السلام علاكم جميع

اعلومكم يالرررربع ويالررربعات

عانوني بقولكم قصتي اول مادخلت المنتديات <<< انواع الفضايح

وهالقصه تقدرون تقولون انها الجزء الثاني لموضوعي ذا >>>مؤمل خير اول ما اشترى الكمبيوتر
الزبدهـ

اول شي دخلت قوقل وكتبت كلمة منتديات

و طلعتلي انواااااااااااع المنتديات والمنتديات <<< مسوي خيارات

المهم اني دخلتلي على واحدن من المنتديات اسمه ..... <<< منيب قايل

وانا اللي ادخله ومدري وش السالفه عاد على طول دخلت موضوع ولقيت مكتوب اضافه رد وانا ارعصه << ناوي يرد بدون مايسجل

وكل ماجيت ارد قال ليس لديك صلاحيه

قالت اختي اها فهمت اكيد بفلوس

قلت ايه اكيد

شوي لقيت مكتوب تسجيل

ودخلت تسجيل

ولقيت مكتوب من الشروط

ان هذا المنتدى مجاني للجميع ومن هالكلام

وحنا اللي نتناقز ونمدح في راعي المنتدى نقول والله انه كريم حاط التسجيل مجاني وقسمن انه كفووو

وعاد قالوا اختر الاسم المستعار

واقعد افكر وافكر في راسي قلت ياربيه وش معنى مستعار

قلت هاه ياأخواني الاعزاء وش اختار اي اسم قلت هع هع بلعب عليهم وبقول اسمي نواف

شوي وانا اسجل نواف

عاد جاء اخوي وقرى الاسم ولقى مكتوب نواف قال منهو نواف قلت هع هع هذا انا اص لحد يدري

قال ياااااغبي بيدرون قلت وش دراهم

قال والله هم هذولي حقين الانترنت يعرفون كل شي انتبه

قلت لحووول وانا اللي اغير الاسم واكتب اسمي الصدزي

قالت اختي هووووو وراك كاتب اسمك الصدزي قلت وش اسوي

قالت خرفلك لقب قلت يعني شلون قالت يعني مثلا القوي ولا الرجال ولا الشاطر

قلت اها يعني عادي تسذا

قالت ايه هم يقولون مستعار مهوب صدزي

قلت اها توني افهم كلمة مستعار

الموهم وانا اللي اختارلي ذاك النك اللي ايهبل

وعاد قالوا الرقم السري وانا اللي اروح واجيب ورقه واكتب الرقم السري عشان ماأنساه <<< لو تشوفونه طويييييييييل حول عشر ارقام

وبعدين قالوا الايميل

وحنا اللي نتوهق <<< ماعندنا ايميل وما نعرف وشهو الايميل اصلا

وانا اقوم واكتب 123 123 <<< هاذا ايميلي مشاء الله <<< مغير اسكتهم

وتطلعلي الحروف وقالوا اكتب مثلها <<< ياليل الليل

وانا اقعد اكتب مثل الحروف جلست سنه وانا ادور في الكيبورد

الموهم يوم خلصنا ونكتب موااافق

وشوي ويطلع عفوا الايميل خاطئ

قلت لعنبووووووووووهم وشهو ايميله ذا

وقمت وكلمت نسيبي <<< ياذا النسيب اللي ازعجناه

واكلمه الوووووو

وش معنى ايميل

وهو اللي يفطس ضحتس

قال هذا بريد اكتروني

قلت وش معنى بريد اكتروني

قال ياليل الزبده وشتبي
قلت لا بس سجلت في منتدى وقالوا هات الايميل وش السواة

قال خذ ايميلي سجلبه

واقوم واكتب ايميله واحطه وبعدين قالوا مبرووووك سجلناك رح لملفك الشخصي وعدل صورتك الرمزيه ومدري وش ولا توجه للاقسام وشارك

