السلام عليكوو

ازيكوو

هالموضوع هديه مني لعيالي الغالين على قلبي
اللي هم
( راشد عبد الرحيم تيسير ومالك وصاحب وياسر ومحمد وحسين وعبد الغني وسلطان وفاديه ورهام ونجود وغزيل )

8
8
8

كاتب اسماء عيالي في الملاحضات عشان اذا تزوجت اسميهم بهالاسماء وماأنسى >>


وبعد اهدي هالموضوع لهالاعضاء

( الا يا وقت ومره فاضيه وشبيه نفسه ووزير البطالة والخرج دايت والعاطلات الثلاث وديزن قيرل والمتحسر وتووتي عاطل الرياض وكلبو الاعضاء >> لا بالله )



8
8
8

ماحط هالاسماء عبث >> فكر فكر كروي >> يبيهم يردون



(همسه في آذانكم الصغنطوطه // هالموضوع قد نزلته في منتدى واحد فقط لاغير وابشركم المنتدى خرررب ومعاد يفتح عشان تسذا نزلته هينا يعني الموضوع حصرري الا شوي )

(همسه آخرى في آذانكم القرنفليه >> لحد يسئل وش معناها ترى مدري
السالفه حقيقيه 100 في الـ 100 )



نبدا في الموضوع دغري >>>
تخيـــــــــــــــــــل



آآآآآآآآآآآآهـ وآآآآآآآآآآآآآآآآهـ >> موسيقى حزينه >> يبيهم يخشون جو


وش احسن من كلمة تخيل <<< برا



المهم المهم تدرون انا من يومني صف رابع ابتدائي وانا أتخيل انا واخوي <<< مع بعظ


تخيلوا

نجلس بالساعات نسولف عن اشياء تسذب

ونسهر في الليل وسوووواليف الين ثنتين ونص

عمركم شفتوا مبزره يسولفون

وقسم بالله مالعب عليكم

انا كنت صف رابع

واخوي صف ثاني ابتدائي

تخليوا في السياره وفي البيت وفي كل محل نسووولف



اتحداكم سوالفنا وشلووون

كلها نصب في نصب وندري اننا ننصب على بعظ بس نسلك لبعظ هههههه

تدرون وش كنا نقووول

بقولكم السالفه من البدايه

كنت

أقول لاخوي ترى انا اهلي ذوولي مهوب اهلي انا اهلي ناس ثانين

ويقووم هو ويفقش نفس الفقشه قال حتى انا اهلي ناس ثانين

قلت انا اهلي يوم جابتني امي الصدقيه تغالطت هي وامي ذي الكذبيه وخذتني ذي

قال اها <<< يسلك لي

وسكت شوي

وقال حتى انا مثلك <<< والله النشبه


الموووهم اني انا واخوي رحنا للبقاله وحنا نمشي مرة سيارة لكزس وفيها رجالين قعدوا يناضروني انا واخوي وقعد يقول مع السلامه لنا


قلت لاخوي ترى هذوولي الثنين اخواني الصدقين هناااك

قال نصاب اصلا يقولون لي انا مع السلامه

قلت والله لو تنقز ماتاخذهم انا حجزتهم قبلك

قال طيب وشسمهم

قلت واحد اسمه فهد وواحد اسمه فيصل <<< مسميهم على اسماء اصدقاي

المهم

جاء مره وطلعنا حنا واهلي وشفنا بــــــــيت كبيرررررررررر مررررررره ويهبل ايهبل الضاهر انه خمسة اراضي مع بعظ هع << بيتصفق


