أبيات أعجبتني تصور واقعنا الحقيقي أحب نقلها لكم

ياحسبي الله عد مارفرف الطير 00 أغنى بلـد بالنفــــط وأكـثر بطـاله ..

المسـأله طالت وتحـتاج تبـرير 00 حق الشعب يسأل وش اللي جراله .

ابن البــلد خضّـار ويبيع جرجير 00 والأجنبـي مــكتب و مـرتاح باله .

لا والــذي زاد المتـاهات تعسـيـر 00 حتى المـوظف ماصفاله حـــلاله.

بين القروض وبين نهـش الهوامير 00 ضاع الضعيف وضيّع السوق ماله

للي حصـل ويصير نحتـاج تفسير 00 نبي حلول الحــــين ماهــيب حاله

لا مانبـي تخــدير نبغاه تغييـــر 00 نبــي الحــقايق تتضــــح والعـــــداله

من منطلق واقع أنا أطلقت تقـرير 00 ولخــادم البيتـــين هذي رســــــاله

أما نعــــــيش بجـــد وبعز وبخـير 00 وإلا نمـوت أبرك من نعيـش عاله


منقول

للشاعر محمد العتيبي

صح لسان الشاعر محمد العتيبي وسلمت يمنيك اخوي عاطل الرياض على النقل الهادف لمعالجة قضية البطالة

وان شاء الله ان الحال يتعدل ويكون المستقبل مشرق وافضل ويوفر لنا فرص كبيرة للعمل . . . بس يكون عندنا امل وقوي بالله سبحانه وتعالى


ويعطيك العافية

عاطل الرياااض
<< كأنك حاس انها توها متمرطه بالشمس


وماحصلت شي ..
الله يعين الجميع ويعزنـــــــااا من عنده

والله يوفقك ع هالرائعــــــــــه

تستاهل الفايف ستار

ههههههههههه

لا تكون القصيدة لي بس

هههههههههههههههههههههه

مشكور على النقل الرائع

والله أنه صدق العتيبي جزاه الله خير على القصيده الطيبه

>> عاطل الرياض <<
اي والله
والله انه صدق
والله انها قصيده بين العيون
صح لسان العتيبي
وتسلم يمينك
على طرحك المستمر المتميز
مبدع يا عاطل في طرحك دائما
تقبل
> تحياتي <
>> عاطل الرياض <<

صح لسانه
حلو الواحد يعبر عن مشاكل مجتمعه بالقصايد

يعطيك العافية

عااااااااطل الرياض

يا لبـــــــى قلبك على النقل الرااائع

لا تحرمنا جديدك يالغالي

دمت بود ,,