ارحبوا ارحبوا ارحبوا
كيفكم ان شاء الله بخير

إليكم ماراق لي



أنـا مانيـب عبـدالله بـدونـك
ولاني حُر إلاّ فـي سجونـك ..!
(أنا العادي) مثل غيري .. ولكن
أصير (المعجزة) لو جيت كونـك
أيَا شعـرٍ عجـزت انّـي أقولـه
تمشّـي فـي شراينـي بهونـك
وعيشي وسْـط خفّاقـي أميـرة
وشيلي وحطّي اللـي يعجبونـك
تَخَاصَم كـلّ أعضائـي عشانـك
يبونك .. ويش بيديني .. يبونك !!
خَذَيتي امْن الزهر أحلى خصالـه
أبَد .. هو من خَذَا عطرك ولونك
ولوّ الرّيـح تـدري فيـك هبّـت
على دربي ، لجل تسرق دخونـك
أحبّك حلْم قاصي .. وان وصلتك
أحبّك حلْم ثاني .. لَجل اصونـك
كذا حالي وانا مجنـون عاشـق
أموت احيا .. إثـارات لشجونـك
واذا تهتي وإنتي فـي ضلوعـي
وَعَدْنا هو وَعَدْنا .. في جفونـك
تَحَسْبينـي إذا حبّيـت (واحـد)؟
أنا ال(واجد) من اللي يعشقونـك
ولو هـو خاننـي تعبيـر قلبـي
أفكّر كيـف (تعبيـري يخونـك)؟
سؤال .. وما أبي منْك الإجابـة:
وش الأحلى عيونك أو عيونـك؟
وش الأجمل جمالك أو جمالـك؟
وش الدنيـا بـلا قمّـة جنونـك
وانـا مانيـب انـا والله بدونـك
ولاني حُر .. إلاّ فـي سجونـك !



</I>

قصيدة رائعه

الأروع تواااجدك حبيبتي
الله يسلم غاليك ومغليكـ..

جميل سهويه
وين الغيبات

اليوم مفتقدك في الواحه

لك ودي ............

ولوّ الرّيـح تـدري فيـك هبّـت
على دربي ، لجل تسرق دخونـك
أحبّك حلْم قاصي .. وان وصلتك
أحبّك حلْم ثاني .. لَجل اصونـك

سهويهـ قصيده جميله وكلماتها رائعه
يعطيكي العافيه على النقل الرائع

أهلا" عديم اليأس
تشرفت بتواجدكـ ياغالي..

قصيده جميله وراائعه صح لسانك ولسان شاعرها
يعطيك العافيه واتمنى لك التوفيق