هلا أختي (سحايب)

أنا خريجة حديثة من جامعة الملك عبدالعزيز وحكاية إنه فيه واسطة في الوظائف هذا أمر وارد لكن مو دايماً...


أقرب مثال (أنا) قدمت فيها لأكثر من وظيفة وماعندي واسطة وعلى كذا اتصلوا بي وطلبوا مني مراجعتهم بخصوص الوظيفة ...

وأعرف كذا واحده من دفعتي ترشحوا فيها للوظائف لكن هل هم بواسطة أو لأ..

حرام ماأقدر أحط بذمّتي شي وأنا مو متأكدة..


شوفي في النهاية هم ينظروا لمعدلك وشهاداتك ...


وياخذوا بالأعلى درجات ..

لكن أبغا أسألك إنتي فين قدمتي بالتحديد وعلى أي وظيفة..؟؟؟


لأنه بناء ً على الاحتياج هم ياخذوا..

انا خريج علم اجتماع ولا ادري ماهو مجالي لأنه لا يوجد تحديد لهذه تخصص

مستشارة ..
مشكورة أوي لردك اللي يطمن والله يوفقني ويسهل لي

ياستي انا لسا ماقدمت رحت بحط اوراقي قالولي انتظري التقديم الجاي
ولا ادري متى التقديم الجاي ؟؟ ماتعرفين متى ؟؟


بونسيم
انت قدم اوراقك وهم اذا احتاجوا تخصصك بيدقون عليك

هلا أختي (سحايب)


بالنسبة للتقديمات ...

كل إدراة لهم وقت خاص فيهم ..

مثلاً : مكتب التوظيف اللي في المبنى بجنب الاقتصاد و الادارة قالوا لي حطّي أوراقك وحنا إذا صار عندنا احتياج بندق عليك..


لكن شئون الطالبات كل مارحت لهم قالوا لي لسه مابدأ .... لكن كلمت أستاذة عندهم قالت لي تعالي لهم على نهاية الترم أو في الاجازات اللي تكون في منتصف الترم أو أيضاً إجازة الصيف .....(انتهى كلامها)


يعني أنا أقولك حسب نصيحة أخت مجربة في كل إجازة تعالي لهم ووريهم وجهك عشان يطفشوا في النهاية ويعطوكي الكلام الأكيد ... (للأسف إنهم مايجون إلا بذي الطريقة!!!!)

بالنسبة لخدمة المجتمع نفس الشي كل إجازة شرّفيهم في مبناهم ... عموماً هم بياخذوا سيرتك الذاتية CV

ويقولوا لك نفس العبارة المعتادة (بندق عليك إذا فيه احتياج) ...

وللأمانة هم إذا لقوك مناسبة لهم بمؤهلاتك راح يتصلوا لأني أعرف كذا واحده من صديقاتي موظفة عندهم الآن..

بالنسبة للتخصصات هم مايددقوا مره خاصة الوظايف الإدارية في خدمة المجتمع والشئون الأهم عندهم ICDL


وبالتوفيق لك يارب ولجميع المسلمين....

يسلمووو

الللفففففففففففف شكر مستشارة
استفد كثير من ردك ويارب يوفقنا ونتوظف



الوايليه
الله يسلمك

الله يوفقكم