد
بعد الفحص ترجع وتلبس ملابسك ويقولون لك اطلع للباص وتنتظر لين يخلصون كل زملائك
ثم تروح المعهد مرة ثانية وتنتظر النتيجة ممكن نص ساعة او ساعة ثم يقولكم الملازم اول وليد التركي اللي بنقول اسمة الله يوفقة لا يجي بكرة لانة رسب في الفحص وبعدين الراسبين
يقصون سوار اليد تبعهم وانت اذا نجحت يقولون لك لا تفك السوار خلية في يدك الا اليوم الثاني ويقولون لا تاكل بعد الساعة 9 في الليل لانة اليوم الثاني قي تحليل دم المهم تضرب الباب وتجي اليوم الثاني نفس التوقيت اول شي التحليل بعدين الفطور على حسابك طبعا بعدين اختبار القبول رياضيات وانجليزي الرياضيات 30 سوال نص ساعة والاجليزي 50 سوال نص ساعة كلها طقطقة بالنسبة لي بعدين المقابلة الشخصية كلها رتب ضباط اول لازم تسلم بصوت عالي وكنوع من الثقة دق التحية هذا اللي سويتة انا بعدين يكون ملفك عندهم يعرفون كم نسبتك وكم قدراتك اذا انت سلمتها في القاعدة من اول او اذا العكس تعطيهم الشادة تبع القدرات ويقولون لك اقرا اي سورة علشان يشوفوا الصوت عالي انا بس قريت و ضربت الباب ما سالوني اي سوال لان نسبتي 96 علمي والقدرات 72 وقالي الملازم اول ان شاء الله نشوفك قريب عندنا بس وطلعت بعدين اللياقة وكلها طقطقة وبعدين يرجعونكم على المعهد ويقولون انتظروا النتائج شهر5 وسلامتكم واااااااااااااااسف على الاطالة وترعى والله ما في واسطات في القبول كذا قالي الضابط الدورة للمقبولين شهر 6

وبالتوفيق

طيب انا كان موعدي -2/2الاحد وقالي الملازم حق المقالبة انك مقبول وانا ماجوابت الى على سؤالين بس ولا وقالو النتائج في شهر 1/4 15/4 بس

والله حرام عليك 96وعلمي والعسكرية ياخي الكلية الصحية تقبلك احسلك من العسكرية ومدني وراتب ولا احلى وتلف العالم كلة .......على العموم الله يوفقك

والله حرام عليك رح الجامعة وتخصصصصصصصصصصصص مهندس أحسن لك

الله يوفقك اخوي


بس الوزن يدققون فيه ولالا ؟