قصيده للشاعر محمد الدسم الدوامي السبيعي العنزي يوصي اخوه أبو زعزوع وهي من
اجمل القصائد بالنصائح وتسمى ام النصائح وهي طويله
ارجو ان تنال اعجابكم



يا خوي لك عندي وصاة مصيبــــــه
،،،،،،،،،،،،،،،،،،،،،،،،،،خذلك وصاة تلمس العقل وتصيـــب
ترى وصاة أخوك مابه معيبــــــــــه
،،،،،،،،،،،،،،،،،،،،،،،،،،لا صار أخوك مكمل العقل ومنيـــب
أخاف اموت ولا ضلال تجيبــــــــه
،،،،،،،،،،،،،،،،،،،،،،،،،،توزي لضيقات الدروب الضنابيـــب
حيث الليالي ما تعلم بغيبـــــــــــــه
،،،،،،،،،،،،،،،،،،،،،،،،،،ولا يعلم الا صاحب العلم والغيـــــب
ودي تحرص عن بلاد كل ويبــــه
،،،،،،،،،،،،،،،،،،،،،،،،،،ويصير بك عرف وكمال وتأديــــــب
والا المقدر صار ما ينحكيبــــــه
،،،،،،،،،،،،،،،،،،،،،،،،،،ولا ينمحي هذا من الله مكاتيــــــــب
افهم وصاتي كان قلبك يصيبــه
،،،،،،،،،،،،،،،،،،،،،،،،،،تطلعك من كل الامور الحراديــــــب
أول وصاتي بالفروض الاديبـــه
،،،،،،،،،،،،،،،،،،،،،،،،،،صوم وصلاة وعدهم بالمواجيــــــب
وثاني وصاتي للامور الصعيبـــه
،،،،،،،،،،،،،،،،،،،،،،،،،،أحرص عليها قبل هون وتصعيـــب
جر عبيله ما يكلف طبيبــــــــه
،،،،،،،،،،،،،،،،،،،،،،،،،،ولا شي الا ماضيا له تجاريـــــــب
وثالث وصاتي تلعة ينعدى بــــه
،،،،،،،،،،،،،،،،،،،،،،،،،،تلقى عليها بينات المساريـــــــــب
واللي عداية ذيب من بطن ذيبـــه
،،،،،،،،،،،،،،،،،،،،،،،،،،ولا واحد عدى بها غير هو ذيـــب
ترى هذاك العرف من غير ريبــه
،،،،،،،،،،،،،،،،،،،،،،،،،،راعيه لايطلب ولا له مطاليـــــب
ورابع وصاتي كثرة الهرج خيبــه
،،،،،،،،،،،،،،،،،،،،،،،،،،هرج بلا معناه مسموج ويخيــــب
لاصار ما عندك علوم غريبــــه
،،،،،،،،،،،،،،،،،،،،،،،،،،بين الرجال ترتب الهرج ترتيـب
وخامس وصاتي خفة الرجل عيبـه
،،،،،،،،،،،،،،،،،،،،،،،،،،من راكض الفرقان يركض له العيـب
لا صار ما تنحر لزوم تجيبــــــه
،،،،،،،،،،،،،،،،،،،،،،،،،،تنحر غرضك ان كان ماجاك وتجيـب
وسادس وصاتي لك معزة وهيبــــه
،،،،،،،،،،،،،،،،،،،،،،،،،،عليك بسفن البر حرش العراقيـــــب
ولا يعجبك الزبد هو والرويبـــه
،،،،،،،،،،،،،،،،،،،،،،،،،،ترغب لحوش الضان وتخلي النيــب
راعي الغنم يشيب من قبل شيبـــه
،،،،،،،،،،،،،،،،،،،،،،،،،،والبل معزه تجلي الهم والشيـــــــــب
الى أشهلب الوقت لو هو حليبــــه
،،،،،،،،،،،،،،،،،،،،،،،،،،يوصلك لديار الهناء والتعاجيــــــــب
وسابع وصاتي كان صابتك سيبـــه
،،،،،،،،،،،،،،،،،،،،،،،،،،تقدر على كثر الثمن والمطاليــــــب
بنت الحمولة والاصيل العريبـــه
،،،،،،،،،،،،،،،،،،،،،،،،،،اللي قناهن ذاق لذة وترغيـــــــــب
واللي قنا بنت الردى والهليبـــه
،،،،،،،،،،،،،،،،،،،،،،،،،،أصبح بهم وجنب الربح تجنيــــب
والعجز يرث لك مذله وخيبــه
،،،،،،،،،،،،،،،،،،،،اردى الرجال اللي يذمونه السيـــــــب
عليك بالسقمة ولو هي تعيبـــه
،،،،،،،،،،،،،،،،،،،،،،،،،،ما دام بك حيل تنط المراقيــــــب
ترى كثير المال كلن حبيبــه
،،،،،،،،،،،،،،،،،،،،،،،،،،ويقال له فت جاي لو مافعل طيـــب
والا قليل المال شنا أرويبـــه
،،،،،،،،،،،،،،،،،،،،،،،،،،لو كان طيب يكثرن به عذاريـــــــب
وثامن وصاتي شرها ينحري بـه
،،،،،،،،،،،،،،،،،،،،،،،،،،ترى الدروب الفاسدة ما بها طيـــب
درب الزنا والعايزة والقريبــه
