لاننا باديه!!

فواز العتيبي · #1 (**permalink**) 23-02-2009, 06:47 PM

شوفوا وش حصل معي اقسم بالله انا توظفت بشركه اتصالات كبيره بالسعوديه وبعد ماداومت حوالي شهر عندهم دخلت على جهاز موارد البشريه بالصدفه شفت سلم الرواتب والله العظيم بيني وبين القهوجي يممكن 500 ريال بس والموظفين رواتب خياليه وانا المفروض امسك منصب لقيتهم حاطين على اصغر وظيفه على الاجازات مع اني مؤهل فورااا تركت الوظيفه وتهاوشت مع مدير الموارد الله لايوفقه

لان الشركات بدات تنظر الى الاسم والفصل والمكان والعنصريه اصبحنا مهمشين في التوظيف ومظطهدين وينظر لنا اننا باديه حتى لو حملنا اعلى المؤهلات والشهادات فاننا لانستحق اي منصب بل اننا نحارب والنظام نظام العمل لايوفر حمايه وكانه ميت ولايوجد به اي مقومات العمل الناجحو والا امن .

فاناوغيري من المؤهلين نهيم على وجهونا ولاحياة لمن تنادي ياوزارة العمل .

فواز العتيبي · #2 (**permalink**) 23-02-2009, 07:31 PM

وين تعليقاتكم

عمو تاج · #3 (**permalink**) 25-02-2009, 12:46 PM

يافواز الله ييسرها لك ولنا
الوضع متدهور
ادعي الله ان يرزقك بأحسن وظيفة واكثر من الاستغفار
حنا بدو حنا عما عين العدو

بقايا عطاله · #4 (**permalink**) 25-02-2009, 01:22 PM

اللي جو من بره واخذو رزق ديرتنا وكمان يقولون انهم سعوديين اصل
نسيوا انهم كانوا يشتغلون في الرز البخاري مخلفات الله يقلعهم

~هوائيه~ · #5 (**permalink**) 25-02-2009, 02:32 PM

ولأننا من أبناء أهل باديه ضاعت حقوقنا!!

للأسف يقول البعض أنهم يضعون أسم العائله بدلاً من القبيله في البطاقه الشخصيه حتى تتيسر أمورهم ولا يجابهوا بالعنصريه قلت سبحان الله بعد ان كان أجدادنا يفخروا بنسبهم وقبيلتهم أصبحنا نتبرىء منها!

كل شيء يمشي بالمحسوبيات وابناء القبائل خارج الحسبه وحتى بعض أبناء القبائل الذين وصلوا الى مراكز عاليه يحاولون التملص من أبناء عمومتهم!

لاحل الا بتطوير أبناء الباديه لأنفسهم والتحلي بالجراءه التي كانت لدى أبائهم وعدم الخنوع لإي شخص مهما كان،وأحيي فيك شجاعتك أخي الكريم نعم نريد وظائف لكن لا نطأطأ رؤوسنا لإي أحد وحتماً سننال حقوقنا بعزه.

واذا أردت حل فالحل ماتصنعه أنت لامايصنعه لك غيرك فحاول ان تصنع معنا الحل.
https://www.btalah.com/showthread.php?t=89187

فواز العتيبي · #6 (**permalink**) 25-02-2009, 10:09 PM

ياعمر الامل بالله والله لو احنا ننتظر حل من وزارة العمل مافيه امل لانهم فاشلين وهاي وجهة نظري

ومشكور ونحن نستغفر ونعتز في انفسنا وحنا من ابناء القبائل والمشكله ماهو فينا في ناس يحسون منا خطر ولدلك يحاربوننا

فواز العتيبي · #7 (**permalink**) 25-02-2009, 10:13 PM

بقايا عاطله لاتقولين الله يلعنهم مايجوز اللعن

بس الحق مو على الي جو من برى الحق على المسؤولين اقسم بالله مهزله

انا ومديري المباشر دخيلوا راتبه 26000الف ريال وانا نفس المؤهل ونفسه بالضبط واستحي اقولكم كم عطونا وربي ولدلك رحت لمدير العمل بالرياض ولالقيته منه الا الفشل

فواز العتيبي · #8 (**permalink**) 25-02-2009, 10:14 PM

عاطله اوافقك بكل كلمه ياسلام عليك

وانا عتيبي ومارح اشيل اسمي قبيلتي من بطاقتي لو الشمس تطلع من المغرب

والخير بيد الله سبحانه تعالي

نايف2020 · #9 (**permalink**) 26-02-2009, 02:19 AM

ونعم فيك وفي لابتك
دون قصور في القبائل الباقية ..
والله وانا اخووك

حتى الدوائر الحكومية وخاصة العسكرية تجد ابناء قبيلة وحدة في مدينة واحدة ..
كل شئ صاار عنصررية وواسطة ..