السلام عليكم ورحمه الله وبركاته



اخواني انا اعرف صاحب موقع جديد




تخصصه عرض سيارات وعقار



والولد حاب يبداء الموقع بعروض جاهزه في كل السعوديه



فعرض علي اني اجيب له عروض مصوره ويعطيني على كل عرض مقابل مالي




للتوضيح اكثر

انت يا صاحب المنفعه تذهب الى اي معرض سيارات وتكون معاك كاميرا تصوير (يفضل تكون احترافيه )
وتصور اي سياره بحسب المطلوب منك اربع صور وتكتب مواصفاتها موديل وسعر وكم ماشيه ورقم المعرض والسوم وصوره خارجيه للمعرض ورقم التليفون للمعرض

بالنسبه للعقار


كل يوم واحنا نتمشى بالشارع نشوف عروض منازل وشقق عزاب وعوائل وقصور للايجار تاخذ رقم المكتب اللي كاتب العرض وتقوله عن الموقع وكيف انك راح تسوي دعايه للمكتب ببلاش وتوفر عليه كل يوم يروح للعقار او يرسل العامل للعقار من اجل يشوفه الزبون ويمكن يعجبه السعر ويمكن لا فانت بالحاله ذي بتسوق لمكتبه ببلاش وبنفس الوقت هو راح يستفيد من عرض عقاره لاكبر شريحه ممكنه


تدخل وتحط الصور المناسبه وبنفس طريقه السيارات السعر والسوم او الايجار في حاله كان عقار للايجار



يعني راح تستفيد من جهتين هذا اذا كان صاحب السلعه سياره او عقار رجل مبارك ويعطيك سعيك بالموضوع او راح تكسب العائد المادي من ورا التصوير هذا




نجي للسعر
الرجل حاط لك عرض سياره خمسه ريال يعني وانت تدور بالمعارض في اقل من ساعه ممكن تحصل وممكن تحصل اكثر من كذا بكثيرر لان الرجل طالب عدد معين انا ماراح اصرح فيه وبياخذ اول طلبات توصل وتكون الصور واضحه ويفضل تكون بالليل في المعارض لان الاناره تكون قويه



العقار العرض بيكون ب 10ريال للعرض الواحد يعني عشر عروض 100 ريال وذي ممكن بساعتين تخلصهم هذا غير السعي اللي ممكن يطلع لك من صاحب المكتب وكلنا نعرض العقار وارباح السعي فيه


صاحب الموقع كان يفكر اول شي بمصري عقاري طبعا بتكون العروض في مكتبه جاهزه اللي عليه يروح يصور والله شي يقهر والثاني يمني من المعارض ولما تكلمت معاه بينت له الموقع وكيف انه ممكن يحصل بركه ان شالله منه ويفيد اخوانه العاطلين


اهم شي تكون الصور واضحه شباب لا تفشلوني معاه والتعامل بالفلوس راح يكون عن طريق واحد من الاعضاء حفظا لحقوقكم وحقوق صاحب الموقع



وصلى الله وبارك على نبيه محمد

بالتوفيق

أخوي ولد الرياض
أولاً جزاك الله خير على حرصك وغيرتك في شباب الوطن

بغيت أسأل يالغالي عن اللي خارج الرياض
هل يقدرون يصوّرون عقارات وسيارات
ويعرضونها في موقع خويّـك ..؟

ولاّ لازم يكون في الرياض بس ..؟

وكيف تكون عملية تسليم الفلوس ..؟

وأنا مجرد استفسار بس يعني مو جاد
بس للتوضيح حبيت أسأل

تحياتي يالغلا

وبالتوفيق للجميع

الله يوفقك ويرزقك

يعطيك الف عافية اخوي..

والله يوفقك ان شاء الله..

وانا من مكة ما ادري اقدر اشترك معاكم؟؟
^_^

اكيد اخوي شرف تم الرد على الرساله