قلت الا بتوجه للاقسام وانغز على الرئيسه وادخل منتدى الفرفشه والصررقعه

عاد شعارهم مكتوب منتدى الفرفشه والصرقعه والصياعه ومخباي الذيابه وكلام واجد

وعاد انا واخواني يوم شفنا كلمة صياعه قلنا يووه شكلهم داشرين

قلت لحووووووول وش السواة طيب

المهم شوي لقيت مكتوب تنزيل موضوع جديد وانا اللي ارعصه

وشوي قلت وش اكتب وش اكتب

واقوم واكتب السلام عليكم

عندي سؤال للمدير

عاد كاتب

س / هل المنتدى له نصيب من كلمة صياعه <<< مسوي فصحه

شوي وبعدين رد علي المدير حقهم وقال ياخي وشفيك كذا اثقل اثقل ويقوم ويودي موضوعي للزباله حقتهم

قالت اختي ايييييه اكيد انهم وصخين عشان كذا مارد عليك

قلت ايه والله صادزه

قال اخوي ايه والله صدقتوا
عاد قلت لحضه لحضه خلو نروح نشوف قسم الصور قالوا يله

وادخل قسم الصور واشوف المواضيع ولقيت من بين المواضيع عنوان مكتوب ( صورة فتاة عارية في الحمام )<< هي اصلا صورة بقره تروش في الحمام بس الموضوع يشدك مادرو اننا مهبلن مانعرف شي

وانا اللي انخرررررررش قال اخوووي شفت انهم وصخين اطلع اطلع بس

قلت خلو ندخل نشوفها

قالوا يالوصخخخخخخخ ياويلك ان دخلتها والله نعلم ابوي <<< لحووول

عاد قمنا وشلنا عفشنا ورحنا لمنتدى ثاني اسلامي

ونسجل فيه <<< عاد عندنا خبره سجلنا بسرعه

وعلى طول دخلنا الاقسام ونقعد نتصفح ولقينا منتدى الترحيب

وقلت خلو انزل موضوع اخليهم يرحبون بي

واقوم وانزل موضوع

السلام عليكم

عضو جديد مصرقع رهيب حلو جميل

لايفووووووووتكم

رحبوبي يله


وانزل الموضوع

وجاء من بكره


وترد علي وحده اسمها ( الســــــاحره )

تقول ياهلا ياهلا منور المنتدى

واقوم وارد عليها

يووووووووووووووووووومه هو صدز انتس ساحره <<< حتى ماقال شكرا على المرور

عاد ردت وحده بعدها وحاطه صورة ورود وحركات

واقوم ارد

قلت ياهلا ياهلا وخيتي وشلون بالله احفظ الصوره حقت الورود في جهازي عشان الصوره مره حلوه <<<مايعرف يحفظ الصور

وبعدين سحبت علي ماردت

ورد واحد ثاني ولقيت حاط توقيع صوره وانا اللي انشبله ياخي توقيعك فلللللله اشلون تسوي توقيع فيه صوره هع

الموهم عاد تعرفون المنتدى اسلامي يقولون في الالعاب ممنوع الاختلاط

وانا اقوم واختلط وجلست يومين لينهم مبنديني عاد تغير لون نكي وانا انقززز لاخواني باركولي باركولي صرت مشرررف

قالوا اووما عاااد قلت ايه والله حتى شوفو لوني

قالوا ايه والله

قلت ايه اكيد ان مشاراكتي اعجبتهم

وشوي اجي بشارك وعيا يشارك يقولون انت موقوووف قلت معقوله المشرفين مايقدرون يشاركون ؟؟؟ <<< واثق الاخ

الموهم جلست يومين قلت اففف بايخ الاشراف

قالوا اخواني ايه والله مانقدر نشارك وش هذا

عاد بعد يومين رجعووني وانا استانس وانادي اخواني ابشررركم فكو الاشراف عني

عاد اول مارجعوني قالوا الاعضاء مبرووووك فكو الباند عنك قلت ايه والله الحمدلله تصدقون الاشراف مهوب زين

قلت بالله وش معنى باند

قالوا باند يعني للمخالفين وكذا

وعاد فهمت

وجا من بكره وادخل الالعاب اللي ممنوع الاختلاط فيها

والقا لعبه راد فيها ولد اسمه بو كشه قلت خلو ارد عشان بو كشه راد اكيد مهوب مبندينا