المهم قلت لاخوي شفت البيت هذا قال ايه قلت هذا بيتنا

قال ايه مهوب زين

قال اصبر اصبر انا بوريك بيتنا

وشوي مرينا على بيت زين بعد قال هذا بيتنا

قلت ايه مهوب ازين من بيتنا

المهم رجعنا للبيت

وشغلنا التلفزيون

وكنا نشوف مسلسل الرجل الاخر حق نور الشريف وميرفت امين تذكرونه

الموهم طلعت ميرفت امين

قلت لاخوي شفت هذي قال ايه قلت ترى هذي امي <<< كانت معجبتني منول

قال وعععع مصريه

قلت لا هي سعوديه بس مسويه تكلم مصري

قلت بعدين لايفوتك قاصه شعرها كبوريا مهوب مثل امي ذي الكذبيه << نكر عليها

عاد حسيت ان اخوي بيقلدني وبيختار ام له

شوي طلعت بنت ميرفت امين في المسلسل ذيــك اللي اسمها منار

قال هذي امي

قلت ويـــــــــن ذي صغيرررره ماتصلح تصير امك

قال ماعلي هذي امي

قلت والله ماتاخذها لو تموت

هذي بنت امي يعني اختي دور غيرها بس

المهم جت هووووشه ومطاقه بيني انا وياهـ عشان منار وفي النهايه كسبت الجوله وصارت اختي

عاد هو عصصصب وراح

شوي مادريت الا هو جايب صورة الصبغه ذيك

تعرفون الصبغات حقت الحريم صحح يحطون صورة حرمه شعرها احمر ولا اصفر على حسب الصبغه

الموهم جابها وقال شف شف هاذي امي

واقعد اناضر لين امه وش زينها

وطقتني الغيرهـ عاد

قلت لا اصلا هذي امريكيه

قال ايه ايه ابوي متزوجها وهي امريكيه

عاد انقهرت ونكرت على ميرفت امين صارت مهيب زينه عند أم اخوي الامريكيه

واقعد افكر وافكر

المهم جاء مره ورحنا لبنده

وانا اروووح عند الصبغااات واقعد ادور وادور ولقيت أم اخوي صافه معهم وانا اقووم والقا لي وحده احسن من ام اخوووي شعرها اصفررر


وانا ارووح انقز لاخوووي قلت تعال تعال بوريك شي

واجيبه عند الصبغات قلت شفت هذي قال ايه قلت هذي امي

قال انت كم عندك ام

قلت لا لا هذيك المصريه مهيب امي

هذي امي الصدقيه

قال ياشين التقليد

عاد سفهته

الموهم رجعنا للبيت وجت الإعلانات اللي في القناة الاولى ويطلعلكم ذاك الرجال اللي يعلن في شاهي ربيع المزيون <<< اتحداكم تذكرونه

قلت لاخووي شف شف هذا تراه اخووووي

ويخلص الاعلان ويجي اعلان ثاني حق شامبو وقال اخوي شفت هذي تراها اختي

شعرها نااااااعم صححح

قلت يعني مهوب مره <<< منقهر

قال دايم في البيت اذا جاء هوا يطيررر شعرررها

قلت حتى انا خواتي كذا

قال لا اختي هذي يطير شعرها دايم حتى بدون هوا <<< جنيه صارت هع

قلت طيب بشر امك هع

الموهم

وجاء مره وانا اتقلب في الليل وماجاني النوم

قلت لاخوي انت وشسم اخوانك ووش اسم خواتك الصدقيين اللي عايشين في ذاك البيت اللي وريتني اياهـ

