الضب الاسطوره



الله من ضب ٍ لقيته وانا ارميه
ضب ٍ كبير وعكرته حول مترين
ثلاث طلقات ٍ على الراس معطيه
مامات حتى فيه فرغّت مشطين
ضب ٍ من الربله كبار ٍ علابيه
جحره كبير ٍياعرب بين خطين
كل العرب تسمع بذكره وطاريه
واظن عمره زايد ٍ فوق تسعين
بلشت في شيله وازريت اذكيه
عرد اللحم دقّم عليّ السكاكين
ماينشوي بالنار لو جيت ابشويه
ولاينطبخ بالقدر لو يقعد اسنين
وقفت افكر يابدر وين اوديه
مصيبة ٍ ياناس.. يشبع هل الصين
اثره تمساح ٍ وانا غادي ٍ فيه
امه مكون وجده العود تنين






النامس


ياليتني نامس واقرصك لانمت
وامص دمك يالغضي مص سن توب
أقرصك بالليل وانحاش لاقمت
وليا رجعت لنومك اجيك ماتوب
ازن فإذنك زن ما حاصل ٍ صمت
واجر موالي على كل مسحوب
مقدر على بعدك على دمك ادمنت
انا اشهد انه عندي الذ مشروب











قوم بطات



عطله فراغ وقلت:بتعلم أكلات
وهذا كتاب الطبخ عندي بجزئين
أبي يحَطْ إسمي ضمن قوم جيّدات
لأني زهقت إسمي ضمن قوم حلوين
لأن الذكا دايم ملازم لسحتات
والا الغبا أبرز صفات المزايين
سويت شكشـوكة وحمسه.. سهالات
لكن: كسرت قلاص..وخمسة مواعين
ومرت ثلاث شهور وجت الدوامات
وطبخي أكلته زين والا مهو بـ زين
ويومي وعيت ..أسمي ضمن قوم بطات!
وملاحظة "رفلة" ومن تحـت خطين





مسكين يا عقد



مسكين ياعقد على عنق شينه
وجه(ن) غبر دمّر وهـج عقد الألماس
وين الهبيل اللي تبي تفتنينه
والله يا لولا العقد لاقول: عباس !!






كيس فشفاش








قرمَشت قلبي قرمَشَة كيس فشفاش
بيديـن طفله عـاجـزه لاتفكّـه
مستانسه تضحك على طاش ماطاش
والكيس بيديها بقوّه تحكّه
من بين اصابعها يخرفـش تخرفـاش
وبسنونهـا تضغـط عليه وتمكّـه
خلّيت قلبي بيـن سَنتَر وقشاش
وإستبدل النبضه برجفه وعَكَّـه




التمني



ليتني طفل صغير كل همي لعبتي
أبكي عشان العصير والكيك يرجع ضحكتي




فيروس حب



قلبي يبيلـه يامخاليـق أب ديـت
كـل البرامـج عجـزن يحدثنّـه
لامن بغيت أفرمتـه قـال ياليـت
تطلع رساله تشتكـي لـي بونّـه
فيروس حب بوسط قلبي بنا بيـت
داعب جـروح القلـب ويداعبنّـه
لو جاء مع الايميل ماكنت رديـت
وكان المشاعر يعرفـن يرفضنّـه
جاني تسوقه لي صواديف ورضيت
واستسلمن عواطفي واقبلنّه
أبغى كراك يفتت القلب تفتيت
أو نورتن يمسح جـروح طونّـه





في خبر كانا



ان العيون اللتي في طرفها حـورن
خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله
لـن تبلغ المـجـد حتي يجيك ماجـانا
فـان رأيـت نـيـوب الليث بارزةً
وحدتـْك الأيـام دورنا وتلقانا

[align=left]

[align=center]

منقول..
[/align]
[/align]

اخوي ابو ترمس ...

صراااااااااااااااااااحه مت ضحك ..

ابيات كذاا غيرت لي الجو اللي انا فيه ..

تسلم هالانامل اللي انقلت لنا الابياااات

ههههههههههههههههههههههههههههههه هههههه هه ها هاي هاي هاي
كلها كوم وهاذي كوم لحالها:

ان العيون اللتي في طرفها حـورن
خـلـت عيـال الحـمـايل في خبـر كـانـا
لاتحسـب المـجـد تمـراً آنـت آكـله
لـن تبلغ المـجـد حتي يجيك ماجـانا
فـان رأيـت نـيـوب الليث بارزةً
وحدتـْك الأيـام دورنا وتلقانا
الله يعطيك العافية يامشرفنا

[IMG]http://alzezavon.******.com/SahLsanek.gif[/IMG]
تشكرعلى الكوميديا الحلو الي تضحك

هههههههههههههههههههههههههههههههه

وخصوصن ابيات النامس

الله يرج ابليسك هههههههههههههههههههه

لك ودي ...........