بسم الله الرحمن الرحيم

السلام عليكم ورحمة الله وبركاته

اللهم صلي على محمد وعلى آل محمد

صلى الله عليهم وسلم

اخواني انا معي مبلغ بسيط

وبكل صراحة انا متخرج من كلية الشريعة قسم اللغة العربية

وتأخرت في تخرجي لأني اخذت في الكلية 6 سنوات بدال 4 سنوات

بسبب ضروف خاصة

ومليت من جلسة البيت وربي ماباقي مكان ماعلقت لهم الملف الاخضر

وللحين ماجاني شي ..

وبصراحة منتدى البطالة فادني كثير في التقديم ع الوظائف

الله يجزي خير الجزاء لكل من قائم على هذا المنتدى الرائع

وحالتي الحمد لله ميسورة الوالد الله يديمه ويخليه لنا مدرس متقاعد

والوالدة الله يحفظها عندها مشغل نسائي والحمد لله في دخل حلو

المهم الوالدة ماقصرت عطتني 50 الف ريال

قالت لي ياتمشي امورك فيهم إلى من تلقى وظيفة

ياتسوي مشروع بسيط يفيدك

وشوو شوركم علي ياأهل الخيـــــــــــر

في حفظ الرحمن

القسم مليء بالمشاريع وعليك تصفحها وأخذ ما تراه مناسباً لك
وفقك الله لما تحب وترضى

افتح لك مغسلة ملابس بموقع يكون مناااااسب واكثر الي حوله عزاااب

الله يوفقك اخوي عبدالله

اخي عبد الله
اولا مبروك التخرج وعقبال الوظيفة
ثانيا : لو تدور عن باص صغير هونداي وتشيل مدرسات لمناطق بعيدة يعني من 30كلم الى 300كلم . المعلمة تدفع 1000ريال كبداية دور 4 معلمات وبعدها ينهل الخير عليك
انا معلمة واروح مع باص مسافة 15كلم بـ 500ريال ونحن 9 معلمات فما بالك بالنائي, الله يرزقك ولا تنسى ان تدعو لك الوالده ترى كل شئ يتسهل باذن الله

مشكور اخوي السروري ع المرور الطيب

اخوي رحال فكرتك طيبة بس الاجاراااات مرتفعة بالحيييل

ولا فكرت في محل بسيط بس كل مالقيت محل اجارهـ بالسنية يا 30 الف يا 40 الف

خليها على الله بس

اختي ام المها

جزاك الله خير الجزاء اختي

فكرتك طيبة ولها دخل حلو

بس ماقدر كوني اعزب

هالحين قرار من وزارة المواصلات

لابد ان يكون متزوج ولديه أبناء

الف شكر لكم جميعــآ

مشاريع كثيرة يمكن أن تبدأ ب50ألف
مغسلة-كافتريا-خضار وفواكة-مغسلة سيارات-حلاق...ألخ
وأهم شي تكون لك رغبة داخلية في المشروع عشان تقدر تبدع

الله يوفقك اخوي ويرزقك من واسع فضله

هناك مشاريع كثيرة.....
لكن الميول هي التي تحدد المشروع...
فالتجارة فن ومهارة...
الله يوفقك اخوي .. .. ويبعد عنك الخسارة.

حياك الله أخي الغالي

بداية أسأل الله الكريم أن يحفظ لك والديك وأن يمد بعمرهم (بطاعته) وارجوه ان تكون قرة عين لوالديك


في الحقيقه أخي هناك كثير من المشاريع (كما تفضل الاخوان) لكن المسأله فقط دراسه جاده وتفكير ثم بدايه


أتمنى لك التوفيق والنجاح في الدنيا والاخره

تحياتي

بسم الله الرحمن الرحيم

اولا اشكر كل من قام بالرد على الموضوع

والله يجعل اعمالكم في ميزان حسناتكم

وثانيا انا حصلت محل للإجار وبصراحة حلو سعرهـ

والمحل الحمد لله في شارع تجاري وحاوليه كم مشغل نسائي

ولاهو كبير ولاهو صغير يعني متوسط

وأجارهـ بالسنة 17 الف ريال

وقلت ودي اسويه محل ورد وهدايا وكوشات وتصاميم .. إلــخ

اتفقت مع صاحبي اخ عزيز وغالي

وقالي عندهـ معارف يقدر يجب لي بعض البضايع مثل الورد

والهدايا وغيرها بسعر حلو

قلت بقدم على عامل خبير بهذي الشغلات بس مابغيت أستعجل

قلت اول حاجة آخذ مشورة الاهل ومن ثم اخواني اعضاء منتدى البطالة

والاهل الحمد لله ماقالوا لي الا كل خير

انتم وش رايكم بهذا المشروع ..؟

هل فيه ربح او بالمعنى الاصح هل فيه دخل حلو ..؟

ولكم جزيل الشكر

وربي يفتح لكم ابواب الخير وابواب الجنة