قال

اسم ابوي صالح <<< ايووووا

واخواني اسمائهم نايف وأسامه و و و ... الخ

اخوانه حوول عشرررهـ

وخواتي اسمائهم سناء وابتهال و و و ... الخ

حول عشر بعد

قلت ترى اسم اسامه حق زيود قال وش دراك قلت لا بس صديقي زيدي واسمه اسامه

قال خلاص خلاص بغيرهـ

قلت هو على كيفك

مافيه تغيير

واسم ابوك صالح وععع

قال تكفا تكفا بغير اسمائهم قلت لااااااااااااااا


قال طيب انت قلي اسماء اخوانك

قلت اخووي الكبير اسمه فواز هذا اللي في شاهي ربيع

قال اها

قلت والثاني اسمه فيصل

والثالث اسمه فهد

قال وابوك وشسمه قلت اسمه عبد العزيز

قال وامك وشسمها قلت اسمها ميرفت هع

قال هماك غيرت امك

قلت طيب داري

بس هذيك اللي في الصبغه بعد اسمها ميرفت <<< معجبه الاسم


قال طيب وخواتك وش اسمائهم

قلت الكبيره اسمها امل واللي اصغر اسمها رنا و و و .... الخ <<< حول عشرين وحدهـ مهوب عشر


قال طيب سولفلي عنهم

قلت شفت اخواني فواز وفيصل وفهد كلهم كباااار

فواز متزوج بس مايجيب عيال <<< عقيم

وفيصل وفهد مهوب متزوجين

قلت اتحداك من اقوى واحد فيهم قال من

قلت فهــد اقوى واحد

يصفق فيصل وفواز مع انهم اكبر منه

قال يوووه

قلت ايه هو معه الحزام الاسود وداخل الكونغ فو

قال يوووووووه

قلت لو يلمسك بيدهـ لمسه خفيفه مت

قال اووما عاااد
قلت وشفيك انت كونغ فوو هو

المهم انه ماصدق انه لالمسني اموت

قال اندزلع بس يالنصاب <<< وهي وقفت على كذا

قلت وانت مصدق انه لالمسك تمووت لا لا ألعب عليك بس أبغى أخوفك << يرقع

قال ايه والله اني كنت حاس <<< اوووم السباكه

قلت اتحداك وش سيارته

قال وشهي

قلت شبح

قال نصاب شايفه على لكزس قلت لا لا هذي سيارة اخوي فيصل

قلت تدري ان بيتنا في وسطه مسبـح

قال حتى حنا

قلت ممنوع التقليد

قال الا الا تكفا

قلت تبغا يصير عندكم مسبح قال ايه ايه

قلت عطني اختك ذيييك اللي في الاعلانات اللي شعرها يطير في الهوا ويصير عندك مسبح

قال لا ماقدر ماقدر

قلت اجل تبطي يصير عندكم مسبح

قال خلاص من زين المسبح

قال حنا ماعندنا مسبح بس عندنا ملعب كورهـ في بيتنا

قلت خلاص خلاص انتم عندكم مسبح وملعب كوره

وحنا عندنا مسبح وملعب كوره

قال خلاص

قلت حنا عندنا 8 كور في البيت

قال وييييييييين شوي

قال حنا عندنا حول ألف كوره

قلت بلا نصب بس

قل الصدق

قال مدري ماعديتهم بس يمكنهم عشر ولا عشرين حولها

قلت حنا ثمان كور وفي كوره مسطحه في السطح من كثر مانمزعها عالي تسطح في السطح

قال يعني تسع

قلت لا وين اكثر اكثر


... المووووووووووووووووهم انواع الفقشات طووول الليل




وترتفع اصواتنا مره نضحك ومره نتطااااق

وما نرقد الا اذا طلع ابووي علينا بالخيزرانه ومحطنا ليــــــن نصيـــح ونرقد

عاد مره طقنا ابوي وقعدنا نصيح

ابوي يقول انتم طلاب مدارس فيه طلاب يرقدون 2 في الليل وانواع التلشيط بالخيزرانه

عاد يوم خلص ابوي من تلشيطنا وراح لغرفته

وحنا نصيح ونبكي من كثر الطق اللي جانا

قلت لاخوي انا ابوي ذاك الصدقي ماعنده خيزرانه ولا يعرف شي اسمه خيزرانه

قال حتى حنا

قلت اصلا ابوي ذا يطقنا عشانه مهوب ابونا الصدقي <<< كذب كذبه وصدقها

قال ايه والله

الموهم وقعدنا نسولف ونضحك وطلع ابوي مره ثانيه علينا وتلشييييط بالخيزرانه ويقوم وياخذ اخووي ويرقده معه في غرفته ويخليني لحالي

