25-02-2009, 07:51 AM
|
عضو متواصل
|
|
تاريخ التسجيل: Dec 2007
الدولة: ديار العز ديار أبو متعب
المشاركات: 79
معدل تقييم المستوى: 81
|
|
بـه شـاربٍ لازل غالـي ومحشـوم × وبـه شـاربٍ ماهـو بكفـوٍ لتعبـي
صباح / مساء الورد ..
يا صاحبي فالنـاس معطـى ومحـروم × من عاد خلق الله فـي غـزو وسبـي
واليوم نفس الحـال والحكمـه تـدوم × من خالق الدنيا علـى مـا هـو يبـي
الشيخ يبقى شيخ .. حاكـم ومحكـوم × والا الصبي طول الزمن .. يبقى صبي
ولا صرت من ناسٍ يسـدون اللـزوم × لا تنخضـع لاهـل المشالـح والعبـي
ارفـع مقامـك لا تشبـه بالـرخـوم × الطيّب اتعـب معـه والـلاش يهبـي
والناس تعرف كيف توزيـع القسـوم × خـذ مكسبـك وانـا بسنـع مكسبـي
لا تحسبنـي مـن ردييـن الـعـزوم × اللي علـى درب الوفـا تحبـي حبـي
الكسب مـن يمنـاي والعـز محسـوم × والحمـد لله ورث مـن جـدي وابـي
ولا شكيت من الزمـان ابـا الهمـوم × ولا ذرف دمعـي ولا بــل هـدبـي
وماني بطوّف كـل ليـل وكـل يـوم × ايـات كلمـه طايشـه مـن صاحبـي
الاوله مـن صاحبـي عنهـا بشـوم × وماهو على شانه على شـان شنبـي
بـه شـاربٍ لازل غالـي ومحشـوم × وبـه شـاربٍ ماهـو بكفـوٍ لتعبـي
والثانيـه والثالثـه لاجـل السـلـوم × وان طوّلـت بشـب نـاري بحطبـي
يعنـي العلـوم اللـي تقفّاهـا علـوم × تعمي عيوني خـص لا ثـار غضبـي
وما عاد اميّز فالدفـاع مـن الهجـوم × لا جـات كـورة لعبهـم فـي ملعبـي
اشوتهـا قــدام والقـايـم يـقـوم × واليا وصلت الضاميـه قلـت اشربـي
والا انت مدري وش تبيع و وش تسوم × من يوم خليـت الذكـي مثـل الغبـي
راحـت عليـك ام المخابـي والكمـوم × واليعربـي يعـرف كـلام اليعـربـي
واذا بغيـت تعـرف تفسيـر الحلـوم × مسيلمـه كـذاب .. ومحمـد نـبـي
دمتم في حفظ الرحمن
الشـاعـر:مـبـارك آل خـلـيـفـه
|
العرض الشجري
