03-03-2009, 07:14 PM
|
 |
عضو مهم
|
|
تاريخ التسجيل: Sep 2008
المشاركات: 314
معدل تقييم المستوى: 125
|
|
كلام مزبوط 100% - لازم كلنا نوقف ضد هذا الشي مو لازم مسؤول أو رئيس يوقف معانا و ينزل قرارات و خطابات تدعمنا لو ظلينا ننتظر القرارات و الخطط الخمسية اللي بينفذوها لما تطلع الدينصورات مرة ثانية و ما دري شو ... ما راح نسوي شي و لا أحد راح يلتفت لينا ..!؟!
أحنا بنفسنا نثبت جدارتنا و قوتنا – أقروا كلامي و طبقوه و جربوا ... !؟! من خلال تجربتي الأولى من نوعها في إستقبال السير الذاتية و فرزها و هاذي الروابط بالترتيب وربي قلبي و جعني و حسيت بقهر موووت وربي ما أخفيكم أنه صار جوايه حقد على كل أجنبي اللي فالمقابل واحد بدله سعودي عاطل بالبيت ... وجدت أنه السعوديين مؤهلين و بقوة و وجود الأجانب عامل متسبب في ضعف ثقتهم في أنفسهم أنقرهت لما لقيت أن الموظفين الأجانب ثقتهم زايده في أنفسهم و كلهم كبرياء و ثقه ، أن السعودي لا يقدر على تحمل أعباء العمل و طبعاً العكس صحيح ، بيتصرفوا و كأنهم هم أهل ألبلد رئيسي الأجنبي بيتعامل معاي على أساس و خلفية أني ما راح أستمر ..!؟! بس الحمدلله ، صاحب الشركة مبسوووط مني و حاسس فعلاً أني أبغى أشتغل و أتعلم و أكسب من تعبي قال صلى الله عليه وسلم ؛( من لديه الحيلة فليحتال ) ...!؟! رئيسي الأجنبي كل ما حاول أنه يعجزني في شي بطلبات و شغل --- ما أرد عليه غير بابتسامه ( من تحت النقاب ) وكلمة حاضر يا - أوستاز - بكل برودة أعصاب و أجتهاد في العمل
أقسم لكم بالله أن عروق جبينه تبان و يحمر وجهه و أنا ولا كأني شايفه شي ..!؟! لأنه مصدوم من خبرتي العالية بالكمبيوتر و سرعتي فية و أنا ما درسته ولا عندي شهادة فيه ..!؟! ( قول ماشاءلله ) و كفاءتي و صبري و تعاملي مع تصرفاته بإيجابيه على أساس أني لسه بتعلم ... و طبيعي أني أغلط في الشغل و أنه شيء عادي و أتقبل نقده بكل صدر رحب و ابتسامه ..! سومآ <------------- فاقعه مرارة الأجانب و هذا اللي المفروض أنكم تسوه و الحمدلله تعلمت و بتعلم كل يوم من المصري اللي مفقوعة مرارته مني و غصب عنه يعلمني و إلا أقول لصاحب الشركة ...!؟! .. ترى ما يعلمني ... و بعض الأشياء اللي أجهلها ما أحسسهم أني ما عرف – على طول أفتح النت و أقرا مقالات و أحمل كتب و أقرا حتى لو باين علي أني ما عرفها يكفي أنه يبان أن عندي خلفية فيها – ولما دري صاحب الشركة بهذا الشي أنبسط للآخر ... سواء أنا أو أنتو / لو سوينا كذا – حنقدر نسوي أي شي ، ونلفت انتباه اللي ينزلوا القرارات و خطط حياة الدينصورات المستقبلية حين ظهورها..!؟! <---- هاذي حقيقة خططهم حين ظهر الدينصور --- ثم إلى ---> تمساح --- ثم إلى ---> ظب --- ثم إلى ---> زهيوي (وزغه)
و سيرجع مرةً أخرى إلى ظب ثم إلى ....  .... إلخ
نرجع لموضوعنا.. الشركة كلها ( فرع جدة ) عدد الموظفين اللي فيها ما بين 25 - 30 موظف ما فيها غير صاحب الشركة و موظف الأستقبال و المعقب و أنا ( سومآ ) بس اللي سعوديين و الحمدلله و فضل من ربي بحاول قدر المستطاع أني أثبت جدارتي قدام الأجنبي اللي هو أقدم و أكبر مني و أكثر خبرة و اللي بيحاول بجميع الطرق سواء في طلباته و تعاملاته وكل شي أنه يحطمني و يثبت أن السعودي مو كفؤ
و لكن جميع محاولاته و تعاملاته باءت و ستبوء بالفشل الذرييييييييع ... ...
أنا سومآ و الأجر على الله – بنت البلد و سعودية – كيفي --
لدرجة و لله الحمد أنه صاحب الشركة لما شافني كذا ولا حظ مهاراتي الإدارية اللي بجد ما دري من وين اكتسبتها... ...!؟! أعطاني مسؤولية الموظفين الجدد و إيجادهم برغم أنه مالي شهر متوظفه ..!؟! ماشالله تبارك الرحمن و لعلمكم كان يبغى يستقدم 54 فيزه ( أجانب ) ...  ... و زعلان عشان الوزارة ما وافقت ( قلت في قلبي أحسن و دوووم ) و كانت مؤسسة لبنانية في بيروت راح تاخد مئات الدولارات عشان تجيب لنا موظفين متخصصين و محترفين و ما دري وشو من جميع أنحاء العالم ،، و أهل البلد قاعدين ...! ... حمد لله و الشكر و قلت له بدل ما تضيع فلوسك عند ذيك اللبنانية التي تتباهى علي في كلامها أنها بلبل في الإنجليزي هي و لسانها المعوج ( أتصلت و طردتها بطريقة محترمة وذوووق ) قلت له العلم عندي و أنا سومآ / و لله الحمد ربي قدرني و أقنعته و جسسته أن في سعوديين كثير كفؤ و بشهادات و خبرته عن منتديات البطالة في السعودية و نزلنا أعلاننا فيه و وصلنا أكثر من 100 سيرة ذاتية منها تقريباً 85 للسعوديين و الباقي مو حاسبتهم..!؟! أكثر من 85 سيرة ذاتية لسعوديين و سعوديات من شهادات و خبرات و شي يسر القلب لقينا فيها مطالبنا ، صحيح أن خبرتهم قليلة بس هاذا ما يقلل من كفاءتهم ..!؟! و لو طولنا بالإعلان أكثر حنلاقي أكثر من أهل البلد حمدت ربي وشكرته أن أهل بلدي بيضوا وجهي خصوصاً في هاذا المنتدى - يا جعل ربي يرزقهم ألجنه يآآآرب جميعهم أعتذر جداً لكثرة كلامي ,,,  ,,، بس و ألله أبي أفيدكم
|
العرض المتطور