وعاد انواع التفكير

لحالي افكر اني اسبح في المسبح وافكر وافكر وافكر

اني اتطاق انا وولد ويجي اخوي فهد ويفزع معي ويحط وجه اللي اتطاق انا وياه في التراب

وأقعد اضحك صدق وأغشى من الضحك

وافكر واضحك وافكر واضحك

ويقووم ويطلع علي ابووووي ويمرررررررغني ويمررررررررغني

يقول انت خبل تضحك لحالك

ويقوم يسحبني مع اذاني ويرقدني في غرفته واجي وارقد جمب اخووي في الارض واقوم واطقه بخفيف ويقوم ويفتح عيونه قلت بصووت خفييييف جاك النوم قال لا

قلت حتى انا

قلت وش تسوي قال قاعد افكر متى ارجع لاأهلي الصدقيين

قلت اها

قلت انا اهلي احلى من اهلك

قال تخسى

واقوم وامعط شعره من شوشته

قال

آآآآآآآآآآي

ويقوم ابوي ويصفقني ويصفقني لين بغيت اموووت

وعااااااد رقدت


وجاء بكرررره وبعده وبعده وبعد سنه وسنتين وحنا نسووولف عن ذاك البيت يوميا في الليل

وكل ماشفنا واحد او وحده معجبينا اخترناهم

والله مابقينا احد الا اخترناه

المهم اكمل لكم

جاء يوم من الايام وجت مسلسل الرجل الاخر وجت الحلقه اللي ميرفت امين تسطر نور الشريف كف

والله واعجبتني يوم تسطره كف

قلت لاخووي شف امي قووويه

قال هماها مهيب امك

هما امك ذيك اللي في الصبغه

قلت وانت وش حارك اللي في الصبغه امي وهذي بعد امي

قال انت كم عندك ام

قلت ثنتين عندك مانع

قال اشلون

قلت عادي اصلا

صديقي عنده ثنتين امين

قال صدق قلت ايه

قال خلاص انا بختار ام ثانيه

قلت ممنوع التقليد

قال تكفى تكفى

قلت لاااااااااااااااااااااااااااااااااااااااا

الموهم خلصت المسلسله << هع

وجاء مسلسل ثاني كويتي اسمه دروب الشك
الموووهم

وعاد انواع الاختيارات فيه

طلع حسين المنصور مررره وقلت لاخوي شفت هذا قال ايه قلت هذا نسيبي زوج اختي <<< من زينه الله يحوم تسبدي

قال اخوووي والله يضحك نسيبك مملوووح

قلت ايه ايه

قال طيب متزوج اي وحده من خواتك

قلت متزوج زهره الخرجي

قال معجل صارت اختك

قلت خلاص هي اختي وهو زوجها <<< وع منهم الله يحوم تسبد ابليسي


وعاد اذكر عندهم بنت صغيررررررهـ سبهه اسمها ديما

قلت هذي بنت زهره الخرجي وبنت حسين المنصور

قال اخوي يعععع سبهه

قلت ايه سبهه بس تراها تموت من الضحك <<< والله ماضنيت ورا ذاك الوجه ملح

قلت تصدق مره دخلت البقاله انا وديما

قال اخووووي ياااااشين التلصق

قلت كل تراب انا خالها هي بنت اختي

قال كمل كمل

واكمل له السالفه واقول مره دخلنا البقاله وشرينا بساكيت ومدري ويش <<< الموهم ان السالفه بايخه

