تخيلو هذه المواقف تجيكم ههههههههههههههههههههه

مؤمل خير · #1 (**permalink**) 05-03-2009, 11:12 PM

السلام و عليكم ورحمه الله و بركاته ..

حياكم الله أخواني و اخواتي ..

.
.

تخيل / تخيلي ..

المواقف و الطرائف كثيرة و ردود الافعال هي من تجعل للموقف شكل اخر ..

الموضوع هذا يتكلم عن هالشي اتمنى ان ارى ردودكم على هالنقاط و المواقف ..

.
.

* انـتـي في عزيمه رفاعه ( تدسين الدراهم في كنبل البزر ) فجأه و بدون مقدمات خبط البزر من يدس ..

وش ردت فعلس ..؟؟

.
.

* انت طالع و ماسك طريق الملك فهد و كان في عز الزحمه من صباح الله خير و قبلها كنت مفطر بيض عيون و معدسها فول و انت حول الجوازات و المخرج الي فيذاك مقفل من دوريه في هذه اللحظه هرك بطنك ( ...... ) و ليس اية هره او ..... انما هو من النوع الثقيل الي ما يحتري ..!!

لحظتها ما هي ردة فعلك ..؟؟

.
.

* انـتـي في إحدى الزواجات و بكامل زينتك و عنفوان انوثتك متجهه الى منصه هز الوسط و انتي في الدرجه الثانيه انكسر العكب و خبطي على خشتس ..

ماهي ردة فعلك ..؟؟

.
.

* انت ياراعي ...... الأول تخيل انه مره جاك مثل ماجاك في طريق الملك فهد و لكن هالمره جاك على خط الدمام و كان حولك محطه نزلت بقوه و سرعه متجه الى دورات المياه و على طول بدون اي مقدمات اديتها و حسيت بعدها بالراحه النفسيه ..

و لكن تخيل ان هذه الدوره لايوجد بها ماء ..؟؟

.
.

* انـتـي متزينه و متبختره و مشخصه مع ابوس و رايحه للجامعه عند البوابه وقف ابوس و نزلتي بكبرياء و ثقه و لكن من كثر هالكبرياء انصك باب الموتر على طرف العبايه ابوس شخط على طول متأخر على العمل و سحب عبايتس معه و لا درى عنها و عنس ..

لحظتها وش رده فعلس ..؟؟

.
.

تحيــــــــــــتي ،،

الاسمري · #2 (**permalink**) 06-03-2009, 03:26 AM

* انت ياراعي ...... الأول تخيل انه مره جاك مثل ماجاك في طريق الملك فهد و لكن هالمره جاك على خط الدمام و كان حولك محطه نزلت بقوه و سرعه متجه الى دورات المياه و على طول بدون اي مقدمات اديتها و حسيت بعدها بالراحه النفسيه ..

و لكن تخيل ان هذه الدوره لايوجد بها ماء ..؟؟

.
.

هذي ورررررررررررررطة ثانية من جد

هههههههههههههههههههههههههههههههههههههههههههه
مشكووووووور على الموضوع

مره فاضيه · #3 (**permalink**) 06-03-2009, 03:36 AM

* انـتـي في عزيمه رفاعه ( تدسين الدراهم في كنبل البزر ) فجأه و بدون مقدمات خبط البزر من يدس ..

وش ردت فعلس ..؟؟

وي وي راح يطيح وجهي ههههههههههه
وش بسوي راح أعتذر وشيل الولد وأردد الأعتذار
هذا ألي طالع معي

.

* انـتـي في إحدى الزواجات و بكامل زينتك و عنفوان انوثتك متجهه الى منصه هز الوسط و انتي في الدرجه الثانيه انكسر العكب و خبطي على خشتس ..

ماهي ردة فعلك ..؟؟

ههههههههههههههههههههههههههههههههههاي
ياشين هالموقف
راح أسوي حركه ونزل الكعب الثاني وكمل مشواري

.

* انـتـي متزينه و متبختره و مشخصه مع ابوس و رايحه للجامعه عند البوابه وقف ابوس و نزلتي بكبرياء و ثقه و لكن من كثر هالكبرياء انصك باب الموتر على طرف العبايه ابوس شخط على طول متأخر على العمل و سحب عبايتس معه و لا درى عنها و عنس ..

لحظتها وش رده فعلس ..؟؟

الصراحه راح أنزل العبايه ليش ؟؟ لأن ممكن أبوي يشيلني
معاه وش الفايده بعدين
وأتلزق بأقرب بنت وأدخل معها بالعبايه
أو أني أصيح على أبوي ألين يوقف

مشكور على هالمواقف المحرجه بقووووووووووه