المشاركة الأصلية كتبت بواسطة عاطل لا اهمية له

موضوع تشكر عليه يالغالي والله يجعله في موازين حسناتك لكن عندي بعض الاستفسارات

انا موظف في احدى الشركات للتشغيل في مشاريع حكوميه

فصلت بدون سبب بناء على طلب المشرف (المشرف تابع للشركة) المشرف كان يضغط عليه المدير المباشر يقول اكتب فيه ابي افصله لانه كان بيني وبينه عداوه بصفته اجنبي ضغط على المشرف ويوم جبت المشرف عند المدير العام وقلت له المدير المباشر يقول اكتب فيه ابي افصله مع العلم ان المدير المباشر حاول اكثر من 5مرات تم ايقافي عن العمل بناء على طلب المدير المباشر (اجنبي)فتحايل على المشرف وقال اكتب لنا خطاب تبديله فكتب خطاب ويوم جبته عند المدير العام وقلت له المدير المباشر يقول اكتب فيه ابي افصله واعترف المشرف بهذا الشي قال المدير العام هذا ماهو سبب مقنع للمعلومية المدير العام فلسطيني متجنس سعودي (الله لايوفقه لادنيا ولا اخره)

لان عملنا في احدى الدوائر الحكوميه وبالعاده المشرف يكون تابع للوزارة لكن لقلة الموظفين تعيين المشرفين من قبل الشركة

فصلت بسبب الغياب والتاخير (كانت هذي حجتهم عند مكتب العمل) مع العلم ان غياباتي مايقارب 14يوم متقطعه وليست متواصله والمعروف بالنظام ان الغيابات 15يوم متواصله و21متقطعه

مع العلم ان عقدي مع الشركه براتب 3000ريال والعقد بين الشركه وبين الوزارة براتب 4962ريال (مزور فيه توقيعي) مع ان هذا العقد مخبأ وفي ايدي ضالة همها الدنيا ولا اقدر ان احصل عليه

لكن عندما طالبت بحقوقي اللا وهي
1-راتب شهر 8 وهي 10ايام
2-راتب شهر انذار
3-تعويض عن الفصل
4-ادراج اسمي بالتامينات الاجتماعية بأثر رجعي
5-اجازاتي السنوية
6-شهادة خبرة

فعندما طالبه مكتب العمل بهذه الاشياء رفض راتب شهر انذار يقول كيف نعطي راتب شهر انذار وهو مفصول ؟

قاله المحقق والتعويض قال ماله اي تعويض مفصول بسبب غياباته

سأله المحقق عن التامينات قال مسجل بالتامينات مع العلم ان معي برنت بعد فصل ولم ادرج بالتامينات

وعندما سأله عن الاجازات السنوية قال لا يستحق اي اجازة سنوية اللا بعد ان يكمل سنه اي بمعنى بـعد 12شهر من حقه ان ياخذ اجازته اما هو فله 10أشهر ولا يستحق اي يوم من الاجازه

وعندما ساله عن شهادة الخبره رفض قال كيف نعطيه وهو مفصول ؟

هل لي الاحقيه بطلب تعويض عن العقد المزور براتب 4962 مع العلم انني لا املك هذا العقد ويوجد نسخه منه في الوزارة لكن رفضو اعطائي بحجة انها امور سرية ولا يحق لك وان رغبت بالعقد فاذهب للشركة

ابي اعرف وش اسوي الحين اموري متلخبطه والهيئة موعدي معها بعد اربعة اشهر ما الحل ؟

المشاركة الأصلية كتبت بواسطة بوعيون خضر

عفوا بس اذا كان فيه موظف بنك واجبر على الاستقاله هل من الممكن ان يرفع قضيه على البنك علما انه صار له اكثر من سنتين من طلع من العمل
ويعطيك العافيه وشكرا

المشاركة الأصلية كتبت بواسطة عاطل لا اهمية له

يعني في جالسه رابعه ومطوله السالفه ؟



انا الحين ابي اعرف بالنسبه للعقد المزور انا ماعندي شي يثبت بهذا الشي لان وراه ناس اكباريه ولاتخاف الله هل يحق لي المطالبه به او أسكت وارضى بما معي من اثباتات .

المشاركة الأصلية كتبت بواسطة بوعيون خضر

وشلون عندى مايثبت يعنى اوراق والا ايش بالضبط
ويعطيك العافيه