بس قايل السالفه عشان اني رايح انا وديما للبقاله

قال اخوووي يااااااااسمجك تلزق في ديما

قلت بنت اختي واتلزق فيها على كيفي


شوي جت امي

قال يمه ترى متعب يحب ديما

قالت امي من ديما

قال هذي اللي في التمثليه

قالت امي عيييييييييييييييييييييييييييييب عليك

قلت اصلا هي بنت اختي

امي انلحست قالت وشهوووو

قلت ياليل مطولك وانتي وش بيفهمتس

الموهم امي سحبت علينا

واقوم وامسك اخوي وقلت ليش تقول لامي

قال بكيفي

قلت اجل انقلع لاعاد تسولف معي ولا اسولف معك

قال خلاص خلاص اخر مره

قلت خلاص اجل السوالف اللي اقولك اياها هذي لعاد تسووولف فيها لاي واحد في العالم

قال خلاص

المهم شفتوا زهره الخرجي جاء مررره وهي في المسلسل تتعاطى مخدرات

وقال اخووي يوووهـ اختك داااشره

قلت لا لا وانت مصدق انها اختي

امزح معك

مهيب اختي ولا شي

قال اجل منهي اختك زوجت حسين المنصور

قلت عبير احمد هي زوجته

قال ومن متى هي اختك

قلت خلاص هلحين صارت اختي


المووهم جاء مررره وسيرنا على عماني كان عندهم عزيمه كبيرررره

واخوي رايح يتكي عند الحريم هو ووجهه

وانا مسوي رجال عند الريجيل

شوي مادريت الا اخوي يناديني وجيته وقال تعال بوريك خواتي

قلت اي خوات قال خواتي ذوووليك اللي في ذاك البيت

قلت اها

ونقوم وندخل عند الحريم ويقوم ويورينا انواع الحريم هذي اخته الكبيره وهذي اللي اصغر وهذي وهذي

قلت لحضه شفت هذيك الحرمه ام شعر اسود قال وشفيها قلت هذي زوجة اخوي فواز اللي ماتجيب عيال

قال هذي انا جاي بختارها تصير اختي قلت ماعلي منك سبقتك

الموهم حنا نأشر على الحرمه قعدت تناضرنا وتضحك

قلت شفت انها تعرفني حتى تضحك معي

قال اخوي حتتى انا تضحك معي

قلت لاا

وبعدين خواتك وراهم مايضحكون معك

قال هم نسوووني

قلت ايه دليل انهم مهوب خواتك

قال الا الا

عاد وحده من خواته طلعت تغسل قال مشينا مشينا

ونقوم ونلحقها ويجي عندها اخووي ويقعد يضحك وقعدت تضحك معه وقالت وشسمك قال عبووودي << يدلع نفسه من زينه

وانا كنت اشوفه من بعيد

شوي ويجيني طاير من الفرحه قال شفت انها تعرفني

قلت وش قالتلك

قال قالت لي ليش ماتسير علينا وتسكن عندنا

واقوم واطقه على راسه قلت بلاش نصب يالنصاااب

اصلا سمعت وش تقووول


....

المووووووووووهم





اقولكم والله انا جلسنا سنتين أو اكثر وحنا على هالفقش

بس وقسم بالله احلى سنتين يمكن عشتها في حياتي احسسس مافيها طفشششش


انواع السوالف انا واخوي اربعه وعشرين ساعه






والله سوالف واااااااااجد بس ماأذكرها



الموهم الموهم اني تعبت وخلصت السولافه وملصت

ويله مع السلامه

ياويل قلبك يالعاطلات ,,, قسم بالله عجزت اكمل قراءة القصة من الضحك ماااااااااقدر ,,,, ولي عووووووووووووووووووووووودة ,,, للتعليق والتحليق في سماء قصص مؤمل خير ..

ههههههههههههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههه
هههههههههههه
يااااااااااااربي يااازينكم وانتم صغااااااااااااار
والله مت من الضحك
شكلي ببطل اروح الجامعه واجلس اقرااااا
ههههههههههههههههههههههههه
لي عووووووووده وفصفصه في الهرجه
هههههههههه