محتاج مساعدتكم

حلم وأمل · #1 (**permalink**) 18-02-2009, 12:05 AM

بسم الله الرحمن الرحيم..

السلام عليكم ورحمة الله وبركاته..

أناعضو جديد بهالمنتدى وحاب إنكم تساعدوني بعد الله سبحانه وتعالى..

أنا غير موظف وحاب أبدأ حياتي بهاالمشروع..

اللي هو شراء تريله بالكامل وأبي استفسار بس تكفون لا تردوني

أولا: أنا راح أقدم انشاءالله على صنوق المئوية هل تتوقعون يقبلون هالنوع من

المشاريع؟!! وهل في جهة غيرها أقدم على قرض؟

ثانيا: أحسن نوع؟ وكم الموديل؟ووين ألاقيها بالرياض؟

ثالثا: وين ممكن أشغلها؟ وفي أي مجال؟

رابعا: ساعدوني بدراسة الجدوى لأني ماأعرف فيها ولا شي ؟؟!!

الله يحقق لكم اللي تبونه لاتقصرون معي باي نصائح ...

وشاكر لكم

جميعا...

مالي دخل · #2 (**permalink**) 18-02-2009, 12:09 AM

ماعندي فكره على مشروعك لكن اقول ربي يوفقك

طموحي بحر · #3 (**permalink**) 18-02-2009, 12:20 AM

الله يووووووووفقك ويسهل لك امورك ويفتح لك ابوووااب رزقة يارب .

على حد علمي انو تشتري السيارة وتشوف شركة بهالمجال هي تشغلها لك وتعطيك الربح ؟!

هذا والله اللي اعرفة وما ادري إذا صحيح او لا لكن كثير يشتغلون بهالطريقة ؟!

دمت بحفظ الرحمن .

الخرج دايت · #4 (**permalink**) 18-02-2009, 12:52 AM

الله يوفقك ياخوي وفعلاً مشروع فكرته حلوة وأتوقع إنه مربح

شف ياخوي أنا ماعندي فكرة عن دراسة الجدوى لكن أتوقع لو تروح لمكتب مقاولات وتحصل سعودي إبن حلال راح يخدمك ويكفيك التعب كله أو إنك تشوف لك واحد أجنبي ويسوي لك دراسة الجدوى بمبلغ مالي

أما بالنسبة للجهات اللي تقدم عليها غير المئوية فيه الغرفة التجارية ( أتذكر فيه شخص قدم عليهم وقبلوا مشروعة بعد دراسة الجدوى وكان مشروعة وايت ماء)

إذا وفقك الله وأخذت قرض أتمنى أن تمر على الشركات الكبيرة وتتعاقد معهم أفضل من أنك توقف في مكان وتنتتظر الزبون لين يجيك

لاتفكر الآن بالبحث عن التريلة خل جهدك منصب على المشروع ودراسة الجدوى لأنك تبي تطول عندهم قدامك ناس لهم شهور يعني يبيلك صبر

الله يوفقك ويرزقك ويفتح عليك

عندي أمل لكن متى · #5 (**permalink**) 20-02-2009, 12:36 AM

الله يوفقك وكان ودي اساعد بس مااعرف شيي عن الموضوع هاذا

أبداعات · #6 (**permalink**) 20-02-2009, 01:01 AM

ان شاء الله يقبلوونه

//
أهم..شي..انت..اعزم,,وتوكل على ربك
//
من..نجحات..الصندوق..واحد..زي.فكرتك..تقريبا..بس..مو دينه
اعتقد.((.وايت))..وهو..الي.بنفسه..يشتغل
ولو..راجعت..الموقع..تلاقي.حتى صورته

وشرطهم..انت..الي..تشتغل..عليها..
//
دراسه..الجدوى انصحك انت الي تسوية بنفسك لاتقول احد يســوية ولا احد يضحك عليكم
يقلك بفلوس...الشغله سهله بس افهمها صــح
واسئل..وابحث وتلاقي نفسك سويتها ورسلتهاا..
وماعندي مانع اساعدك فيها ان شاء الله..
//
بالنسبه لفكرتك لانها سيارة مو مشروع وبضائع..وو فاعتقد دراست الجدوى تكون سهله..
::
بحيث تقدر قيمه السيارة كم..((سعرها...))...موديلها..ضمانها
ونسبه هلاكها الشهريه..والسنوية..
وكم..مثلا..بالليوم.تحمل..فيها..وكم..تاخذ..
وبلاسبوع.ايش..يطلع.لك..ونهايه..الشهر,,والسنه..كم..
وكذالك..تحسب..صيانتها..وبنزين.وو
::
فين..تشغلها..نقل..مواد..بناء....نقل..عفش..<<وبتكسب ..منها..كثير..توزع..كروت..اعلان..وسوقك..يمشي..

وين..تحصل..السيارة..هذي..انت.بنفسك..تروح..معارض..و تسئل..وتشوف..مواصفاتها..كيف..والشركات..وايش..الي.. يميز..شركه..عن..شركه
يعني.لازم..جوله..ميدانية..وتشوف..وتعاين..بعينك..وت عرف..الفرق
::
هذي..افكار,,سريعه..لدراسه.الجدوى
::
وموفق..ان..شاء الله

حلم وأمل · #7 (**permalink**) 20-02-2009, 10:55 PM

اعذروني على التأخيربسبب ظروف"الله يفرجها"
شاكر لكم تعاونكم وأسأل الله لي ولكم الفردوس الأعلى من الجنة
بس يااخ ابداعات انا ماراح أسوقها را أجيب سواق وأشغله عليها
بحيث مثلا أتعاقد مع شركة حديد وأنقل لهم من مكان لأخر هذا حاليا
وشفت التريلات وأسعارها بس غالية أكثرمن 200الف إذا تعرف مكان يبيع تريلات كويسة وسعرها مقبول أفيدني...
وثانيا كيف أكتب دراسة الجدوى يعي أصمم جدول واكتب اللي أشرت عليه لأني ماعرف وشلون أكتبها وكيف اقنع الصندوق بمشروعي خايف يرفضون ؟؟؟
ولما سألت عن السواق قالوا صعب تلاقي سواق تريلة فياليت تنورلي وتزيدني معلومات أنت والاخوان.........

لا للواسطه · #8 (**permalink**) 20-02-2009, 10:58 PM

أنا أعرف ناس من جماعتنا يشترون تريله ويأجرونها على شركه
مثال / الجريده تعلن على طلب تريلات وانت تتصل عليهم وتتفاهم معهم وهذا مشروع جيد

حلم وأمل · #9 (**permalink**) 20-02-2009, 11:11 PM

الله يجزاك خير
لا للواسطة والله ماخلاني افكر في هالمشاريع
عدم توفر الوظائف واذا جات الوظيفة الراتب1200 بالله
كيف الواحد يكون مستقبله ويشتري سيارة ويتزوج ويصرف على عياله
براتب قليل ماأقول إلا الله يفرجها عاجلا غير آجل