،،،،،،،،،،،،،،،،،،،،،،،،،،أحذر هذيلن من كبار العذاريـــــب
ثنتين من داخى عليهم احكي بـه
،،،،،،،،،،،،،،،،،،،،،،،،،،مداخي على وجهه تعيبه معاييـب
مداخي على عرضه مثل شق جيبـه
،،،،،،،،،،،،،،،،،،،،،،،،،،علم يبين من أذان الاعاريــــــب
وتاسع وصاتي عن مناقر شريبــه
،،،،،،،،،،،،،،،،،،،،،،،،،،الى صار ماهو من وساع المشايـب
خله ويلقى بالموارد لعيبــــــــــه
،،،،،،،،،،،،،،،،،،،،،،،،،،عند الظوامي يكثرون الواعيـــــــب
ومن دور العيلات غربل نصيبـــه
،،،،،،،،،،،،،،،،،،،،،،،،،،أحسب حسابه من حساب المذاهيــب
ومن جنّب الشيطان حقه غديبــه
،،،،،،،،،،،،،،،،،،،،،،،،،،ومن هاب طبات الملاعب ما هيـــب
عن واحد يبلاك أو تبتلي بـــــه
،،،،،،،،،،،،،،،،،،،،،،،،،،ينهج حديكم يم دار الاجانيــــــــب
وعاشر وصاتي الى صارت مصيبـــه
،،،،،،،،،،،،،،،،،،،،،،،،،،وبلاك ربك وابتلوك المغاضيـــب
أحذر تمضي ما تسمى غليبــــه
،،،،،،،،،،،،،،،،،،،،،،،،،،امض وتبين عن الحاق المشاعيــب
وازبن على حصن الرجال الصليبـــه
،،،،،،،،،،،،،،،،،،،،،،،،،،عدك بعيطا عن سموم اللواهيـــب
ومن غيرها عندي وصايا عجيبــــه
،،،،،،،،،،،،،،،،،،،،،،،،،،لافكر الفاهم يصيب المتاريـــب
والكل منهن يوم تفطن صعيبـه
،،،،،،،،،،،،،،،،،،،،،،،،،،والكل منهن يلحقنك مشاعيــب
الضيف ضيف الله وصابه حبيبه
،،،،،،،،،،،،،،،،،،،،،،،،،،استقبل ضيفك في تهل ٍ وترحيب
قلط له الميسور وماهان جيبـه
،،،،،،،،،،،،،،،،،،،،،،،،،،واحلف على الماجود دين المعازيـب
وخويك اللي بالخلا تبتلي بــه
،،،،،،،،،،،،،،،،،،،،،،،،،،خيال والا فوق عوج المصاليــــــب
أو راجلا حفيان ماله نجيبـه
،،،،،،،،،،،،،،،،،،،،،،،،،،أو عورة يبلي بها عالم الغيــــــــب
اصبر وراعي الصبر محمود طيبـه
،،،،،،،،،،،،،،،،،،،،،،،،،،عند الذي يبي الفخر والمراتيـــــب
وقصيرك اللي مايصيبك يصيبـــه
،،،،،،،،،،،،،،،،،،،،،،،،،،وصابه الله لا تحسف به الطيـــب
حقه عليك تزود القدر هيبـــــــه
،،،،،،،،،،،،،،،،،،،،،،،،،،الى مايروح بزود حشمة وتوجيـب
وراعي الجدى حق الردى مايصيبـه
،،،،،،،،،،،،،،،،،،،،،،،،،،ومن لاعرض جنبه على الطعن ما صيب
الشيوخ والحكام زمل منيبــه
،،،،،،،،،،،،،،،،،،،،،،،،،،فيهم عمار وقضي لازم وتخــــــــــريب
ما ينومن من شأن منهم حليبـه
،،،،،،،،،،،،،،،،،،،،،،،،،،عقب الصداقة ينقلب كنه الذيــــــــــب
أهل خفايا وغيبهم ما دري بـــه
،،،،،،،،،،،،،،،،،،،،،،،،،،يتحدرجون بدون عذر وتذنيــــــــــب
عشرانهم هل العلوم العجيبــه
،،،،،،،،،،،،،،،،،،،،،،،،،،وصدقانهم مروين حد المغاليــــــــب
الى صار ما حدا الثلاثة تجيبـه
،،،،،،،،،،،،،،،،،،،،،،،،،،مالك بهم والدرب شرق وتغريــــب
خويهم ما يشتهي نفض جيبـه
،،،،،،،،،،،،،،،،،،،،،،،،،،حكاي وجهين يقص العراقيــــب
هذي يودها وهاذي يجيبـــه
،،،،،،،،،،،،،،،،،،،،،،،،،،وهاذي يسويها بصدق ٍ وتكذيــب
واللي حكي بين الصحيب وصحيبـه
،،،،،،،،،،،،،،،،،،،،،،،،،،مخرب ويخرب بين ناس ٍ اصاحيب
وسوالفه دايم نميمة وغيبـــــــــه
،،،،،،،،،،،،،،،،،،،،،،،،،،ولا يستحي من كلمة الكذب والعيـــب
راعي النقيلي لا توارد قليبــــه
،،،،،،،،،،،،،،،،،،،،،،،،،،اموارده ما يبهج القلب ويثيــــــــــب
هذاك لاتنزل جوانب شعيبـــه
،،،،،،،،،،،،،،،،،،،،،،،،،،بالك تحطه يابو زعزوع بالجيـــــب