المشكله وش نسوي

ماعندنا مجالات ثانيه نتوظف فيها

مدرسه اهليه وعساها تقبلنا بعد

ما اقول الا يارب سهل امري وجميع المسلمين

انا اشتغل باهلية وماشفت لاظلم ولاهم ولا يحزنون نصابي فالحصص زي المدارس الحكومية واصلا هوا الزامي انه النصاب مايتعدى 24 زية زي الحكومي وانا نصابي ماوصل ال20 بس الدين والعربي الي 22 او23 والله اننا بنعمة بس مو حاسيين فيها
الراتب كان 1500 وصار 2200 مع الموارد البشرية والحمدلله الريحة ولا العدم اخذ 2000 ولا اقعد فالبيت وامد ايدي لغيري وبعدين كل وظيفة وفيها كرف بس تبي الي يستحمل

وعلى قولتكم سويتوا اضراب عندهم اخوانا من الدول العربية مستعدين يتوظفون وباي راتب واصلا معي فالمدرسة موظفات مو سعوديات لانه مالقوا سعوديات لشغل هالوظايف وشغلوهم

والله مافي ظلم احس الوضع عادي زي اي مكان نشتغل فيه ثاني وتدرين عاد انه كثير معلمات معي يفضلون انهم يضلوا اهلي وماينتقلوا حكومي لانهم يشتغلون بإرياحية اكثر عن المدارس الحكومية ومايبغوا الحكومي الا لراتبها بس

قرأت الموضوع اختي ساكوراء ... لكن يظل رأيي كما قلت في جميع الردود
وأظن في اول رد قلت اللي يبغى يدافع عنه نفسه عنده الاعلام
يعني حطيت حل مو بس حكيت وطلعت واللي قرأ ردي كامل بيعرف
وعلى فكرة انا درست بمدرسة أهليه بـ 1800 وجاني كرف ولا قلت بسوي اضراب

عالعموم .. وجهة النظر في قلة رواتب المدارس الأهليه وهذه مشكلة
وحلها ما يكون بمشكلة ... الحل صوتنا لا زم يطلع لو كل يوم نكتب بالجرايد
ترا كثر الدق يفك اللحام ... اكتبوا الموضوع اليوم وارسلوه لي خاص
واليوم الثاني تحصلوه بالجرايد .. أو اذا تسمحون لي اكتبه انا وبكره انزله بحول الله

هذا حل مااظن يضر احد بالعكس يمكن يفيدنا من غير ضرر لأحد

تحياتي للجميع والله يوفقكم

الله يعين فيه ناس تقدر تقاطع بس كمان فيه ناس محتاجة الريال وماتقدر تقاطع
عالعموم انا من زمااااااااااااااان رافضة فكرة التدريس بالمدارس الاهلية

عزيزتي ساكوراء وثوره على المدارس الأهليه.

من وجهة نظري يستحقون من ينتقدهم فهم أكبر إستغلاليين لحاجة البطاله ولله الحمد رغم اني خريجه منذ سبع سنوات الا اني لم أتوظف لديهم لأنهم لا أمان لهم ولا ذمه ومعاملتهم نصب في نصب هذا ما أعرفه عن مدارس مدينتي.

اما التلميذات حدث ولا حرج معظم الفاشلات والوقحات هناك وانواع التطاول على المعلمات والاداره في صف التلميذات وجميع صديقاتي تركن الوظيفه عندهم بسرعه رغم حاجتهن لشهادة الخبره.

الأداره تجني الملايين وتعطي الفتافيت للمعلمات ولكن هل المقاطعه حل؟

لا أظن سوف تأتي سعوديات أخريات محتاجات جداًحتى لو كان الراتب الف ويتوظفن لديهم (ويادار مادخلك شر!).

الشعب معظمه تحت خط الفقر والله المستعان والحل كما أراه وأردده وانا مقتنعه به هو في إنشاء جمعيه لنا تحمي حقوقنا كما ذكرت في موضوعي على هذا الرابط.

https://www.btalah.com/showthread.php?t=87828

هذا هو الحل الوحيد فهل سنتحد لنيل حقوقنا من الجميع؟

طيب يعطيكي العافية ,,اسمحيلي اختلف معك لان لو قاطعناها احسن ما يجي لهم بيدورون على الابو مصرة ويجيبونهم والاجانب عند المدارس الاهلية افضل من السعودي لان الاجنبي ياخذ نصف راتب السعودي ,,الشيء الثاني انه علشان تتوظف في الحكومة لازم يكون عندك شهادة خبرة من شان تزيد عدد نقاطك .
الحل هو: ان تتفق وزارة العمل ووزارة التربية والتعليم على اجبار المدارس على رفع الرواتب والسعودة لان المدرسة اللي انا فيها مثلا فيها 30 مدرس النصف منهم اجانب وعدد الطلاب يتجاوز 500 طالب والرسوم الدراسية 15000ريال للسنة .طيب يقدر انه يوظف بدل الاجانب سعوديين ويرفع الرواتب الى 4000 ريال ,,لكن وين اللي يلزمهم؟؟؟

ربي يعين الجميع

طيب اسمحيلي مرة ثانية : لو تركناها وين نروح ؟ ما أتوقع المقاطعة تنفع وما هي الحل بوجهة نظري ,,لكن أقول المطالبة عن طريق الجرائد ووسائل الاعلام أفضل.
فأنا على سبيل المثال تلتهت على بال ما حصلت مدرسة اهلية,, كل ما قدمت على شركة قالوا وش نبغى فيك ؟ شهادتي بكالوريس لغة عربية ,,وهم صادقين مجالنا هو التعليم ,,أختي ساكوراء نعم للمطالبة وليس المقاطعة لان ما احد يقدر ,,مجبورين عليهم وهم مو مجبورين علينا . والسلام.