السـلام عليكم ورحمة الله وبركـاته



أخواني . حبـيت أسأل . لمن لديه خبــره !!


ما أفضـل تخصص بالكـلية التقنية القسم العلمي

( ميكـانيـا- كهرباء) ؟



وشكـرن . !

الكهرباء (تخصص قوى كهربائيه )
اما الميكانيكا حاول قدر الامكان تبعد عنه وظايفه وان كانت كثيره فرواتبه قليله جدا ماتفتح بيت والله يوفقك ان شاء الله ولاتنسانا من صالح دعائك
ملاحظه :
اذا دخلت الكهرباء حط قدام عينك انك تكمل البكالوريوس واجتهد ترى معدل 3.5 ماينفع لازم يكون معدلك اقل شي 3.75 هذا في البكالوريوس اما الدبلوم لازم معدلك يكون فوق 4 وترى الدراسه بالدبلوم بسيطه جدا والله يرزق .

الكهرباء افضل بالتأكيد
الله يرحم ايام الكليه التقنيه كانت افضل ايام حياتي <<< وجه محزن

انا مكانيكا انتاج
وانصحك بالكهرب وتخصص قوى كهربائيه
خويي فيها ولا ازيدك من الشعر بيت حتى البكالوريوس حفها سهل والله يوفقك

انصحك لاتدخلها تراها فاشله والله هالكليه ماغير تتخرج ولا تلقالك ولا وظيفه من جد اكلمك دور لك كليه ثانيه احسن لك اذا انت تبغى تجتهد وتدور كليه زينه

والله يا كليه التقنيه ذي ما عندك احد لاكن يا خوي رووووح وخلك فيها لين ربك ييسرلك بوظيفه منها تضيع وقت وتحصل مكافات وتمشي امورك وتنفك من الطيحه في البيت وانواع النفسيات من زود النوم

جزاك الله خير

نصيحه من اخو لاتدخلها
انا معدلي اربعه قسم بالله لي سنتين مافيه شركه قبلتني ولا وظيفه حكوميه
انصحك روح العسكريه ولا اي مجال ثاني


والله يرزقنا ويرزقك

يعطيكم العافية على النصائح يا أخوان والله يكتب اللي فـيه الخير !!

اخوي الراكد : وش تخصصـك بالكلية ؟

انا كلامي عن الكليه التقنيه بشكل عام
تخصصي حاسب الي - دعم فني
بس نصيحه لاتدخلها تراك تندم وتصيبك حاله نفسيه وغير كذا تقعد بعد التخرج تعد اصابيع رجولك
انت شايف الوضع الحين الديوان مافتح لحقين الدبلوم شيء ولا عمري سمعت وظائف للكليه التقنيه حتى محضري مختبرات في التعليم العام والسنه هذي قفلوها
ترى الباب في هذا المجال مقفل
شوفلك بكالورس ولا اي شيء غيره
نصيحه من اخو ماكذب عليك بشيء