وجا من بكررره لينهم مبنديني ومخلين بو كشه

عاد هالمره بندوني اسبوووع

وهم فكوووني

وانا اشب عليهم تبندوووني عشاني ضعيف هاه وبو كشه ياجعل كشته تشتب مخلينه لعنبوووووووووووكم

مغير ثلاث ساعات الا بو كشه مبند هع هع
عاد رحمته وحسيت بالذنب قلت خلاص خلاص سامحوه <<< مصدق نفسه مهم

عاد سفهوني وما فكوه الا بعد ثلاثه ايام

الموووهم عاد انا انشبتلهم مغير نسخ ولصق مواضيع

اروح انسخ من العام واحطه في الفرفشه <<< مسوي جاب شي جديد

وعاد مواضيعي كلها في الزباله يحطونها

وعاد اذا تطورت رحت اجيب من منتديات ثانيه واكتب في نهاية الموضوع منقوول من منتدى ليس منتدانا << مسوي انهم مميز هلحين

ولا مره قلت خل انصب عليهم واقول الموضوع من تئليفي

عاااد جايب موضوع من منتدى ثاني والموضوع فيه روابط ولان المنتدى ماسجلت فيه يقوول الروابط لاتضهر الا للمسجلين والمفعلين


وعاد انا ماقريت الموضوع خير شررر مغير نسخت الموضوووع كلبوووه ولصقته في منتدانا والروابط اللي مكتوب سجل وتطلعلك منسووخه بعد <<< وافضيحتااااه

وفي النهايه كاتب من تأليفي وارجو التثبيت <<< شين وقوي عين

وعاااد فشلوووني وشبو علي وقت اصلا امززح معكم <<< اقرب مخرج


ولا اذا بغيت اسئل احد ماعرف الخاص ابدددن

انزل موضوووووع كامل واقعد اسئله

ونص المنتدى متهاوش معهم
ارد على مواضيعهم وما أجامل ابددددن اذا كان زين قلت لابأس في موضوعك واذا شين قلت شييييييين يمال الضربه اللي على راسك انت وموضوعك هالبايخ

واي موضوع انزله اكتب في العنوان ارجو التثبيت ارجو التثبيت

ولا مررره نزلت موضوع من تأليفي من رويسي

اتحداكم وشهو

موضوع مقلب

كاتب الموضوع كذا ( شي لايفوووووووووتك روعه ارجو التثبيت )

واذا دخلو مالقو ولا كلمة مغيرررر صفحه بيضااااء وتنزل وتنزل لييييييييييين تدوووخ وفي النهايه كاتب وش رايكم في المقلب << امحق مقلب

وكاتب من تئليفي الرجاء ذكر المصدر عند النقل <<< مصدق عمرهـ

عاد اووف مغير كل يومين صاكيني باند لييين هجدت

عاااد فيه واحد من الاعضاء نشبلي ارسلي في الخاص ممكن تعطيني ايميلك

عاد توهقت ماعندي ايميل

قلت لحوووول وش السواة
واقوم وارد عليه <<< قعدت اعرف للخاص

اخوي وصديقي وحبيبي صمت الوداع

والله ياخوي مدري وش اقولك انا تخبر عندي حول مليون ايميل ومن كثرها نسيتها كلها بس ان شاء الله بطلع لي ايميل جديد وبعطيك اياه اوكيه <<< ذكي الولد مشاء الله

عاااد رد علي قال اوكيه

وقمت ورديت عليه وقلت ثانكس <<< مسوي متطور

عااااد فيه شريط الاهداءات هذا اللي فوووق

عاااد ماأجيه ولا اقررربه احسبنه بفلووس مثل حق القنوات خخخخخخ

جاء مررره ارسلت مسوي فاهم قلت لو سمحتو ممكن اعرف كم قيمة الرساله الوحده في الاهداءات مير وهم يغشون ضحتس علي وقالوا ببلاش قلت اووما عاااد ومن بعدها انواع الرسايل في الاهداءات وانواع القروووشه



و و و و .... الخ


اذا تبوني اكمل واقولكم قصتي يووومنهم حطوووني مشرررف قووولوو

انتظرو الجزء الثالث يوم حطوني مشرف