ياهجـوسـي والـقـوافـي مـنــك ماتكفـيـنـي
ليـن تـارد ثـم تشـرب مـن غزيـر الجمـه
صاحبـك ماقـد ذخــرك بـوحـده وثنتيـنـي
ليه اجـل يذخـرك لاجـات المعانـي فـامـه
يالـعـزيـزه يالحبـيـبـه يــاغــلا مـافـيـنـي
من خلايا جسمـي اللـي جـات لـك ملتمـه
مـن غلاتـك جعلـنـي فـدوتـك شاركتيـنـي
في تفاصيـل الخفـوق وفـي مجـاري دمـه
والله انـي شايـلٍ مـن فــوق متـنـي ديـنـي
لـك ولابـه مـال يـقـدر لــي بــراء الـذمـه
كيـف اجـازي يالحبيـبـه رفـعـة الكفيـنـي
بالدعـا لـي كـل ساعـه مـع عـلـو الهـمـه
كيـف اجـازي يالحبيبـه كيـف مايمديـنـي
كل كلمه جات تمسح مـن ضميـري همـه
لــو وهبـتـك كــل يـــومٍ مـقـبـلٍ فسنـيـنـي
ماوفـت لحظـة حنـانٍ عشتهـا فـي ضمـه
ولو على عمري بزيده عمر مع عمريني
ماوفـى زفـرة الـم جـت منـك لجلـي يمـه
ايـه ابـوس رجولـك الثنتيـن لــو لمتيـنـي
لان تحـت رجولـك الثنتـيـن يـوجـد قـمـه
جنـة الفـردوس واللـي مـادرى مسكيـنـي
قالـهـا صـلـى علـيـه الله رســول الامـــه
مابغيـت الا رضـاك وبـس هــو يكفيـنـي
بعـد رضـوان الالـه وكــل فــرض اتـمـه
هاجسـي مـن يـوم ماجابلـك مايرضيـنـي
راح مـن عنـدي وهـو دمعـه يغـرق كمـه

الشاعر / محمد العصيمي