هلابكم كلكم

هلا بـ الاعضاء المخضرمين والجديدين والتوهم ما سجلو في المنتدى

طبعا الكل يعرف الدخان واضراره والامور هذي

الموهم باذكر لكم مواقف اذكرها لي مع الدخان

اولا البدايه (عمري كان 15)

كانت بدايه من نوع مدري وش يبي من الحياه

لاني اول ما بديت ادخن بديت بملبورو ابيض على طول وكنت ادخن على حسب الوضع

والمزاج يعني اذا عندي اختبار اشرب...وكذا

المهم طبعا محد كان يدري عن الموضوع فكنت ادخن في السطح

وفي احد تلك الايام كنت مثل دايم كذا على الساعه وحده اطلع السطح وادخن

وفجأه ما لقيت الا ابوي داخل على وماسك القايش بيده(الحزام) ويمسكني ويمصطني تمصيط

لين عظيت الارض
ــــــــــــــــــــــــــــــــــــــــــــــــــ ــــــــــــــــــ

والموقف الثاني كان في المدرسه في الصف الثاني ثنوي

كنا في الفسحه ندخل في الدورات المياه -وانتم بكرامه-ندخل ويعزز لي اخوييا يقعدون يسولفون واذا كح

احدهم يعني في مدرس جا

المهم انا ما دريت الا بالمدرس واقف عند راسي ويناظر فيني متحير وش يسوي فيني بالضبط

يعلم ابوي ولا يمصطني ولا وش ... المهم كلمني بالمكتب وعدى الموضوع تمام
ــــــــــــــــــــــــــــــــــــــــــــــــــ ـــــــــــــــــ

الموقف الثالث كنت عند عيال عمي ادخن طبعا ما همني ولا واحد منهم

ودخل اخوي والزقاره بيدي يعني متهم رسمي

جا عندي وقالي ويين البكت وهو معصب

قلت معي

قالي هاته

انا بكل برود ورعب اعطيته له فتح البكت واخذ منه زقارتيين وجدع لي البكت وقال:لا تدخن اكثر

من نوع في نفس الوقت

وراح و انا ماصدقت الي شفته

ـــــــــــــــــــــــــــــــــــــــــ

في السياره:

كنت اذا جيت<<<لاحظ الجمله>>اروح المدرسه ادخل غرفه اختي وألطش لي عطر من عندها

اما ديور ولا جيفنشي ولا الموجود

واروح الركب السياره وارش ام السيارة بالعطر وسحب لي زقاره

وادخنها ونا رايح علشان الريحه تختلط مع العطر

في احد الايام قمت متأخر من النوم ونسيت اخذ معي عطر

وكنت مسوي حادث بسيارتي ومدخلها في البيت<<هو الغلطان وزابن

فأخذت سيارت ابوي ورحت المدرسه ...

بعد الدوام نشبو لي العيال يبون يروحون يتغدون معي

قلت طيب ورحنا محل بخاري وقمنا نضرب في ذاك الرز البشاوري مع اللبن

ابوي اتصل علي الساعه 1 ونص وقالي ارجع بدري <<يبي يروح الدوام

والطع ابوي الى المغرب ونا مقفل جوالي

ورجعت له والسياره ريحتها زقاير و في بكت طايح والطفايه كله رماد وحالت السياره حاله

طبعا ابوي <<واكثر من كذا بكثير

طبعا مثل دايم اروح الغرفه وهو معي وانواع الجلد والطق والهواش التسفيل

8
8
8
زمان والله ابوي ما طقني خخخخخخخخخخ <<<مستانس
7
7
7
المهم عدى الموضوع على الطق بس والحمد لله

وللمعلوميه انا اكثر واحد في البيت كان ينطق وينجلد


قدر الله وما شاء فعل

.<<النقطه هذي يعني انتهت كتابتي مو الموضوع كله لان الموضوع ناقصه ردود فاهمين