01-03-2009, 11:41 PM
|
 |
|
|
تاريخ التسجيل: Dec 2008
المشاركات: 3,649
معدل تقييم المستوى: 214929
|
|
|
كــــــم من غشـــيم تحطـــه في حبــايلــها
السلام عليكم ورحمة الله وبركاته
قصيدة اعجبتني تتكلم عن حال الدنيا للشاعر فلاح بن مرشد بن خلف الزراقي العتيبي ..... راجية ان تنال رضاكم واستحسانكم
إن كان عندك علوم اجداد لي قلهـا
الزين والشين عندي كلهـا عـادي
هذى حياتي وعارفهـا مـن أولهـا
عرفت طعم العنا من يـوم ميـلادي
عوجة زماني ليـا حاولـت أعدلهـا
يجي بدلها ليا التعديـل مـا فـادي
وإن جيت أبدل حياتي كيـف أبدلهـا
قد راحت أولوفها عشـرات آحـادي
فكـرت بالعقـل أطلعهـا و أنزلهـا
ولين ما فيه غير الصبـر ميعـادي
لي سيـرة لـو أسجلهـا وأفصلهـا
تملا دواوين من طعـم العنـا زادي
ماهي على مسرح التمثيـل أمثلهـا
و لا هي بلعبة جرت في ملعب النادي
دنيـا دنيـة نطاردهـا و نشتلـهـا
واللي غدت به ترى ما عنه نشادي
و أحيان نمشي شويـه ونتحايلهـا
و هيه تربص بنا في كل مرصـادي
و كم واحد مـع طرفهـا و يتغفلهـا
فرصة و لن روحت مافيه معـوادي
يجي على غفلـة الدنيـا و يختلهـا
إيقال صيدة و هو رامـي وصيـادي
وكم من غشيم تحطه فـي حبايلهـا
و يصير فالحبل مربـوط و منقـادي
أحد(ن) ورى لقمته يسعى وياكلهـا
وأحدعلى نار من قو اللهب جـادي
وأحد(ن) تصل لقمته قـدام ياصلهـا
تجيه قـدام لا يقطـع لهـا الـوادي
و أحد(ن) تعب خلفها عيا يحصلهـا
و ليا قربهـا لياهـا مبعـدة غـادي
وأنا تغربلـت فيهـا مـن غلايلهـا
لكن مخفي الهموم اجموع وأفـرادي
هذي همومـي وبصبـر و أتحملهـا
من كثرها مالها محصـي وعـدادي
قصة طويلـة و لا تحتـاج أطولهـا
دونت تاريخها هجـري و ميـلادي
|
العرض الشجري
